हिब्रु 1:4 - Dhimal NT

⁴ ओदोङ भाअ्सिङ परमेस्वर चानहेङ स्वर्गदुतगेलाइ खान्तेङ बुङ झाउका उत्तम मिङ पिहि, एसापा इदोइ पाहासो केलाइ थाहा निङलि द्वाङ कि, चान स्वर्गदुतगेलाइ खान्तेङ माहान हि।

हिब्रु 1:4 Iomraidhean Croise

एफिसि 1:21

इन्ता ख्रिस्ट गोताङ सासकगेलाइ, आधिकारिगेलाइ, सरबुङगेलाइ, कालाउ राजागेलाइ खान्तेङ ह्रुता, कालाउ इदोइ युगको खिनिङ माको, कालाउ लोका युगता बुङ गोताङ उपादिगेलाइ खान्तेङ झाउका हि।

कलस्सि 1:18

येसु ख्रिस्ट मन्डलिको आगुवाइ पाखे जेसाङ द्‍याङको पुरिङहोइ ताइको जिउ काबुता पाखे। कालाउ वाआङ लाम्फाङ हिघाहि जाइ सिकासो सिन्चाल्का मध्ये जेठा हिघाहि, कालाउकि वाआङ दोङ गोताङ काथा ह्रुता सर्बच्चा ह्याको।

कलस्सि 2:10

कालाउ वा गोताङ खाबारा कालाउ सरबुङगेलाइ ह्रुता प्रभु हि। ओदोङ भाअ्सिङ जेसापा नेलाइ ख्रिस्टता हितेङ हिसुना पानु नेलाइहेङ आत्मिकता ता हाइ दोङ बुङ आमेनेको खाचो माजेनाङ।

2 थेस्लोनिकि 1:7

कालाउ नेलाइ दुख निङचाकालाइहेङ केलाइ दोफाङ लाअ्पावा। इसिका एन्सालाउ जेनावा जेलाउ प्रभु येसु ताइको सरबुङसाइका स्वर्गदुतगेलाइ दोफा तिका मेहोइ खोराइतेङ स्वर्गसो ल्वावा।

हिब्रु 1:9

ठिक काथा नाअ् मन्दा ताखेना कालाउ मारेम्का काथाहेङ नाअ् सिकाखेना, “ओदोङ भाअ्सिङ का नेलाइको परमेस्वर नेलाइहेङ नेलाइ सानाइतिगेलाइ मध्येसो इस्तु साम्मान कालाउ आनान्द पिका हिघा कालाउ नेलाइहेङ साल्का हिघा।”

हिब्रु 12:17

नेलाइहेङ थाहा दोङ हि, न्हुसो वा ताइको आबासो आसिरबाद निङलि भोहि, कालाउ वा इङको मानिङहि, मिति ह्यापालाउ बुङ इङको आसिस चाहिलाउ बुङ वा ताइमिङ लाम्फा पाका काथागेलाइ बदलेलि हाइ दोङ पालि मादोहि।

हिब्रु 2:9

कालाउ सत्ये इदोइ दोङ हि कि, आले सोमोइको भाअ्सिङ येसु ख्रिस्ट स्वर्गदुतगेलाइ खान्तेङ आतुइसा म्हुइका जेङपिहि, कालाउ परमेस्वरको आनुग्रहहोइ येसु सुमिङको गोताङ द्‍याङगेलाइको भाअ्सिङ कस्ट भोगिहि कालाउ सिहि। ओदोङ भाअ्सिङ परमेस्वर वासेहेङ महिमा कालाउ आदार पिहि।

1पतरुस 3:22

कालाउ वा स्वर्गता हानिका हि। वा एला परमेस्वरको दाम्पाहा खुर भारि झाराङ खान्तेङ महत्वय पुर्न थामेता हि, कालाउ वा स्वर्गदुतगेलाइ कालाउ गोताङ आधिकारिगेलाइ कालाउ सरबुङगेलाइ ह्रुता सासन चालाइखे।