युहन्‍ना 3:3 - Dhimal NT

³ येसु उङकोहेङ उत्तारा पिहि, “जातिङ भारि का नासेहेङ दोअ्खा, हासु बुङ नावा जेन्तेङ जोलोम माजेङनु वा परमेस्वरको सासन आनुभब पालि माद्वाङ।”

धिमाल

³ इसु इङकोहेङ दोअ्‌हि, “जातिङको का नासेहेङ दोअ्‌खा, हासुङ नावा पातेङ जोलोम माजेङनु वा परमेस्‍वरको सारभि तिङलि माद्‍वावा।”

युहन्‍ना 3:3 Iomraidhean Croise

मत्‍ति 16:17

येसु दोअ्हि नाअ् धन्यको हिना, ओइ योनाको चान सिमोन। हिदोइ बुङ द्‍याङ नासेहेङ इदोइ धिरपाका माको। स्वर्गता हिका काङको परमेस्वर आबा नासेहेङ तिङपा पिका हि।

मत्‍ति 19:24

आरोङ का नेलाइहेङ दोअ्खा, एनोङ उटहेङ बिन्दुको कानासो दुल्लि मुसकिल माजेङखे भरु, “एमि धनि द्‍याङहेङ परमेस्वरको सासनता दुल्लि हेन्जा मुसकिल हि!”

मत्‍ति 21:31

एला इदोइ न्हेमि चानगेलाइसो हासु चाहि ताइको आबाको आग्या केम्हि। इम्बालाइ जोबाफ पिहि, जेठा चाहि। कालाउ येसु इम्बालाइहेङ दोअ्हि, जातिङको का नेलाइहेङ दोअ्खा, पोत ल्होपाकागेलाइ कालाउ कासिबिरिगेलाइ ते नेलाइ खान्तेङ लाम्फा परमेस्वरको सासनता दुल्लावा।

मत्‍ति 5:18

हाइपालिपानु जातिङ भारि का नेलाइहेङ दोअ्खा, आकास कालाउ प्रिथिबि माअ्तेङ मान्हेपा धाउ परमेस्वरको व्यवस्थाको गोताङ काथा, इता थेकापा कि म्हुइका खान्तेङ म्हुइका काथागेलाइ बुङ प्रभावता ह्यावा जेलाउ थेकापा गोताङ आगमबानिगेलाइ पुरा माजेनावा।

मर्कुस 10:14

येसु इसिका तिङतेङ ताइको चात्यागेलाइ दोफा चेर ताम्पातेङ दोअ्हि, उङको जामाललाइहेङ काङको दोफा लोलि पिसु इम्बालाइहेङ मागोराइसु, हाइपालिपानु परमेस्वरको सासन इसकालाइको दोङ हि।

मर्कुस 9:47

जेसापा नेलाइ पाप पालिको भाअ्सिङ ताइको मिसियाँहेङ पाप पालि लागाइलि सोचितेङ हिका हिसुना पानु इङकोहेङ ओल्ले पापि। न्हेनोङ मिसियाँ नरकता हानिका खाङतेङ भरु कान्हाँ जेङतेङ परमेस्वरको सासनता दुल्लि हेन्जाङ रेम्काङ जेनाङ।

युहन्‍ना 1:13

इम्बालाइ ताइको आमाइ-आबासो जोलोम जेङका माको, ना ते हिदोइ बुङ द्‍याङको इच्छासो, ना ते द्‍याङको सान्तान निङलिको इच्साहोइ, कालाउ परमेस्वर पाहासो जोलोम जेङखे।

युहन्‍ना 1:5

कालाउ फाइसालामका कितिकितिकाता चिल्काखे कालाउ कितिकितिकाहोइ वासेहेङ सेअ्लि माअ्दोहि।

युहन्‍ना 1:51

कालाउ येसु उङकोहेङ दोअ्हि, “जातिङ भारि का नेलाइहेङ दोअ्खा, नेलाइ बादेल फाङगाइन्हाहि कालाउ परमेस्वरको स्वर्गदुतगेलाइहेङ का द्‍याङको चान लेता खुकाताङ कालाउ ह्रुता हानिकाताङ पाका तिङस्वाना।”

युहन्‍ना 12:40

परमेस्वर ओबालाइको मिसियाँ कान्हाँ बानाइपापिका हि कि, कालाउकि ओबालाइ तिङलि माद्वाको, कालाउ ओबालाइको मन राङका पापिका हि, कालाउकि माबुझ्याको, माकुनुते ओबालाइ काङकोता घुरिधावा कालाउ का ओबालाइहेङ एल्पाधाङका।

युहन्‍ना 3:4

निकोदेमस येसुहेङ दोअ्हि, “द्‍याङ बुरातेङ हेसा जोलोम जेङलि द्वाङ? हाइ उङको ताइको आमाइको हामुता दुल्तेङ आरोङ न्हे पल्ति जोलोम जेङलि द्वाङ रो? माको मादोखे।”

2 कोरिन्थि 4:4

कालाउ इदोइ सुमिङको दिर साइतान उङको खाङधुरि मापाकालाइको बिद्दिहेङ कान्हाँ बानाइ पिका हि, ओदोङ भाअ्सिङ इम्बालाइ ख्रिस्टको बारेता सुसमाचार कालाउ वाको महिमाको बारेता बुझिलि मादोखे, हाइपालिपानु ख्रिस्ट परमेस्वरको स्वरुप हि।

2 कोरिन्थि 5:17

ओदोङ भाअ्सिङ जेसापा हासुकोङ बुङ ख्रिस्ट दोफा सम्बन्ध हि पानु वाको दोफा नावा स्वभाव हि, खाङसु पुर्ना माअ्तेङ हानिहोइ नावा स्वभाव लोका हि।

गलाति 6:15

हाइपालिपानु ना ते खातानाको हाइ दोङ महत्व पुर्न हि, ना ते खाताना माजेङका कालाउ परमेस्वर पबित्तरो आत्मासो नेलाइहेङ नावा द्‍याङ बानाइका हि इङको चाहि महत्व पुर्न हि।

एफिसि 2:1

नेलाइ येसुता खाङधुरि पालि खान्तेङ लाम्फा आत्माता सिका हिघासुखेना, कालाउ नेलाइ दोफा परमेस्वरसो निङका जिबन मान्थुघाखे, हाइपालिपानु नेलाइ पाप पासुना कालाउ परमेस्वरको आग्या माकिसुन्हा।

तितस 3:5

कालाउ केलाइको ताइकोङ रेम्का कामसो माको, कालाउ वाको ताइको दायाहोइ केलाइहेङ केलाइको पापको दन्डसो बान्चिपाहि, कालाउ वा केलाइहेङ पबित्तरो आत्मा पिहि, जाइ केलाइको पापगेलाइ झाअ्पिहि कालाउ नावा जिबन पिहि कालाउ नावा तरिका जियाइलि धिरपाहि।

याकुब 3:17

कालाउ जेदोङ बुद्दि परमेस्वरसो लोखे इङको लाम्फाङ सुद्द हिखे, कालाउ इङको सान्तिप्रिय, मोनोइ, मिलिका, दायाहोइ कालाउ रेम्का कामहोइ भरिका, पक्स्य पात मान्थुका कालाउ छल माकोसिङ हिखे।

1पतरुस 1:3

केलाइको प्रभु येसु ख्रिस्टको आबा कालाउ परमेस्वरको बाखानाइ ज्याको। परमेस्वर केलाइ दोफाको माहान क्रिपा होइ वा केलाइहेङ एनोङ नावा जिबन पिका हि। हाइपालिपानु परमेस्वर येसु ख्रिस्टहेङ सिकासो सिन्चाल पाका हि, वा दोङ केलाइहेङ धुक्कसो बान्चिलि दोका बानाइका हि, इङको दोअ्का वा केलाइहेङ प्रतिग्या पाका काथा निङका पुरा आस पाका हि।

१ युहन्‍ना 2:29

ख्रिस्ट परमेस्वरको आगाता जेदोङ आसल हि ओदोङ काम पाखे दोअ्का काथा जेसापा नेलाइ गिस्वाना पानु या काथाता नेलाइता निस्चित ज्याको, कि आसल काम पाका हासुलाउ बुङ परमेस्वरको सान्तानगेलाइ दोङ।

१ युहन्‍ना 3:9

जाइ परमेस्वरको सान्तान हि इम्बालाइ लागातार पाप मापाखे, हाइपालिपानु वाकोता परमेस्वरको स्वभाव हिखे, कालाउ वा लागातार पाप पालि मादोखे, हाइपालिपानु उङको परमेस्वरको सान्तान हि।

१ युहन्‍ना 5:1

येसु दोङ ख्रिस्ट हि दोअ्तेङ खाङधुरि पाका झाराङ परमेस्वरको सान्तान दोङ। जाइ आबाहेङ प्रेम पाखे वाको सान्तानगेलाइहेङ बुङ प्रेम पाखे।

१ युहन्‍ना 5:18

परमेस्वरको सान्तान हासु बुङ पाप पातेङ माहिखे, हाइपालिपानु परमेस्वरको चान येसु वासेहेङ सामाराइतेङ ताअ्खे, कालाउ साइतान बुङ वासेहेङ मासाइखे।

१ युहन्‍ना 5:4

हाइपालिपानु परमेस्वरको गोताङ सान्तान इदोइ सुमिङको मारेम्का काथागेलाइहेङ इन्कार पाका हि। कालाउ केलाइको खाङधुरिसो दोङ केलाइ इदोइ सुमिङको मारेम्का काथागेलाइहेङ जितिका हिनाहि।

प्रकास 3:14

कालाउ येसु कासेहेङ एसा बुङ दोअ्हि, लाउडिकिया सहरको मन्डलिको स्वर्गदुतहेङ या सन्‍देस लेखे: का वाआङ हिघा, जाइहेङ आमेन दोअ्खे, हाइपालिपानु का भोरोसा यग्यो हिघा कालाउ का परमेस्वरको बारेता जेदोङ दोअ्घा गोताङ सत्ये हि। वा सिर्जाइहि गोताङ थोकको का स्रोत हिघा। जेदोङ का नेलाइहेङ दोअ्खा वासेहेङ हिङसु।