हिब्रु 4:3 - Dhimal NT

³ कालाउ केलाइ परमेस्वरको दोअ्का काथाता खाङधुरि पाकालाइ माइसाका थामेता दुलाङ। कालाउ बो द्‍याङगेलाइको भाअ्सिङ बुङ परमेस्वर दोअ्का हि, “ओदोङ भाअ्सिङ का ताइको चेरचुङता एसापा केरा चाघा, काङको माइसाका थामेता इम्बालाइ हेलाउ बुङ मादुल्लाङ।” कालाउ केलाइ गिनाखे इङको माइसाका थामे जेदोङ इन्ता एला हि, इङको सुमिङ सिरजाइन्हाका सोङ इङको इन्ताङ हिघाहि।

हिब्रु 4:3 Iomraidhean Croise

मत्‍ति 13:35

कालाउ एसापा परमेस्वरको बक्ता दोङ दोअ्का इदोइ काथा पुरा जेङलि लोका हि का नेलाइहेङ निङपिकासो काथा पाङका कालाउ सुमिङको सिरजाइकासोङ थाहा माजेङका काथागेलाइ दोअ्ताङका।

मत्‍ति 25:34

कालाउ का राजा ताइको दाम्पाहा योम्कालाइहेङ दोअ्ताङका, लोसु काङको आबा परमेस्वर नेलाइहेङ आसिरबाद पिका हि। लोसु कालाउ परमेस्वर नेलाइको भाअ्सिङ प्रतिग्या पाका सासनता आधिकारि हिसुना। सुमिङ सिरजाइकाको लाम्फासोङ इदोइ नेलाइको भाअ्सिङ तियार पाका हिघाहि।

एफिसि 1:4

परमेस्वर सुमिङ सिरजाइका खान्तेङ लाम्फा केलाइको ख्रिस्ट दोफाको सम्बन्धको कारन केलाइहेङ चुनिहि। कालाउकि केलाइ वाको आगाता पबित्तरो कालाउ निस्कलङ जेङलि द्वाको।

हिब्रु 3:11

ओदोङ भाअ्सिङ का काङको चेर ताम्पाकाता केरा चाघा, कालाउ काङको माइसालि पिका थामेता इम्बालाइ हेलाउ बुङ दुल्लि मानिनाङ।

हिब्रु 3:14

कालाउ जेसापा केलाइ लाङखेता हिका खाङधुरिता केलाइको जिबनको आनान्त थेकापा ख्रिस्टता बल्लियाका जेङतेङ हिनाहि पानु, केलाइ ख्रिस्ट दोफा बानाबोरको हक जेनाङ।

1पतरुस 1:20

इदोइ सुमिङ सिरजाइन्हाका खान्तेङ लाम्फाङ, येसु ख्रिस्ट मुक्ति दाता हिका ह्याङ दोअ्तेङ परमेस्वर सोमोइ खान्तेङ लाम्फाङ दोङ पाक्का पाका हिघाहि। कालाउ वा इदोइ आम्तिम दिनागेलाइता इदोइ सुमिङता नेलाइको फाइदाको भाअ्सिङ लोहि।