याकुब 4:8 - Dhimal NT

⁸ परमेस्वरको भेरपाङ लोसु, कालाउ वा नेलाइको भेरपाङ लावा। पापिगेलाइ! ताइको जिबनसो पाप पालि लाअ्पासु। न्हेनोङ मन हिका द्‍याङगेलाइ! नेलाइको हृदय सुद्द पासु।

धिमाल

⁸ नेलाइ परमेस्‍वरको भेरपा लोसु रो वा बुङ नेलाइको भेरपा ल्‍वावा। ओइ कुकरमिगेलाइ, ताइको खुर झासु। ओइ दोमन पाकालाइ, नेलाइको कोन्‍धाङ चोखाइसु।

याकुब 4:8 Iomraidhean Croise

मत्‍ति 12:33

ओदोङ भाअ्सिङ जेसापा सप्रेका सिङ हिनु वा सप्रेका सेका फल पिखे। कालाउ जेसापा सिङदोङ सप्रेका मान्थुनु सेका बुङ मासप्रेखे। हाइपालिपानु सिङहेङ वाको सेकासो नाल्खे।

मत्‍ति 15:2

नाङको चात्यागेलाइ हाइ पालि केलाइको पुर्खासोङ लोका मुन्धुम माकेम्खे? चालि खान्तेङ लाम्फा इम्बालाइ खुर माझाखे।

मत्‍ति 27:24

कालाउ पिलातस हाइ बुङ पारा मातिङहि आरोङ हेन्जाङ गोलमाल जेनाङबे दोअ्तेङ थिहि। कालाउ वा चि चुम्पुतेङ जेरको आगाता ताइको खुर पातेङ दोअ्हि, “नेलाइ ताइमिङ गिसु का या द्‍याङहेङ सेअ्का दुसिका कासेहेङ माको भरु नेलाइहेङ दोङ लाग्याको।

साल्न्हाका चात्या 15:9

कालाउ खाङधुरिसो ओबालाइको मन सुद्द पातेङ परमेस्वर केलाइको कालाउ ओबालाइको माझाता हिदोइ बुङ खाल्को भेदभाव माअ्ताहि।

2 कोरिन्थि 7:1

ओदोङ भाअ्सिङ ओइ आनाउ सानाइतिगेलाइ, केलाइ दोफा इदोइ प्रतिग्यागेलाइ हिनाङ केलाइको जिउ कालाउ आत्माहेङ आसुद्द पाका गोताङ खाल्को मारेम्का कामगेलाइ पालि लाअ्सु, कालाउ परमेस्वरको आदार पातेङ केलाइ गोताङ रुपता पबित्तरो जिबन बितिपाका कोसिस पालि गोइखे।

1तिमोथि 2:8

का चाहिखा, कि जेलाउ बुङ नेलाइ परमेस्वरहेङ आराधाना पालि जोम्सुखेना, परमेस्वरहेङ ग्रहन योग्य जिबन जियाइका वाबालाइ ताइको पबित्तरो खुर तोल्हेतेङ बिना क्रोड कालाउ बिना माचेरसुसिङ प्रार्थाना पाको।

हिब्रु 10:22

कालाउ वा ख्रिस्टको हिति सिरकाइतेङ केलाइको ह्रदयता हिका दुसिका लाअ्पापिका हि, कालाउ केलाइको जिउ सुद्द चिहोइ झाका हि, कालाउ केलाइ तियार जेङका हिनाहि। ओदोङ भाअ्सिङ सत्ये ह्रदय कालाउ बल्लियाका खाङधुरि दोफाङ परमेस्वरको भेरपा हानाइने।

हिब्रु 7:19

हाइपालिपानु मोसाको व्यवस्थाहोइ ते हाइ दोङ सिद्द पालि मादोहि, कालाउ केलाइ दोफा एमि बार्का आसल आस हि, कालाउ केलाइको भाअ्सिङ इङको आस येसु ख्रिस्ट दोङ हि। जाइ केलाइहेङ परमेस्वरको भेरपाङ थुका पापुखे।

याकुब 1:8

हाइपालिपानु न्हेनोङ मन हिका द्‍याङको वाको गोताङ आनिबानिता आस्थिर हिखे।

याकुब 3:17

कालाउ जेदोङ बुद्दि परमेस्वरसो लोखे इङको लाम्फाङ सुद्द हिखे, कालाउ इङको सान्तिप्रिय, मोनोइ, मिलिका, दायाहोइ कालाउ रेम्का कामहोइ भरिका, पक्स्य पात मान्थुका कालाउ छल माकोसिङ हिखे।

1पतरुस 1:22

हाइपालिपानु नेलाइ सत्ये पालन पातेङ सुद्द जेङका हिसुना, एला नेलाइ ताइको दोफाङको खान्धुराइगेलाइहेङ चोखो प्रेम पासु। कालाउ एमिसो भेनेङहेङ ताइको ह्रदयको लिता सोङ प्रेम पातेङ हिसु।

1पतरुस 3:21

पुर्ना सोमोइता इम्बालाइको मुक्ति एला केलाइको मुक्तिको रुप दोङ, जेलाउ केलाइ बप्तिस्ता ह्रुन्हाखे। केलाइ बप्तिस्ता ह्रुका चिहोइ केलाइको जिउसो मिधि माझानाखे, भरु इङको सङकेत हि कि केलाइ परमेस्वरसो माफ ह्रेका हिनाहि, कालाउकि केलाइको मन एला माआउलियाको। केलाइ स्यामा निङलि द्वाङ, हाइपालिपानु येसु ख्रिस्ट ताइको सिकासो आरोङ बान्चिका हि,

१ युहन्‍ना 3:3

कालाउ जेसाङ ख्रिस्टता हिदोइ बुङ पाप मान्थु, हासु बुङ ख्रिस्ट भाइपाङ जेङलि भोखे वा पाप मापाको।