हिब्रु 1:3 - Dhimal NT

³ वा दोङ परमेस्वरको महिमाको रुप कालाउ वा दोङ परमेस्वरकोङ स्वभाबको जातिङकोङ प्रति रुप हि, कालाउ गोताङ सुमिङहेङ ताइको सरबुङसाइका बचनहोइ सामाराइखे। कालाउ वा दोङ द्‍याङगेलाइहेङ ओबालाइको पापगेलाइसो स्यामा पापाका काम पालि दोतेङ वा स्वर्गता परमेस्वरको महिमाको दाम्पाहा खुर भारि झाउका साम्मानको थामेता योम्हि।

हिब्रु 1:3 Iomraidhean Croise

मत्‍ति 22:24

इम्बालाइ दोअ्हि, गुरु ज्यु, मोसाको दोअ्का भाइपाङ हिदोइ बुङ द्‍याङ सान्तान माजेङसिङ सिनु, वाको दादाको भाअ्सिङ ओने बिहु पातेङ सान्तान जोलोम पालि उङको बेबालहेङ बिहु पालि गोइखे?

मर्कुस 16:19

जेलाउ येसु ताइको चात्यागेलाइहेङ इदोइ काथा दोअ्लि दोलाउ परमेस्वरसो वासेहेङ स्वर्ग तोल्हेपुहि कालाउ वा परमेस्वरको दाम्पाहा खुरपाहा सासन पालिको भाअ्सिङ योम्हि।

युहन्‍ना 1:14

कालाउ एमि हिघाहि जाइहेङ बचन दोअ्न्हाहि वा द्‍याङ जेङहि, कालाउ केलाइको माझाता बासा हि। केलाइ दोङ वाको महिमा तिङन्हाहि, वा इसिका हिघाहि जेसाङ आबासो लोका एमि खिनिङ चानको महिमा जेङखे, वा सत्ये कालाउ आनुग्रहहोइ भरि पुर्न हिघाहि।

युहन्‍ना 1:29

न्हु दिना युहान्‍ना येसुहेङ ताइकोभारि लोका तिङतेङ दोअ्हि, खाङ, या दोङ ताइमिहेङ बलि पितेङ, सुमिङको पाप तोल्हितेङ चुम्पुका परमेस्वरको थुमा हि!

युहन्‍ना 1:4

वा दोङ जिबनको स्रोत हि, कालाउ वा दोङ गोताङ द्‍याङगेलाइहेङ फाइसालामका पिखे।

साल्न्हाका चात्या 2:33

ओदोङ भाअ्सिङ वा स्वर्गता परमेस्वरको दाम्पाहा खुरता तोलिन्हाहि। कालाउ परमेस्वर वासेहेङ पबित्तरो आत्मा कालाउ आबासो जेदोङ वा प्याङका दोअ्तेङ बाचा पाका हिघाखे। कालाउ वा इङको पबित्तरो आत्मा हुपिहि, जेदोङ नेलाइ एला तिङस्वाना कालाउ हिङस्वाना।

साल्न्हाका चात्या 7:56

स्तिफन दोअ्हि, “खाङसु! का आकास हेन्हाका कालाउ द्‍याङको चान परमेस्वरको दाम्पाहा भारि जाअ्तेङ हिका तिङदोङखा।”

रोमि 1:16

कालाउ का येसु ख्रिस्टको सुसमाचारता गर्ब पाङका। हाइपालिपानु खाङधुरि पाका झाराङको मुक्तिको भाअ्सिङ इदोइ परमेस्वरको सरबुङ हि, लाम्फा यहुदिगेलाइहेङ कालाउ गैर-यहुदिगेलाइको भाअ्सिङ बुङ हि।

रोमि 8:34

हासु बुङ केलाइहेङ दुसिलि माद्वावा, हाइपालिपानु येसु ख्रिस्ट दोङ केलाइको भाअ्सिङ सिपिहि कालाउ सिकासो सिन्चाल्हि। कालाउ एला वा परमेस्वर दोफा हि, कालाउ केलाइको भाअ्सिङ मध्येस्ता बुङ पाखे।

2 कोरिन्थि 4:4

कालाउ इदोइ सुमिङको दिर साइतान उङको खाङधुरि मापाकालाइको बिद्दिहेङ कान्हाँ बानाइ पिका हि, ओदोङ भाअ्सिङ इम्बालाइ ख्रिस्टको बारेता सुसमाचार कालाउ वाको महिमाको बारेता बुझिलि मादोखे, हाइपालिपानु ख्रिस्ट परमेस्वरको स्वरुप हि।

कलस्सि 3:1

जेसाङ परमेस्वर ख्रिस्टहेङ सिकासो सिन्चाल पाहि, कालाउ केलाइ दोअ्लि द्वाङ कि नेलाइहेङ बुङ परमेस्वर सिकासो सिन्चाल पावा। ओदोङ भाअ्सिङ स्वर्गता हिका काथाको इच्छा पासु, जेता ख्रिस्ट परमेस्वरको भेरपा झाराङ खान्तेङ साम्मानित थामेता योम्का हि।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

हिब्रु 1:13

परमेस्वर आरोङ हेलाउ बुङ हिदोइ बुङ ताइको स्वर्गदुतगेलाइहेङ एसा मादोअ्हि, नाअ् काङको दाम्पाहा साम्मानको थामेता योम, जेलाउ थेकापा का नाङको सतुरुगेलाइहेङ पुरा रुपता नाङको आधिनता माचुमापा धाउ।

हिब्रु 10:12

कालाउ ख्रिस्ट ताइमिङहेङ जेलाउबुङको भाअ्सिङ थेम्का पाप स्यामाको भाअ्सिङ एनोङ खिनिङ भोग चढाइहि, कालाउ न्हुसो वा परमेस्वरको दाम्पाहा खुर भारि झाउका साम्मानको थामेता योम्हि।

हिब्रु 12:2

केलाइको खाङधुरि सुरु पाका कालाउ सिद्द बानाइका येसुहेङ खाङतेङ ह्याइने, वा दोङ भबिस्यता निङका आनान्दको भाअ्सिङ आपामानहेङ हाइ दोङ भाइपा माथानिसिङ क्रुसको कस्ट भोगिहि कालाउ परमेस्वरको सिङहासनको दाम्पाहा भारि झाउका साम्मानको थामेता बिराजमान हितेङ हि।

हिब्रु 4:14

ओदोङ भाअ्सिङ स्वर्गता हानिका परमेस्वरको चान येसु दोङ हि, वा केलाइको माहान प्राधान पुजारि हि। ओदोङ भाअ्सिङ केलाइ गोताङ द्‍याङगेलाइको आगाता ग्रहन पाका खाङधुरिहेङ थामितेङ बल्लियाका जेनाइने।

हिब्रु 7:27

कालाउ हारुनको हारागुटियाको प्राधान पुजारिगेलाइ भाइपा लाम्फा ताइकोङ पापको भाअ्सिङ कालाउ न्हुसो द्‍याङगेलाइको पापको भाअ्सिङ येसु ख्रिस्ट दोङ दिनाङ-दिनाङ भोग चढाइतेङ हिलि मागोइखे। भरु येसु ताइमिहेङ द्‍याङगेलाइको पापको भाअ्सिङ भोगको रुपता आर्पन पातेङ वा इदोइ काम एखेताङ जेलाउलाउको भाअ्सिङ पुरा पाहि।

हिब्रु 8:1

एला केलाइ दोअ्लि खाङका काथा चाहि इदोइ दोङ हि: केलाइको बुङ इसिका प्राधान पुजारि हि, जाइ स्वर्गता माहान परमेस्वरको सिङहासनको दाम्पाहा भारि झाउका साम्मानको थामेता बिराजमान हि।

हिब्रु 9:16

उधारनको भाअ्सिङ, केलाइ गिनाखे कि हिदोइ बुङ द्‍याङ सिलि खान्तेङ लाम्फा ताइको सम्पति हासुहेङ पिलि दोअ्तेङ इच्छा पात्तारा लेखेखे पानु, वाको इच्छा पात्तारा आन्सार जेङलिको भाअ्सिङ इच्छा पात्तारा लेखेका द्‍याङ सितेङ खिनिङ उङको द्‍याङको सम्पति होक निङलि दोअ्खे।

1पतरुस 1:21

हाइपालिपानु ख्रिस्टको पाका कामको कारनहोइ, नेलाइ एला परमेस्वरता खाङधुरि पासुखेना। कालाउ नेलाइ ताइको खाङधुरि कालाउ आस परमेस्वरता ताअ्का हिसुना, हाइपालिपानु वा ख्रिस्टहेङ सिकासो सिन्चाल पाहि कालाउ वासेहेङ बारका महिमा पिहि।

1पतरुस 3:22

कालाउ वा स्वर्गता हानिका हि। वा एला परमेस्वरको दाम्पाहा खुर भारि झाराङ खान्तेङ महत्वय पुर्न थामेता हि, कालाउ वा स्वर्गदुतगेलाइ कालाउ गोताङ आधिकारिगेलाइ कालाउ सरबुङगेलाइ ह्रुता सासन चालाइखे।

२ पत्‍रुस 1:16

जेलाउ केलाइ छाल्का चात्यागेलाइ नेलाइहेङ केलाइको प्रभु येसु ख्रिस्टको सरबुङ कालाउ आगामनको बारेता दोअ्का हिघानाहि, जेलाउ चङख जेङतेङ केलाइ नेलाइहेङ बानाइका दन्त्य काथागेलाइ दोअ्का मान्थु घानाहि। भरु केलाइ ताइमिङ ख्रिस्टको बार्का महिमा तिङका हिनाहि।

२ पत्‍रुस 1:17

केलाइ वाको दोफा पबित्तरो लाखता हिघान्हाहि, जेलाउ परमेस्वर आबा वासेहेङ साम्मान पाहि कालाउ परमेस्वरको जोल्काहोइ वासेहेङ खोराइका हिघाहि। जेलाउ केलाइ इन्ता हिघान्हाहि केलाइ सर्बोच्च महिमा, परमेस्वर स्वर्गसो एसा दोअ्काताङ पाका गाला हिङन्हाहि, “या काङको ताइकोङ मायारु चान हि, जाइहेङ का प्रेम पाखा। वाको दोफा का ओसारापाङ लेङचाखा।

१ युहन्‍ना 1:7

कालाउ जेसाङ परमेस्वर ताइको पबित्तरोता आन्सार जेलाउ बुङ आसाल काम पाखे। एन्साङ जेलाउ केलाइ परमेस्वरको फाइसालामकाहोइ तिङपाका आसल काम पाखे कालाउ केलाइको सङगति एमिसो-भेनेङ दोफा हिखे, कालाउ वाको चान येसुको हितिहोइ केलाइ झाराङहेङ पापसो सुद्द पाखे।

१ युहन्‍ना 3:5

पापको आनान्त दन्ड मोअ्पालि ख्रिस्ट इदोइ सुमिङता लोहि दोअ्का काथा नेलाइ गिसुखेना। कालाउ वा हेलाउ बुङ पाप मापाहि।

यहुदा 1:25

वा एमि खिनिङ परमेस्वर हि, कालाउ केलाइको प्रभु येसु ख्रिस्ट केलाइको भाअ्सिङ पाका काम पाहासो दोङ मुक्ति पिका हि। येसु ख्रिस्ट केलाइको प्रभु द्‍याङगेलाइहेङ आदार कालाउ बाखानाइ पिका बानाइयाको। इम्बालाइ या बुझिलि द्वाको कि वाको दोफा लाम्फासोङ नानि कालाउ जेलाउलाउको भाअ्सिङ सरबुङ कालाउ खाबारा हि। आमेन।

प्रकास 3:21

जाइ दुस्टको सरबुङहेङ हारिपावा वा का दोफा काङको सिङहासनता योमावा, जेसाङ का जितितेङ काङको आबा दोफा वाको सिङहासनता योम्का हिघा।

प्रकास 4:11

“हे प्रभु केलाइको परमेस्वर, नाअ् गोताङ थोक सिरजाइना। नाङको इच्छा पाहासो, इङकोगेलाइ सिरजाइनाका हिघाहि, कालाउ इम्बालाइ आस्तित्व्यता हि। ओदोङ भाअ्सिङ नाअ् महिमा, आदर कालाउ सरबुङ निङका योग्यको हिना।”