याकुब 2:6 - Dhimal NT

⁶ कालाउ नेलाइते गरिब द्‍याङगेलाइको आपमान पाका हिसुना, हाइ धनिगेलाइ नेलाइहेङ आत्याचार मापाखे रो? हाइ इम्बालाइ नेलाइहेङ आदालातता माचुम्पावा रो?

धिमाल

⁶ कालाउ नेलाइ ते निरधनगेलाइहेङ बादनाम पाका हिसुन्‍हा। हाइ धनिगेलाइ नेलाइहेङ आतिचार मापाखे कुनु? हाइ एम्‍बालाइ नेलाइहेङ नियापाका थामेता माचुम्‍पुखे कुनु?

याकुब 2:6 Iomraidhean Croise

युहन्‍ना 8:49

येसु उत्तारा पिहि, “कासेहेङ भुत-आत्मा धेल्का मान्थु, का ताइको आबा परमेस्वरको आदार पाखा, कालाउ नेलाइ काङको आनादार पासुखेना।

साल्न्हाका चात्या 13:50

कालाउ यहुदि आगुवागेलाइ पावल कालाउ बार्नाबासको बिरोधता बार्का इस्तरको भक्त बेबालाइ कालाउ सहरको मुलि-मुलि वाबालाइहेङ उस्काइहि, कालाउ इम्बालाइ पावल कालाउ बार्नाबासहेङ ताइको सिमानासो बाहार ओल्लापाहि।

साल्न्हाका चात्या 17:6

पावल कालाउ सिलासहेङ निङलि मादोनाङ, इम्बालाइ जेसन कालाउ आधिमि खान्धुराइ ओनेगेलाइहेङ सहरको सासकगेलाइकोता एसा दोअ्तेङ चेरकाताङ थेअ्चाराइकाताङ चुमाहि, गोताङ थामेगेलाइता समस्या चारचाराइ पाका इदोइ द्‍याङगेलाइ इता बुङ लोका हि।

साल्न्हाका चात्या 18:12

जेलाउ गलियोन आखैया प्रदेसको हाकिम हिघाहि, कालाउ आधिमि यहुदिगेलाइ मिलितेङ पावल ह्रुता जाइ लागिहि, कालाउ ओबालाइ पावलहेङ आदालातता चुम्पुतेङ दोअ्हि,

साल्न्हाका चात्या 8:3

कालाउ साउल चाहि साअ्-साअ्ता दुल्तेङ खान्धुराइगेलाइहेङ साताइदोङघाहि। कालाउ वा खान्धुराइ वाबाल कालाउ बेबालाइहेङ घोघाराइतेङ चुम्पुतेङ झ्यालखानाता थुनिपिघाहि।

1 कोरिन्थि 11:22

हाइ नेलाइको चालि-आम्लिको भाअ्सिङ ता-ताइमिको साअ् मान्थु रो? हाइ नेलाइ परमेस्वरको मन्डलिहेङ तुच्स थानिसुखेना कालाउ हाइ दोङ मान्थुकालाइहेङ आपमान पासुखेना? का नेलाइहेङ हाइ दोअ्लि? हाइ का याको भाअ्सिङ नेलाइको बाखिन पालि? का सिलाउ बुङ बाखिन मापाङका।

याकुब 2:3

नेलाइ इङको रेम्का लोखोन धाबा होङतेङ लोकाहेङ आदार मान पातेङ “इता रेम्का थामेता योम्सु” दोअ्ताना कालाउ आरोङ उङको गरिबहेङ चाहि नाअ् इन्ताङ जाअ्तेङ हि, माकुनु काङको खोकोइ भेरपा लेता योम्सु दोअ्स्वाना पानु,

याकुब 5:4

जेदोङ खेतालागेलाइ नेलाइको मिलिङको सिसा चेका हि, नेलाइ धोकाबाजि पातेङ इम्बालाइको ज्याला मापिनाङ खेतालागेलाइ नेलाइको बिरोधता परमेस्वरहेङ पुकारा पाका हि, कालाउ इङको खेतालागेलाइको पुकारा सेनागेलाइको प्रभु परमेस्वर हिङपिका हि।

याकुब 5:6

नेलाइको बिरोध मापाका निर्दुसिहेङ दुसितेङ नेलाइ सेअ्का हिसुना।