युहन्‍ना 4:3 - Dhimal NT

³ जेलाउ येसु इदोइ काथा थाहा गिहि, येसु यहुदिया जिल्ला लाअ्तेङ आरोङ गालिल जिल्लाता ताइको चात्यागेलाइ दोफा घुरेहि।

धिमाल

³ जेलाउ इसु इदोइ काथा हिङहि, वा यहुदिया लाअ्‌तेङ आरोङ गालिलता घुरिहि।

युहन्‍ना 4:3 Iomraidhean Croise

मत्‍ति 10:23

जेलाउ द्‍याङगेलाइ नेलाइहेङ परमेस्वरको बचन सुसमाचार पाहि दोअ्तेङ एनोङ सहरता साताइनु भेनेङ सहरता खाअ्तेङ हानेसु। का नेलाइ दोफा जातिङको दोअ्खा, का द्‍याङको चान, मालोसिङ नेलाइ परमेस्वरको बचन सुसमाचार पालि इस्राएल सारभिको गोताङ सहरको द्‍याङगेलाइहेङ मादोस्वाना।

मर्कुस 3:7

कालाउ येसु ताइको चात्यागेलाइ दोफा हानिहि कालाउ द्‍याङको बार्का जेर बुङ येसुहेङ पिताइपुहि। इम्बालाइ गालिल जिल्लाको, यरुसेलेम सहर, यहुदिया जिल्लाको देरासो, इदुमिया जिल्लासो, कालाउ यर्दन झोराको नुहेपाहाको इलाकासो, कालाउ टुरोस कालाउ सिदोन सहर भेरपाको इलाकासो लोका हिघाहि। इदोइ गोताङ द्‍याङगेलाइ येसुको पाका माहान कामगेलाइको बारेता हिङतेङ लोहि।

लुका 17:11

जेलाउ येसु कालाउ वाको चात्यागेलाइ यरुसेलेम सहर हानिका दामा हानिदोङघाहि, वा सामारिया जिल्ला कालाउ गालिल जिल्लाको सिमाना पाहासो हानिहि।

युहन्‍ना 1:43

न्हु दिना येसु गालिल जिल्लाता हानिका निर्नय पाहि। कालाउ फिलिपहेङ दुसुतेङ वा वासेहेङ दोअ्हि, “का दोफा लोसु कालाउ काङको चात्या जेङसु।”

युहन्‍ना 10:40

येसु आरोङ यर्दन झोराको ओदोइ पार इङको थामेता हानिहि, जेता युहान्‍ना लाम्फा बप्तिस्ता पिका पिघाहि, कालाउ वा इन्ताङ हि।

युहन्‍ना 11:54

ओदोङ भाअ्सिङ येसु आरोङ यहुदिगेलाइको माझाता भाइ-भाइपा माहिगिल्हि। कालाउ वा इन्तासो चाका-मान्दा थामेको भेरपाङ हिका एफ्राइम दोअ्का देराता हानिहि, कालाउ इन्ताङ ताइको चात्यागेलाइ दोफा हि।

युहन्‍ना 2:11

येसुको चिन्हागेलाइ मध्ये इदोइ लाङ चिन्हा येसु गालिल जिल्लाको कान्हा नगरता पाहि। एसापा वा दोङ ताइको महिमा देखाल पाहि, कालाउ वाको चात्यागेलाइ वा ह्रुता खाङधुरि पाहि कि वा ख्रिस्ट हि।

युहन्‍ना 3:22

कालाउ न्हुसो येसु कालाउ वाको चात्यागेलाइ यहुदिया जिल्लाता हानिहि कालाउ इन्ता इम्बालाइ दोफा कोम्हा सोमोइको भाअ्सिङ इन्ताङ बासा हि, कालाउ द्‍याङगेलाइहेङ बप्तिस्ता पिहि।

युहन्‍ना 3:32

वा जेदोङ तिङका कालाउ हिङका हि, इङको साक्सि वा पिखे कालाउ वाको साक्सि हेन्जाङ द्‍याङगेलाइ माह्रुखे।

युहन्‍ना 4:47

येसु यहुदिया जिल्लासो गालिल जिल्लाता लोका हि, दोअ्का हिङतेङ उङको द्‍याङ वाकोता लोहि, कालाउ काङको सिलि तोम्का चानहेङ लोतेङ एल्पापि दोअ्तेङ सेउपाहि।

युहन्‍ना 7:1

कालाउ न्हुसो येसु गालिल जिल्लाता बुङ घुराइगिल्हि। कालाउ यहुदिया जिल्लाता हानिलि मन मापाहि हाइपालिपानु यहुदि आगुवागेलाइ वासेहेङ सेअ्लि दाउ भोघाहि।