याकुब 1:4 - Dhimal NT

⁴ नेलाइ गोताङ काथा सहिलि धिरलि गोइखे, कालाउकि नेलाइकोता हिदोइ बुङ रेम्का गुनगेलाइको आभाब माजेनाको कालाउ नेलाइ गोताङ आत्माता परिपक्का कालाउ पुर्न जेङसु।

धिमाल

⁴ कालाउ नेलाइ गोताङ थोक सहेलि धिरलिगोइस्‍वाना, एन्‍साङ नेलाइ हिदिङ काथाको बुङ हारजा माजेङसिङ नेलाइ गोताङ थोकता बोल्‍याका जेङस्‍वाना।

याकुब 1:4 Iomraidhean Croise

मत्‍ति 10:22

हाइपालिपानु नेलाइ काङको ह्रुता खाङधुरि पास्वाना नेलाइहेङ झाराङ थोअ्तावा। कालाउ जाइ का ह्रुता खाङधुरि पातेङ हि कालाउ जाइ चाहि ताइको जिबन आम्तिम थेकापा दोङ का ह्रुता खाङधुरि पातेङ हिकालाइहेङ चाहि बान्चि पावा।

मत्‍ति 19:20

उङको धाना वाजान येसुहेङ दोअ्हि, “इदोइ गोताङते का केम्का हिघा। एला का दोफा हाइ बाकि हि रो? आरोङ एला का हाइ पालि गोयाङ?”

मत्‍ति 5:48

ओदोङ भाअ्सिङ जेलाउ बुङ नेलाइ आसल पासु, जेसाङ स्वर्गता हिका नेलाइको आबा परमेस्वर बुङ आसल पाखे।

मर्कुस 10:21

येसु वासेहेङ मायारु पातेङ खाङहि कालाउ दोअ्हि, “नाअ् एनोङ भेनेङ काम पालि जरुरि हि। हानितेङ ताइको गोताङ धन-सम्पति पिइतेङ ताका गरिबगेलाइहेङ पि। परिनाम स्वरुप नाङको भाअ्सिङ स्वर्गता धन ह्यवा। लौउ कालाउ काङको चात्या जेङ।”

लुका 18:22

इङको काथा येसु हिङलि दोअ्तेङ वासेहेङ दोअ्हि आरोङ एनोङ काम पालि गोइका हि। नाअ् दोफा जेथे हि इङको गोताङ पितेङ गरिबगेलाइहेङ बाखाराइपि, कालाउ स्वर्गता धन निनाना कालाउ का दोफा लोसु कालाउ काङको चात्या जेङसु।

लुका 21:19

नेलाइको खाङधुरिको कारनहोइ इदोइ गोताङ बिपतिगेलाइसो प्रान बान्चियावा।

लुका 8:15

कालाउ आधिमि द्‍याङगेलाइ रेम्का मिलिङ भाइका हि, जाइ परमेस्वरको बचन रेम्फा कालाउ मन लागाइतेङ हिङखे। कालाउ इम्बालाइ परमेस्वरको बचन पालाना पाखे। कालाउ ह्रुम्तेङ सोमोइताङ रेम्का फल सेपाखे।

युहन्‍ना 17:23

का इम्बालाइ दोफा कालाउ नाअ् का दोफा हिना। कालाउकि इम्बालाइ पुर्न रितिसो ए जेङलि द्वाको। कालाउ एसासोङ नाअ् दोङ कासेहेङ दिङगिल्का हिना कालाउ कासेहेङ प्रेम पाका भाइपा ओबालाइहेङ बुङ प्रेम पाखे दोअ्तेङ सुमिङको द्‍याङगेलाइ ग्याको।

1 कोरिन्थि 2:6

कालाउ बुङ परिपक्का खान्धुराइगेलाइको माझाता केलाइ बुद्दिको काथा पानाखे, कालाउ सुमिङको द्‍याङगेलाइको बुद्दि माको, ना ते इदोइ सुमिङको सासकगेलाइको बुद्दि भाइपा, जेदोङ नासातेङ हानावा।

गलाति 6:9

केलाइ रेम्का काम पालि निरास माजेनाइने, हाइपालिपानु जेसापा केलाइ हिम्मत माहारेहे पानु, परमेस्वरको ताइको सोमोइता केलाइ इनाम निनाङ।

कलस्सि 4:12

नेलाइको नगरसो लोका येसु ख्रिस्टको दास इपाफ्रास बुङ ताइको आभिबादन पिगिल्का हि। वा लगनसिल जेङतेङ प्रार्थानाता परिस्रोम दोफाङ जेलाउ बुङ नेलाइहेङ फोम पातेङ हिखे। कालाउकि नेलाइ परिपक्क जेङसु कालाउ परमेस्वरको गोताङ इच्साता गोताङ रुपहोइ आग्याकारि हिनाङ निर्धक्क हिलि दोसु।

1 थेस्लोनिकि 5:23

परमेस्वर जाइ सान्ति पिखे ताइमिङ दोङ नेलाइहेङ गोताङ खाल्होइ पबित्तरो बानाइयाको, कालाउ नेलाइको गोताङ आत्मा, प्रान कालाउ जिउ केलाइको प्रभु येसु ख्रिस्ट आरोङ मालोपा धाउ पुरा रुपसो दुसिका माह्यावा।

2 तिमोथि 3:17

कालाउकि परमेस्वरको जनगेलाइ गोताङ खाल्को आसल काम पालि तियार कालाउ सक्स्यम जेङलि द्वाको दोअ्तेङ इदोइ धर्मसास्तर पिका हि।

याकुब 1:5

कालाउ जेसापा नेलाइसो हासुहेङ बुङ बुद्दिको खाचो हिनु उद्दार चित्ताहोइ मादुसिका परमेस्वर दोफा वा ह्रेकाको, कालाउ वा वासेहेङ इङको प्यावा।

याकुब 3:2

केलाइ झाराङ हेन्जा काम बिगिर पानाखे, कालाउ जेदोङ द्‍याङ ताइमिङ दोअ्का काथाता गल्ति मापाखे, वा ताइमिङहेङ पुर्न रुपहोइ काबुता ताअ्लि दोखे कालाउ उङको द्‍याङ सिद्द जेङखे।

1पतरुस 5:10

परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।

२ पत्‍रुस 1:9

कालाउ जेसापा एमि द्‍याङ एसापा जिबन माजियाइ नु, उङको एमि रेम्फा मिसियाँ तिङलि मादोका कान्हाँ द्‍याङ भाइका दोङ हि। वा इङको निल्का हि, कि ख्रिस्टता खाङधुरि पालि खान्तेङ लाम्फा वाको पाका पाप परमेस्वर स्यामा पापिका हि।