याकुब 1:11 - Dhimal NT

¹¹ जेसापा ओपाका धाङकासो सान्हे ल्होखे, कालाउ घासिहेङ चुपापिखे। ल्हे हुल्खे कालाउ वाको सोबाइका नासाखे। एन्सा पाङ धनि द्‍याङ बुङ ताइको काम धान्दाता ब्यस्त जेङतेङ दोङ सिखे।

धिमाल

¹¹ जेसापा चेरेङगापा सानेलाउ ल्‍हेअ्‌ सेङतेङ हुल्‍खे। कालाउ इङको ल्‍हेअ्‌को कोइन्‍हाका दोङ राम्‍खे।

याकुब 1:11 Iomraidhean Croise

मत्‍ति 13:6

जेलाउ हेन्जा सान्हेनाङ, आतुइका चालाइको तुपा सेङहि, कालाउ लिता जारि जोअ्लि मादोनाङ इङको चालाइगेलाइ चुअ्हि।

मत्‍ति 20:12

इम्बालाइ दोअ्लि तेङहि, इदोइ ना बजे लोकालाइ ए घान्टा खिनिङ काम पाहि, केलाइते लिपाङ चेराका सान्हेता काम पान्हाहि। कालाउ नाअ् ते इम्बालाइहेङ बुङ केलाइ झोकोङ ए दिनाको निङका पुरा ज्याला पिना।

मत्‍ति 6:30

ओदोङ भाअ्सिङ परमेस्वर दोङ मिलिङको घासि जेदोङ नानि हि, जुम्नि मेता थाइगिल्न्हावा पानु इसिका घासिहेङते परमेस्वर साजाइतेङ ताअ्खे, झन परमेस्वर नेलाइहेङ निसित रुपता रेम्फा सामाराइयावा। हाइ पालि नेलाइको खाङधुरि कमि हि?

मर्कुस 4:6

जेलाउ हेन्जा सान्हेनाङ, आतुइका चालाइको तुपा सेङहि, लिता जारि जोअ्लि मादोनाङ इङको चालाइगेलाइ युल्हि।

1 कोरिन्थि 7:31

कालाउ केलाइ दोफा या सुमिङता जेदोङ बुङ हि, इङकोहेङ हेन्जा चासो माप्याइने, हाइपालिपानु इदोइ सुमिङको गोताङ काथा हेन्जा बेर थेकापा माह्याङ।

1पतरुस 1:4

परमेस्वर ताइको द्‍याङगेलाइको भाअ्सिङ ताअ्का नुगामारि आसिस निङका आस पानाखे। वा इम्बालाइको भाअ्सिङ इङको आसिस स्वर्गता ताअ्खे, जेता इङको आसिस नासालि माकुनु बिगिरलि माकुनु राम्लि माद्वाङ।

1पतरुस 5:4

जेलाउ येसु ख्रिस्ट धुरितेङ ल्वाङ, जाइ केलाइको मुख्य लाखुरिया हिका हि, कालाउ नेलाइहेङ एनोङ कोइनाका मुकुट प्याङ। जाइको चिल्काका हेलाउ बुङ कम माजेनाङ।