युहन्‍ना 2:2 - Dhimal NT

² बिहुता येसु कालाउ वाको चात्यागेलाइहेङ बुङ नेउता पिका हिघाहि।

धिमाल

² इसु रो वाको चात्‍यागेलाइहेङ बुङ बिहुता नेउतापिका हिघाखे।

युहन्‍ना 2:2 Iomraidhean Croise

मत्‍ति 12:19

वा ना ते चेरस्वावा, ना ते ह्रिकाइतेङ जोगेरियावा, ना ते वा दामागेलाइता बारका गालाहोइ द्‍याङगेलाइहेङ भासनदोङ पावा।

मत्‍ति 25:40

कालाउ का राजा इम्बालाइहेङ जोबाफ प्याङका, का नेलाइहेङ जातिङको दोअ्खा, इता नेलाइ काङको उङको खान्धुराइ सानाइतिगेलाइ मध्ये झाराङ खान्तेङ म्हुइकाहेङ जेदोङ पासुन्हा इङको कासेहेङ दोङ पाका दोङ।

मत्‍ति 25:45

कालाउ का ओबालाइहेङ जोबाफ प्याङका, जातिङ भारि का नेलाइहेङ दोअ्खा, काङको खान्धुराइ सानाइतिगेलाइ मध्ये झाराङ खान्तेङ म्हुइकाहेङ मासाघाइलि दोङ कासेहेङ मासाघाइलि।

युहन्‍ना 2:12

कालाउ न्हुसो वा ताइको आमाइ, ओनेगेलाइ, कालाउ चात्यागेलाइ दोफा कर्फनहुम सहरता हानिहि, कालाउ आले दिना इन्ताङ हि।

युहन्‍ना 2:17

वाको चात्यागेलाइ धर्मसास्तरता लेखेका इङको काथा फोम पाहि, “नाङको साअ्को भक्तिहोइ का लिता मे भाइपा जोल्तेङ हि।”

युहन्‍ना 2:22

जेलाउ वा सिकासो सिन्हुहि, येसुको दोअ्का काथा चात्यागेलाइहेङ फोम लोहि, कालाउ इम्बालाइ धर्मसास्तरता ख्रिस्ट सिकासो सिन्हुका बचनता कालाउ येसुको दोअ्का काथाता खाङधुरि पाहि।

युहन्‍ना 2:3

जेलाउ दाखरस आतुइसा खिनिङ बाकि हिघाहि, कालाउ येसुको आमाइ लोतेङ वासेहेङ दोअ्हि, “इम्बालाइ दोफा दाखरस मान्थु।”

युहन्‍ना 3:22

कालाउ न्हुसो येसु कालाउ वाको चात्यागेलाइ यहुदिया जिल्लाता हानिहि कालाउ इन्ता इम्बालाइ दोफा कोम्हा सोमोइको भाअ्सिङ इन्ताङ बासा हि, कालाउ द्‍याङगेलाइहेङ बप्तिस्ता पिहि।

युहन्‍ना 4:2

येसु ताइमिङ बप्तिस्ता मापिहि, कालाउ वाको चात्यागेलाइ बप्तिस्ता पिघाहि।

युहन्‍ना 4:33

ओदोङ भाअ्सिङ चात्यागेलाइ ता-ताइमिता दोअ्हि, “हाइ हासु बुङ वासेहेङ चाका-आम्का पिपाहि कि नाअ् हेसा?”

युहन्‍ना 4:8

हाइपालिपानु वाको चात्यागेलाइ सहरता चाअ्का आमेनेगेलाइ चोल्लि हानिका हिघाहि।

युहन्‍ना 6:12

कालाउ जेलाउ इम्बालाइ हामु भेल्पाङ चाअ्हि, कालाउ वा ताइको चात्यागेलाइहेङ दोअ्हि, “दाइका दुइका तोलेको पोङन्हाका टुक्रागेलाइ जोम्पासु, कालाउ हाइ दोङ मानासाताको।”

युहन्‍ना 6:16

बेल्लालि तोम्लाउ येसुको चात्यागेलाइ गालिल समुन्द्रको काम्भेता हानिहि।

युहन्‍ना 6:60

इदोइ काथागेलाइ हिङतेङ न्हुसो येसुको चात्यागेलाइ मध्येसो हेन्जा द्‍याङगेलाइ दोअ्हि, इदोइ सिक्स्या थाङका हि, हासु इदोइ मानिलि द्वाङ रो?

युहन्‍ना 6:66

कालाउ इङको सोमोइसो येसुको चात्यागेलाइ मध्ये हेन्जाङ वासेहेङ पिताइलि लाअ्हि।

युहन्‍ना 6:67

येसु तेन्हे झना चात्यागेलाइहेङ हिअ्हि, “हाइ नेलाइ बुङ कासेहेङ लाअ्तेङ हानिस्वाना?”

युहन्‍ना 6:70

येसु इम्बालाइहेङ जोबाफ पिहि, “हाइ का ताइमिङ नेलाइ तेन्हे झनाहेङ साल्का माको रो? कालाउ बुङ नेलाइ मध्येसो एमि चाहि साइतानको खाबाराता हि।”

युहन्‍ना 6:71

येसु इदोइ काथा सिमोन इस्कोरियतको चान यहुदाको बिसोइता दोअ्का हिघाहि, हाइपालिपानु तेन्हे झना चात्यागेलाइ मध्येसो येसुहेङ धोका पितेङ रिम्पापिका उङकोङ हिघाहि।

युहन्‍ना 6:8

वाको चात्यागेलाइसो एमि, सिमोन पतरुसको ओने आन्द्रियास दोअ्हि,

युहन्‍ना 7:3

ओदोङ भाअ्सिङ येसुको ओनेगेलाइ वासेहेङ दोअ्हि, “इदोइ थामे लाअ्तेङ यहुदिया जिल्ला हाने, कालाउ नाअ् दोङ पातेङ हिका कामगेलाइ नाङको चात्यागेलाइ बुङ तिनाको।

साल्न्हाका चात्या 11:26

जेलाउ बार्नाबास साउलहेङ निङहि वासेहेङ एन्तिओक सहरता चुमाहि। साउल कालाउ बार्नाबास इन्ता पुरा ए बासार थेकापा हि, कालाउ इम्बालाइ इन्ता खान्धुराइगेलाइ दोफा भेतघात पातेङ हि, कालाउ हेन्जा द्‍याङगेलाइहेङ येसु ख्रिस्टको बारेता सिक्स्या पिहि। कालाउ चात्यागेलाइहेङ लाङ पोल्ति एन्टिओक सहरता दोङ ख्रिस्टियान दोअ्हि।

साल्न्हाका चात्या 11:29

कालाउ चात्यागेलाइ झाराङ ता-ताइको पिलि दोका जति यहुदिया जिल्लाता हिका खान्धुराइ ओनेगेलाइको साघाइलिको भाअ्सिङ भेति पिगिल्लि निस्चय पाहि।

1 कोरिन्थि 10:31

ओदोङ भाअ्सिङ जोबाफ चाहि इदोइ दोङ कि, नेलाइ चासु माकुनु आम्सु, कालाउ जेदोङ पासु, इदोइ गोताङ परमेस्वरको महिमाको भाअ्सिङ पासु।

1 कोरिन्थि 7:39

के बान्चिपा थेकापा के दोफाङ बे हिलि गोइखे। कालाउ के सिहि पानु न्हुसो वा इच्छा पाका द्‍याङ दोफा वा बिहु पालि द्वाङ। कालाउ वा चाहि प्रभुता खाङधुरि पाका द्‍याङ हिलि गोइखे।

कलस्सि 3:17

नेलाइ जिस्काङ दोअ्लाउ बुङ, जेदोङ पालाउ बुङ गोताङ काथा प्रभु येसुकोङ मिङता पासु कालाउ वाको पाहासोङ परमेस्वर आबाहेङ धन्यबाद चढाइसु।

हिब्रु 13:4

झाराङको माझाता बिहु चाहि आदारनिय ह्याको, कालाउ एमिसो-भेनेङ दोफा जेलाउ बुङ खाङधुरि योग्य जेङतेङ हिसु, हाइपालिपानु दुराचारि कालाउ कासिबिरिगेलाइको न्याय परमेस्वर पावा।

प्रकास 3:20

हिङसु, नाङको ह्रदय लिता दुल्लिको भाअ्सिङ, का साअ्को बाहार जाअ्तेङ हिका फिनु ढकढककाइतेङ हिका द्‍याङ भाइका हिघा। जेसापा नाअ् काङको गाला हिङना कालाउ काङको भाअ्सिङ ताइको ह्रदय हेअ्ना पानु, का लिता ल्वाङका कालाउ केलाइ दोफाङ सङगति पाङका।