याकुब 3:1 - Dhimal NT

¹ ओइ खान्धुराइ ओनेगेलाइ, नेलाइकोसो हेन्जा झना परमेस्वरको बचनको सिक्स्यक माजेङसु, हाइपालिपानु नेलाइ गिसुखेना, केलाइ सिक्स्या पिकालाइको न्याय आरुगेलाइको खाङतेङ झन थाङका रुपहोइ जेनावा।

धिमाल

¹ काङको मोन्‍दाताका दादाओने बाइओनेगेलाइ, नेलाइता झाराङ हेन्‍जाङ द्‌याङगेलाइ मास्‍टर जेङलि माभोसु। हाइपानु केलाइ मास्‍टर जेङकालाइको निया हेन्‍जाङ बाराका ज्‍याङ दोअ्‌तेङ नेलाइ गेसुखेना।

याकुब 3:1 Iomraidhean Croise

मत्‍ति 10:24

हासु बुङ चात्या गुरु खान्तेङ माबाराखे ना ते हिदोइ बुङ चाकारिया गिह्रि खान्तेङ बाराखे।

मत्‍ति 23:13

“ओइ कपटिगेलाइ मोसाको व्यवस्था धिरपाका द्‍याङगेलाइ कालाउ फारिसिगेलाइ! नेलाइको भाअ्सिङ हेथे थिलि गोइका हि! परमेस्वर नेलाइहेङ हेन्जा साजाइ प्याङ, हाइपालिपानु नेलाइ दोङ द्‍याङगेलाइहेङ परमेस्वरको सासनता दुल्लि आनुमति मापिसुखेना। नेलाइ ताइमि बुङ मादुल्सुखेना कालाउ दुल्लि खाङकालाइहेङ बुङ दुल्लि मापिसुखेना।”

मत्‍ति 23:14

नेलाइको भाअ्सिङ हेथे थिलि गोइका हि! मोसाको व्यवस्था धिरपाका द्‍याङगेलाइ कालाउ फारिसिगेलाइ, नेलाइते कपटि हिसुना! नेलाइ के सिकालाइको साअ् घिङसुखेना, कालाउ आरोङ तिङपालिको भाअ्सिङ सार्बाजानिक रुपता ह्रिङ-ह्रिङका प्रार्थाना पाका भाइपा खिनिङ पासुखेना। ओदोङ भाअ्सिङ नेलाइ बार्का दन्ड निङस्वाना।

मत्‍ति 9:11

येसु उङको आरु द्‍याङगेलाइ दोफाङ चाकाताङ पाका फारिसि दोअ्का समुहगेलाइ तिङहि, कालाउ येसुको चात्यागेलाइहेङ हिअ्हि, “हाइ पालि गुरु ज्यु नाअ् इन्सिका पोत ल्होपाका कालाउ पापि द्‍याङगेलाइ दोफा योम्तेङ चाखेना?”

लुका 16:2

कालाउ धनि द्‍याङ खारान्जियाहेङ काइतेङ दोअ्हि, नाङको बिसोइता का हाइ हिङदोङखा? नाअ् काङको धन हाइ पान्हा इङको को गोताङ हिसाब किताप कासेहेङ बुझाइ, एलासो नाअ् काङको खारान्जिया मान्थुन्हा।

लुका 6:37

आरुको न्याय मापासु, कालाउ नेलाइको परमेस्वर बुङ न्याय मापाङ। आरुगेलाइहेङ मादुसिसु, कालाउ नेलाइ बुङ दुसिका माजेङस्वाना। स्यामा पासु, कालाउ नेलाइहेङ बुङ स्यामा पापियावा।

युहन्‍ना 3:10

येसु निकोदेमसहेङ जोबाफ पिहि, “नाअ् इस्राएल सारभिता माहान गुरु हिना, नाअ् बास्ताबता इदोइ काथा बुझिलि गोयाना।”

साल्न्हाका चात्या 13:1

एन्तिओक सहरको मन्डलिता हेन्जा परमेस्वरको बक्तागेलाइ कालाउ सिक्स्यकगेलाइ हिघाहि, माकुनु बार्नाबास, सिमोन जाइको भनेङ मिङ निगर हिघाहि, कुरेनि सहरको लुकिएस, सारभिको द्‍यातेङ भागको राजा हेरोद दोफा हुर्किका मनेन कालाउ साउल हिघाहि।

1 कोरिन्थि 12:28

ख्रिस्टको इदोइ मन्डलिता परमेस्वर केलाइहेङ खाल-खाल्को कामको भाअ्सिङ नियुक्त पाका हि: एतेङ साल्न्हाका चात्यागेलाइ, न्हेतेङ परमेस्वरको बक्तागेलाइ, सुम्तेङ सिक्स्यकगेलाइ, कालाउ भारबुसाइका काम पाकालाइ, कालाउ एल्पाका बरदान निङकालाइ, कालाउ साघाइकागेलाइ, कालाउ आगुवागेलाइ, कालाउ परिपरिको भासा धुइकालाइहेङ ताअ्का हि।

2 कोरिन्थि 5:10

हाइपालिपानु केलाइ झाराङ ख्रिस्टको न्याय-आसनको आगाता जाअ्लि गोयाङ, एसापा केलाइ जिउता हिलाउ ताइमि पाका रेम्का-मारेम्का काम आन्सारको प्रतिफल निनाङ।

एफिसि 4:11

कालाउ ख्रिस्ट दोङ मन्डलिहेङ इदोइ योग्यतागेलाइ पिहि: वा आधिमिहेङ छाल्न्हाका चात्यागेलाइ, आधिमिहेङ परमेस्वरको बक्तागेलाइ, आधिमिहेङ सुसमाचार प्राचार पालि, आधिमिहेङ मन्डलिको आगुवागेलाइ कालाउ आधिमिहेङ सिक्स्यकगेलाइ नियुक्ति पाहि।

1तिमोथि 1:7

इदोइ धाताइका सिक्स्कगेलाइ मोसाको व्यवस्था धिरपाका द्‍याङगेलाइ भाइपाङ जेङलि इच्छा पाखे, कालाउ ताइमिङ दोअ्का काथा कालाउ ताइमिङ दाबि पातेङ दोअ्का काथागेलाइ इम्बालाइ ताइमिङ माबुझिखे।

1तिमोथि 2:7

याकोङ भाअ्सिङ परमेस्वर कासेहेङ सुसमाचारको प्राचार पालि कालाउ साल्न्हाका चात्याको रुपता नियुक्ति पाहि। कालाउ वा कासेहेङ खाङधुरि कालाउ सत्येको सिक्स्या गैर-यहुदिगेलाइहेङ धिरपालि साल्हि। कालाउ का धाताइतेङ दोअ्का माको, भरु का सत्ये धुइखा।

2 तिमोथि 1:11

इदोइ येसु ख्रिस्टको सुसमाचारको भाअ्सिङ परमेस्वर कासेहेङ प्राचार पालि कालाउ साल्न्हाका चात्या कालाउ सुसमाचारको गुरुको रुपता नियुक्ति पाहि।

हिब्रु 13:17

नेलाइको आगुवागेलाइको आग्या केम्सु कालाउ इम्बालाइको आधिनता हिसु, इम्बालाइको काम नेलाइको आत्मागेलाइहेङ रक्स्या पालि दोङ हि, कालाउ इम्बालाइ नेलाइको बारेता परमेस्वरहेङ लेखा पिलि गोयाङ, इदोइ काम इम्बालाइ आनान्दसो पाको, दुख मानितेङ माको, माकुनुते नेलाइहेङ हिदोइ बुङ फाइदा माजेनाङ।

याकुब 1:16

काङको आनाउ खान्धुराइ ओनेगेलाइ, परमेस्वर नेलाइहेङ जाचिखे दोअ्तेङ धोकाता मापरेसु।

याकुब 1:19

काङको आनाउ खान्धुराइ ओनेगेलाइ, इदोइ काथा गिसु: झाराङ द्‍याङ हिङलि धेमा, नुइ धुइलि लेद्रापा कालाउ चेरताम्पालि धिला जेङलि गोइखे।

याकुब 3:10

एनोङ दोङ नुइसो बाखिन कालाउ मारेम्का काथा ओल्हिखे। काङको खान्धुराइ ओनेगेलाइ, एसा माजेङलि गोइका हि।

1पतरुस 5:3

कालाउ ताइको द्‍याङगेलाइ ह्रुता हुकुम चालाइका सासक भाइका नेलाइको जिम्माता पिका द्‍याङगेलाइ ह्रुता हुकुम माचालाइसु। भरु इम्बालाइको भाअ्सिङ उधारन जेङसु।