हिब्रु 8:3 - Dhimal NT

³ गोताङ प्राधान पुजारि पाप स्यामाको भाअ्सिङ भेति कालाउ भोग पिलि नियुक्ति जेङका हिखे, ओदोङ भाअ्सिङ केलाइको प्राधान पुजारि येसु बुङ परमेस्वरहेङ हाइ दोङ पिलि आवस्यक हि।

हिब्रु 8:3 Iomraidhean Croise

युहन्‍ना 6:51

स्वर्गसो खुअ्तेङ लोका जिबन पिका तोले का दोङ हिघा। हासु बुङ इदोइ तोले चानु उङको जेलाउ बुङ बान्च्याङ। कालाउ जेदोङ तोले का सुमिङता जिबनको भाअ्सिङ प्याङका, उङको चाहि काङको जिउ।”

रोमि 4:25

येसु केलाइको पापगेलाइको भाअ्सिङ सिपिहि, कालाउ परमेस्वर केलाइहेङ वाको दोफा धर्मि बानाइलि येसुहेङ आरोङ सिन्हु पाहि।

रोमि 5:6

हाइपालिपानु केलाइ हुइका हिलाउ दोङ ख्रिस्ट आधर्मि द्‍याङगेलाइको भाअ्सिङ दोअ्का सोमोइता सिपिहि।

रोमि 5:8

कालाउ परमेस्वर केलाइको भाअ्सिङ वाको प्रेम इदोइताङ तिङपाखे, कि केलाइ पापि हिलाउ दोङ ख्रिस्ट केलाइको भाअ्सिङ सिपिहि।

गलाति 2:20

या इसिका हि, कि का बुङ येसु ख्रिस्ट दोफाङ क्रुस्टता सिघा, एला उसो का जियाइका माको भरु येसु ख्रिस्ट का लिता जियाइखे। जेदोङ जिबन जिउता एला जियाइखा, इङको परमेस्वरको चान ह्रुता खाङधुरि पातेङ जियाइखा, जाइ कासेहेङ हेन्जा प्रेम पाखे कालाउ काङको भाअ्सिङ ताइको जिबन बुङ आरपन पाहि।

एफिसि 5:2

बोगेलाइको भाअ्सिङ प्रेममय जिबन बितिपासु, जेसाङ ख्रिस्ट बुङ केलाइहेङ प्रेम पाहि, कालाउ वा केलाइको पापको भाअ्सिङ ताइमिहेङ भोगको रुपता चढाइका हि। कालाउ परमेस्वर खुसि जेङहि, हाइपालिपानु बलिदान वाको भाअ्सिङ ताअ्का मालामालाका बासाना भाइका हिघाहि।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

हिब्रु 2:17

ओदोङ भाअ्सिङ वा गोताङ काथाता बो द्‍याङगेलाइ भाइपा जेङलि गोइहि, कालाउकि वा परमेस्वरको आगाता केलाइको दायालु कालाउ भर परिका प्राधान पुजारि जेङलि द्वाको। कालाउ द्‍याङगेलाइको पाप ल्होपालिको भाअ्सिङ वा दोङ ताइमिहेङ बलिको रुपता आर्पन पालि द्वाको।

हिब्रु 3:1

ओदोङ भाअ्सिङ परमेस्वर वाको दोफा स्वर्गता झ्वाइनालि काइका खान्धुराइ ओनेगेलाइ दोङ हिसुना, येसुता मन लागाइसु जाइ केलाइको भाअ्सिङ परमेस्वरको दुत कालाउ प्राधान पुजारि जेङका हि।

हिब्रु 5:1

परमेस्वर एस्राएल सारभिको द्‍याङगेलाइ मध्येसो गोताङ प्राधान पुजारिगेलाइहेङ छाल्हि, कालाउ वा गोताङ प्राधान पुजारिगेलाइहेङ द्‍याङगेलाइको तर्फसो पाप कातिलिको भाअ्सिङ भेति कालाउ भोगगेलाइ चढाइलि नियुक्ति पाहि, कालाउकि परमेस्वर द्‍याङगेलाइको पाप काटि पापियाको।

हिब्रु 7:27

कालाउ हारुनको हारागुटियाको प्राधान पुजारिगेलाइ भाइपा लाम्फा ताइकोङ पापको भाअ्सिङ कालाउ न्हुसो द्‍याङगेलाइको पापको भाअ्सिङ येसु ख्रिस्ट दोङ दिनाङ-दिनाङ भोग चढाइतेङ हिलि मागोइखे। भरु येसु ताइमिहेङ द्‍याङगेलाइको पापको भाअ्सिङ भोगको रुपता आर्पन पातेङ वा इदोइ काम एखेताङ जेलाउलाउको भाअ्सिङ पुरा पाहि।

हिब्रु 8:4

जेसापा वा दोङ इदोइ सुमिङताङ हिका नुते वा पुजारि दोङ माजेङधाङ, हाइपालिपानु मोसाको व्यवस्था बमोजिम भेति चढाइका पुजारिगेलाइते हिदोङ हि।

हिब्रु 9:14

या सोचिसु कि सिका भारि चुम्पुका कामगेलाइसो ख्रिस्टको हितिहोइ केलाइको ह्रदयहेङ ते झन हेथे हेन्जा सुद्द बानाइलि दोखे, कालाउकि केलाइ सिन्हुका परमेस्वरको आराधाना पालि द्वाको, हाइपालिपानु आनान्त आत्माको सरबुङ पाहासो ताइमिहेङ केलाइको पापको भाअ्सिङ एमि सिद्द भोगको रुपता परमेस्वरहेङ चाढाइहि।