युहन्‍ना 1:1 - Dhimal NT

¹ सुमिङ सिरजाइका लाम्फोरति इन्ता एमि हिघाहि जाइहेङ बचन दोअ्न्हाहि, वा चाहि परमेस्वर दोफा हिघाहि, कालाउ वाआङ दोङ परमेस्वर हिघाहि।

धिमाल

¹ लामफोर्ति बचन हिघाहि, बचन परमेस्‍वरदोफा हिघाहि, कालाउ बचन परमेस्‍वर हिघाहि।

युहन्‍ना 1:1 Iomraidhean Croise

युहन्‍ना 17:5

एला हे आबा, नाअ् दोङ लोकाता काङको महिमा पि, जेदोङ महिमा सुमिङ सिर्जाइनालि खान्तेङ लाम्फाङ नाङको दोफा हिलाउ का दोफा हिघाना।

प्रकास 19:13

वा हितिहोइ चोबेका धाबागेलाइ बोअ्का हिघाहि, कालाउ वाको मिङ “परमेस्वरको बचन” हिघाहि।

कलस्सि 1:17

गोताङ आमेनेगेलाइ सिरजाइलि खान्तेङ लाम्फा दोङ ख्रिस्ट हिघाहि। कालाउ वा दोङ गोताङ आमेनेहोइ ए दोफाङ काम पालि बानाइखे।

युहन्‍ना 1:14

कालाउ एमि हिघाहि जाइहेङ बचन दोअ्न्हाहि वा द्‍याङ जेङहि, कालाउ केलाइको माझाता बासा हि। केलाइ दोङ वाको महिमा तिङन्हाहि, वा इसिका हिघाहि जेसाङ आबासो लोका एमि खिनिङ चानको महिमा जेङखे, वा सत्ये कालाउ आनुग्रहहोइ भरि पुर्न हिघाहि।

प्रकास 22:13

का दोङ आल्फा कालाउ ओमेगा हिघा। का दोङ सुरु कालाउ आन्त्य हिघा।”

युहन्‍ना 1:2

वा सुमिङ सिरजाइका लाम्फोरति परमेस्वर दोफा हिघाहि।

प्रकास 1:8

परमप्रभु परमेस्वर दोअ्खे, “का दोङ आल्फा कालाउ ओमेगा हिघा” का दोङ सुरु कालाउ आन्त्य हिघा। वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ, कालाउ जाइ आरोङ ल्वाङ। वा सरबुङसाइका परमप्रभु हि।

फिलिप्पि 2:6

वा परमेस्वर जेङतेङ वा दोङ, परमेस्वरको बानाबोरको जेङका काथाहेङ एनोङ रिम्तेङ ताअ्का आमेने भाइपा माथानेहि।

मत्‍ति 1:23

“खाङसु, एमि धानि बेजान गान्धि तेअ्तावा, कालाउ वा एमि जामालहेङ जोलोम प्यावा, कालाउ वा वाको मिङ इम्मानुएल ताअ्पियावा।” जेदोङको माने हि, “परमेस्वर केलाइ दोफा हि।”

प्रकास 21:6

आरोङ वा कासेहेङ दोअ्हि, “एला गोताङ पुरा जेङहोइ। का दोङ आल्फा कालाउ ओमेगा हिघा। का दोङ सुरु कालाउ आन्त्य हिघा। जाइ चि आम्लि किका हि का इम्बालाइहेङ ताजा चि आम्पालि चुम्पुवाङका जेदोङ ए पाइसा माकोसिङ जिबनको चि आम्लि प्याङका।

हिब्रु 13:8

येसु ख्रिस्ट आन्जि, नानि कालाउ जेलाउलाउ बुङ ए सामान हिका हि, वा हेलाउ बुङ माबदिलिखे।

१ युहन्‍ना 5:20

केलाइ गिनाखे, कि परमेस्वरको चान येसु ख्रिस्ट इदोइ सुमिङता लोका हि, जाइ सत्ये हि वासेहेङ नाल्लि द्वाको दोअ्तेङ परमेस्वर केलाइहेङ समझ पिका हि। जाइ सत्ये हि, केलाइ वा दोफा ए जेङतेङ हिनाहि, माकुनु वाको चान येसु ख्रिस्ट दोफा, वा दोङ सत्ये परमेस्वर कालाउ आनान्त जिबन हि।

1तिमोथि 3:16

हिदोइ बुङ साङखा माकोसिङ केलाइ मानिन्हाखे, कि केलाइको खाङधुरिको रहस्य हेन्जाङ माहान हि: ख्रिस्ट एमि द्‍याङको रुपता देखाल जेङहि, वा पबित्तरो आत्मासो परमेस्वरको चान साबित जेङहि, स्वर्गदुतगेलाइ वासेहेङ तिङहि, गोताङ सारभिगेलाइता वाको बारेता सुसमाचार हिङपाहि, सुमिङको गोताङ द्‍याङगेलाइ वाको ह्रुता खाङधुरि पाहि, कालाउ परमेस्वर वासेहेङ महिमाको स्वर्गता चुम्पुहि।

युहन्‍ना 16:28

का आबा पाहासो सुमिङता लोका हिघा, कालाउ आरोङ का सुमिङहेङ लाअ्तेङ आबाकोता घुरिदोङखा।

प्रकास 1:17

जेलाउ का वासेहेङ तिङघा, कालाउ एन्सालाउ दोङ का वाको चरनता परिघा। का सिका द्‍याङ भाइपा हिघाखा। कालाउ वा ताइको दाम्पाहाको खुर काङको ह्रुता ताअ्तेङ दोअ्हि “माअ्थि, का दोङ सुरु कालाउ आन्त्य हिघा।

युहन्‍ना 20:28

इदोइ काथा हिङतेङ थोमा येसुहेङ उत्तारा पिहि, काङको प्रभु कालाउ काङको परमेस्वर!

तितस 2:13

कालाउ केलाइ आस पाका दिनाको दामा खाङतेङ हिनाखे: जेदोङ दिना येसु ख्रिस्ट, जाइ केलाइको माहान परमेस्वर मुक्ति दाता हि, वा ताइको गोताङ महिमा दोफाङ इदोइ प्रिथिबिता ल्वाङ।

प्रकास 3:14

कालाउ येसु कासेहेङ एसा बुङ दोअ्हि, लाउडिकिया सहरको मन्डलिको स्वर्गदुतहेङ या सन्‍देस लेखे: का वाआङ हिघा, जाइहेङ आमेन दोअ्खे, हाइपालिपानु का भोरोसा यग्यो हिघा कालाउ का परमेस्वरको बारेता जेदोङ दोअ्घा गोताङ सत्ये हि। वा सिर्जाइहि गोताङ थोकको का स्रोत हिघा। जेदोङ का नेलाइहेङ दोअ्खा वासेहेङ हिङसु।

एफिसि 3:9

कालाउ कासेहेङ इदोइ रहस्यको योजाना गोताङ द्‍याङगेलाइहेङ दोअ्लि माउका पिहि, जाइ गोताङ आमेनेगेलाइ बानाइका परमेस्वर म्होतेङ ताअ्का हिघाहि।

प्रकास 1:2

युहान्‍ना ताइमिङ तिङका गोताङ काथा लेखेहि, इङको परमेस्वरसो लोका सन्‍देस हि कालाउ गोताङ काथा जेदोङ येसु ख्रिस्ट दोअ्का हि।

१ युहन्‍ना 5:7

इदोइ सुमनोङ साक्सिगेलाइ हि:

रोमि 9:5

आब्राहाम, इसाहाक कालाउ याकुब इम्बालाइको पुर्खागेलाइ दोङ हि, कालाउ ख्रिस्ट बुङ जिउ आन्सार इम्बालाइकोङ हारागुटिया पाहासो हि। परमेस्वर जाइ झाराङ ह्रुता सासन पाखे, वाको बाखानाइ जेलाउलाउको भाअ्सिङ ज्याको। आमेन।

युहन्‍ना 1:18

परमेस्वरहेङ हासु बुङ हेलाउ बुङ तिङका मान्थु। कालाउ आबा दोफा हिका एमि खिनिङ चान येसु जाइ सत्ये परमेस्वर हि वासेहेङ देखाल पापाहि।

प्रकास 2:8

येसु कासेहेङ एसा बुङ दोअ्हि, स्मुरना सहरको मन्डलिको स्वर्गदुतहेङ या सन्‍देस लेखे: का वाआङ हिघा जाइ गोताङ आमेने सुरु पाहि, कालाउ का आवाङ हिघा जाइ गोताङ आमेने आन्त्य बुङ पाहि। का सिका हिघाखा, कालाउ एला सिन्हुका हिघा कालाउ जेलाउलाउको बुङ भाअ्सिङ सिन्हुतेङ ह्याङका। जेदोङ का नेलाइहेङ दोअ्खा वासेहेङ हिङसु।

२ पत्‍रुस 1:1

का, सिमोन पतरुस नेलाइहेङ लेखेदोङखा, का येसु ख्रिस्टको सेवक कालाउ छाल्न्हाका चात्या हिघा। का नेलाइ झाराङहेङ लेखेदोङखा, जाइ केलाइ झाराङको ओदोङ झोको आनमोल खाङधुरि निङका हि, इदोइ खाङधुरि केलाइको परमेस्वर कालाउ मुक्ति दाता येसु ख्रिस्ट पाहासो केलाइहेङ पिका हि, जाइ केलाइहेङ परमेस्वर दोफा धर्मि बानाइखे।

प्रकास 1:11

इङको गालाहोइ एसा दोअ्हि, “नाअ् जेदोङ तिङखेना इङको एनोङ कितापता लेखे, कालाउ इङकोहेङ न्हि लोङ दोङ मन्डलिगेलाइहेङ दिङगिल्सु, जेदोङ चाहि एफिसस सहर, स्मुरना सहर, परगाम सहर, थिआटिरा सहर, सार्दिस सहर, फिलाडेलफिया सहर कालाउ लाउडिकिया सहर हि।”

लुका 24:53

दिना-दिनाङ इम्बालाइ मुन्दिरता हेन्जा सोमोइ परमेस्वरको बाखिन पाघाखे।

युहन्‍ना 8:58

येसु उत्तारा पिहि, जातिङ भारि का नासेहेङ दोअ्खा, आब्राहामको जोलोम जेङका खान्तेङ का लाम्फा दोङ हिघा।

कलस्सि 1:15

परमेस्वरहेङ हासु बुङ तिङलि मादोखे, कालाउ वाको चान द्‍याङ जेङतेङ लोहि वा परमेस्वरहेङ द्‍याङगेलाइको माझाता देखाल पापिहि। कालाउ वाको दोफा परमेस्वर सिरजाइ पाका गोताङ आमेने ह्रुता सर्बच्चा खाबारा हि।