याकुब 4:5 - Dhimal NT

⁵ हाइ नेलाइ या फोम पासुखेना, कि पबित्तरो धर्मसास्तर दोङ ब्यर्थता एसा दोअ्खे, कि केलाइकोता परमेस्वर ताअ्का आत्माको भाअ्सिङ वा ओसारापाङ बारका इच्छा ताअ्खे।

धिमाल

⁵ “परमेस्‍वर केलाइलिअ्‌ता ताअ्‌पिका पुनित हङसको भाअ्‌सिङ वा हेन्‍जाङ चेर ताङपाखे” दोअ्‌तेङ धरमकिताबता लेखिन्‍हाका काथा बेकारको मादोसु।

याकुब 4:5 Iomraidhean Croise

युहन्‍ना 10:35

कालाउ नेलाइ गिसुखेना कि धर्मसास्तरहेङ बदल्लि मादोअ्खे। ओदोङ भाअ्सिङ परमेस्वर ताइको द्‍याङको आगुवागेलाइहेङ इस्वर दोअ्हि पानु, जेलाउ का या दोअ्खा कि, का परमेस्वरको चान दोङ दोअ्लाउ कालाउ नेलाइ हाइ पालि नाअ् परमेस्वरहेङ मन्दा माताका दोअ्सु घासुखेना। का ओदोङ दोङ हिघा जाइहेङ आबा खेङहि कालाउ कासेहेङ सुमिङता दिङगिल्हि।

युहन्‍ना 19:37

कालाउ आरोङ भेनेङ थामेता धर्मसास्तरता एसापा लेखेका हि, जाइ इम्बालाइ दोङ बाका हि इम्बालाइहेङ वा दोङ खानावा।

युहन्‍ना 7:42

धर्मसास्तरता लेखेका कि, ख्रिस्ट राजा दाउदको हारागुटियासो कालाउ बेथेलेहेम देरासो ल्वाङ, जेता राजा दाउद इन्ता हिघाहि?”

साल्न्हाका चात्या 7:9

कुल पतिगेलाइ ताइको ओने योसेफ दोफा डाहा पातेङ वासेहेङ मिस्रो सारभिता एनोङ बान्धाइतिको रुपता पिइहि। कालाउ परमेस्वर युसुफ दोफा हिघाखे।

रोमि 1:29

इम्बालाइ गोताङ खाल्को पाप, खाराबि, दुस्ट, दिका, इख, मारा पाका, चेरसुका, धाताइका कालाउ एमिसो-भेनेङको काथा पोअ्खे।

रोमि 9:17

हाइपालिपानु परमेस्वर मिस्रो सारभिको राजा फारोहेङ दोअ्हि, “का नासेहेङ राजा बानाइघा कालाउकि का ताइको सरबुङ तिङपालि द्वाको जाइ पाहासो गोताङ सुमिङको द्‍याङगेलाइ कासेहेङ नालाको।”

1 कोरिन्थि 6:19

नेलाइहेङ थाहा दोङ हि, कि नेलाइको जिउ पबित्तरो आत्माको मुन्दिर दोङ हि। परमेस्वर पिका पबित्तरो आत्मा दोङ नेलाइको जिउ लिता बासा हिखे, ओदोङ भाअ्सिङ नेलाइ परमेस्वरको दोङ हिसुना।

2 कोरिन्थि 6:16

मुर्तिगेलाइहेङ परमेस्वरको मुन्दिरको हिदोइ बुङ थामे मान्थु, कालाउ केलाइ सिन्हुका परमेस्वरको मुन्दिरगेलाइ दोङ हिनाहि जेसाङ परमेस्वर धर्मसास्तरता दोअ्का हि, “का उङको द्‍याङगेलाइकोता बासा ह्याङका, कालाउ इम्बालाइको माझाता हिगिल्लाङका, कालाउ का इम्बालाइको परमेस्वर जेनाङका, कालाउ इम्बालाइ काङको द्‍याङगेलाइ जेनावा।”

गलाति 3:8

लाम्फाङ दोङ धर्मसास्तरता गैर-यहुदिगेलाइहेङ बुङ खाङधुरिसोङ परमेस्वर धर्मि बानाइयाङ दोअ्का काथा लेखेका हिघाहि। ओदोङ भाअ्सिङ इदोइ रेम्का सुसमाचार लाम्फाङ दोङ परमेस्वर आब्राहामहेङ दोअ्का हिघाहि, “नाअ् पाहासोङ सुमिङको गोताङ द्‍याङगेलाइहेङ का आसिस प्याङका।”

तितस 3:3

हाइपालिपानु केलाइ खान्धुराइ जेङलि खाङतेङ लाम्फा केलाइ मुर्ख, परमेस्वरको आग्या माकिका कालाउ द्‍याङगेलाइ केलाइहेङ धोका पिघाहि। कालाउ केलाइ गोताङ मारेम्का इच्छा कालाउ मारेम्का कामगेलाइको काबुता हिघान्हाहि, कालाउ केलाइ बो गेलाइहेङ डाहा, मन्दा माताघान्हाहि कालाउ एमिसो-भेनेङहेङ हेला पाघान्हाखे।