याकुब 2:10 - Dhimal NT

¹⁰ हाइपालिपानु जाइ गोताङ व्यवस्था मानिखे कालाउ एनोङ व्यवस्थाहेङ मामानिहि पानु, व्यवस्थाको गोताङ काथा वा किका मान्थुखे।

धिमाल

¹⁰ हाइपानु जाइ गोताङ नियम साअ्‌तेङ बुङ एलोङ काथाता चुकिखे पानु, इङको नियमको गोताङ काथाता दुस ठर्‍हाइन्‍हाखे।

याकुब 2:10 Iomraidhean Croise

गलाति 3:10

कालाउ मोसाको व्यवस्थाता लेखेका हि, कि जाइ मोसाको व्यवस्थाको गोताङ नियमगेलाइ पालि माकेम्खे, परमेस्वरको साराप वाको ह्रुता हुनाङ। ओदोङ भाअ्सिङ व्यवस्था मानितेङ परमेस्वरको आगाता धर्मि जेङलि कोसिस पाका झाराङ ह्रुता स्राप परिका हि। हाइपालिपानु हासु बुङ इङको कानुनगेलाइ जेलाउ बुङ पुरा रितिहोइ केम्लि मादोखे।

गलाति 5:3

का नेलाइहेङ आरोङ चेताउनि पिखा, कि जेसापा हासु बुङ का परमेस्वर पाहासो धर्मि जेनाङका दोअ्तेङ खाताना पाका हि पानु, वा मोसाको व्यवस्थाहोइ दोअ्का गोताङ काथा केम्लि गोइखे।

याकुब 3:2

केलाइ झाराङ हेन्जा काम बिगिर पानाखे, कालाउ जेदोङ द्‍याङ ताइमिङ दोअ्का काथाता गल्ति मापाखे, वा ताइमिङहेङ पुर्न रुपहोइ काबुता ताअ्लि दोखे कालाउ उङको द्‍याङ सिद्द जेङखे।

२ पत्‍रुस 1:10

ओदोङ भाअ्सिङ खान्धुराइ ओनेगेलाइ, ताइमिहेङ कालाउ बो द्‍याङगेलाइहेङ इदोइ तिङपालि आझाइ आसल ब्यभार पालि कोसिस पासु कि परमेस्वर नेलाइहेङ ताइको द्‍याङ जेङलि साल्का कालाउ काइलि थानिका हि। जेसापा नेलाइ इन्सिका पासुखेना पानु नेलाइ पाक्का दोङ परमेस्वरसो हेलाउ बुङ माखेङन्हा स्वाना।

यहुदा 1:24

परमेस्वर नेलाइहेङ बान्चिपालि द्वाङ कालाउकि नेलाइ पापता जिबन जियाइलिको भाअ्सिङ धोकाता मापरिसु। वा महिमित परमेस्वर नेलाइहेङ निस्कलङ कालाउ आनान्दहोइ भरिका बानाइलि नेलाइहेङ ताइमिकोता घुरिपातेङ चुमालि द्वाङ।