हिब्रु 1:2 - Dhimal NT

² कालाउ इदोइ आखिरि दिनागेलाइता वा ताइको चान पाहासो केलाइ दोफा नुइ धुइका हि। वा ताइको चान पाहासो दोङ या गोताङ सुमिङ बानाइहि, कालाउ वा ताइको चानहेङ इदोइ गोताङ काथाको उत्तराधिकारि बानाइहि।

हिब्रु 1:2 Iomraidhean Croise

मत्‍ति 13:39

सामाको चालाइ बिका सतुरु चाहि साइतान दोङ हि, कालाउ सिसा मिङका सोमोइ चाहि इदोइ सुमिङको आखिरि दिनादोङ कालाउ सिसा चेका कालाउ जोम्पाका खेतालागेलाइ चाहि स्वर्गदुतगेलाइ दोङ हि।

मत्‍ति 17:5

जेलाउ पतरुस काथा पाकाताङ हिघाहि, एन्सालाउ दोङ ह्रिवापा एनोङ फाइसालामका बादेलहोइ इम्बालाइहेङ थुम्हि। बादेल लितासो परमेस्वर नुइ धुइलि तेङहि, “वा काङको मायारु चान, वा दोफा का लेङचाका हिघा वाको दोअ्का काथाता मन पिसु।”

मत्‍ति 21:38

“आध्यारागेलाइ ता-ताइमिता साल्लाहा पाहि, याते गिह्रिको चान कि रो! या मिलिङ वाको जेनावा। केलाइ यासिहेङ सेअ्नु या मिलिङ केलाइकोङ जेनावा।”

मत्‍ति 26:63

येसु हाइ दोङ मादोअ्सिङ सिकापा दोङ हि। कालाउ प्राधान पुजारि येसुहेङ हिअ्हि, “एला बान्चिका परमेस्वरको मिङता केरा चातेङ का दोअ्खा, केलाइहेङ दोअ्, हाइ नाअ् दोङ परमेस्वरको चान ख्रिस्ट हिना?”

मत्‍ति 28:18

कालाउ येसु इम्बालाइ दोफा लोतेङ दोअ्हि, “स्वर्ग कालाउ प्रिथिबिको गोताङ खाबारा कासेहेङ पिका हि।

मत्‍ति 3:17

कालाउ आकाससो परमेस्वरको इसिका एनोङ गाला लोहि, या काङको मायारु चान का वाको दोफा लेङचाका हिघा।

मर्कुस 1:1

परमेस्वरको चान येसु ख्रिस्टको बारेता एसापा सुसमाचारको सुरु जेङहि।

मर्कुस 12:6

कालाउ न्हुसोता गिह्रि दोफा एमि खिनिङ द्‍याङ हिघाहि उङको वाको मायारु चान हिघाहि। “काङको चानहेङते इम्बालाइ जातिङको आदार पाङ” दोअ्का बुझितेङ वा ताइको चानहेङ आध्याराकोता दिङगिल्हि।

मर्कुस 12:7

कालाउ जेलाउ आध्यारागेलाइ बारिको गिह्रिको चानहेङ लोकाताङ पाका तिङहि, कालाउ इम्बालाइता-ताइमिता दोअ्हि। उङको ते आङगुरको बारिको गिह्रिको चान दोङ यासेहेङ केलाइ सेअ्ताइने, कालाउ इदोइ सम्पति केलाइको जेनावा। माकुनुते वा केलाइहेङ वाको आधिनता ताअ्तावा।

युहन्‍ना 1:10

वा सुमिङता हिघाहि, सुमिङ वाकोसो सिरजाइन्हाहि, कालाउ बुङ सुमिङको द्‍याङगेलाइ वासेहेङ मानाल्हि।

युहन्‍ना 1:14

कालाउ एमि हिघाहि जाइहेङ बचन दोअ्न्हाहि वा द्‍याङ जेङहि, कालाउ केलाइको माझाता बासा हि। केलाइ दोङ वाको महिमा तिङन्हाहि, वा इसिका हिघाहि जेसाङ आबासो लोका एमि खिनिङ चानको महिमा जेङखे, वा सत्ये कालाउ आनुग्रहहोइ भरि पुर्न हिघाहि।

युहन्‍ना 1:3

गोताङ आनेमाने वाको पाहासो सिरजाइन्हाका हिदोइ बुङ आनेमाने वा माकोसिङ माजेङघाहि।

युहन्‍ना 13:3

आबा परमेस्वर कासेहेङ गोताङ आनेमाने ह्रुता खाबारा पिका हि दोअ्का काथा येसुहेङ थाहा हिघाहि, कालाउ परमेस्वरसो लोतेङ परमेस्वरकोताङ घुरिदोङखा दोअ्का काथा बुङ येसुहेङ थाहा हिघाहि।

युहन्‍ना 13:32

परमेस्वर ताइको चानहेङ महिमित पावा, कालाउ वा एन्सालाउ दोङ महिमित पावा।

युहन्‍ना 15:15

एला का नेलाइहेङ बान्धाइति मादोअ्ताङका, हाइपालिपानु वाको गिह्रि हाइ पाखे बान्धाइति मागिखे। कालाउ का नेलाइहेङ सानाइति दोअ्का हिघा, हाइपालिपानु जेदोङ का काङको आबासो हिङघा, का इङको गोताङ काथागेलाइ नेलाइहेङ दोअ्का हिघा।

युहन्‍ना 16:15

जेथे झोको आबा दोफा हि, इङको गोताङ आमेने काङको दोङ हि, ओदोङ भाअ्सिङ जेदोङ का वासेहेङ दोअ्घा ओदोङ काथा पबित्तरो आत्मा नेलाइहेङ दोअ्प्यावा

युहन्‍ना 17:2

हाइपालिपानु नाअ् कासेहेङ गोताङ द्‍याङगेलाइ ह्रुता खाबारा पिका हिना, कालाउकि नाङको पिका गोताङ द्‍याङगेलाइहेङ का आनान्त जिबन प्याङका।

युहन्‍ना 3:16

“हाइपालिपानु परमेस्वर सुमिङको द्‍याङगेलाइहेङ इसिका प्रेम पाहि, कालाउ वा दोङ ताइको एमि खिनिङ चान पिहि। कालाउकि वासेहेङ खाङधुरि पाकालाइ हासु बुङ नास माज्याको, भरु वा दोङ आनान्त जिबन निनाको।

युहन्‍ना 3:25

कालाउ युहान्नाको चात्यागेलाइसो एमि यहुदि दोफा धार्मिक मुन्धुम चोख्याइलिको बिसोइता तर्क-वितर्क पालि तेङहि।

युहन्‍ना 5:26

हाइपालिपानु जेसाङ आबा परमेस्वर ताइमिङ जिबनको मुहान हि, एन्साङ पातेङ वा दोङ ताइको चानहेङ बुङ जिबनको मुहान बानाइका हि।

युहन्‍ना 5:27

कालाउ हाइपालिपानु का द्‍याङको चान हिघा। आबा परमेस्वर कासेहेङ गोताङ द्‍याङगेलाइको न्याय पाका खाबारा पिका हि।

युहन्‍ना 9:29

केलाइ गिनाखे कि परमेस्वर मोसा दोफा नुइ धुइका हिघाहि, कालाउ केलाइ उङको द्‍याङको बिसोइता हाइ दोङ मागिनाखे, वा हिसोसो लोका हि।

साल्न्हाका चात्या 10:36

परमेस्वर केलाइहेङ इस्राएलगेलाइहेङ पिगिल्का सन्‍देस नेलाइहेङ थाहा हि, वा सान्तिको प्राचारको बिसोइता दोअ्हि, जेदोङ द्‍याङगेलाइ येसु ख्रिस्टता पाका खाङधुरि पाहासो निङखे। कालाउ वा दोङ गोताङ द्‍याङगेलाइको प्रभु हि।

साल्न्हाका चात्या 2:17

न्हुसोको दिनागेलाइता इसिका जेनाङ दोअ्तेङ परमेस्वर दोअ्हि, का झाराङ द्‍याङगेलाइहेङ काङको आत्मा प्याङका, कालाउ नेलाइको चानगेलाइ, कालाउ नेलाइको चामिन्दिगेलाइ आगमबानि दोअ्तावा, कालाउ नेलाइको धाना वाजानगेलाइ दर्सन तिनावा, कालाउ नेलाइको वाराङगेलाइ सोप्पन तिनावा।

रोमि 1:4

कालाउ येसु ख्रिस्ट पबित्तरो आत्माको सरबुङसो सिकालाइसो सिन्चाल्हि। कालाउ एसापा परमेस्वर झालाफालापा तिङपाहि कि येसु दोङ परमेस्वरको चान हि।

रोमि 8:17

कालाउ केलाइ परमेस्वरको सान्तान नुते उत्ताराधिकारि बुङ हिनाहि, परमेस्वरको उत्ताराधिकार कालाउ ख्रिस्ट दोफा साझा-उत्ताराधिकारि। कालाउ जेसापा केलाइ ख्रिस्ट भाइपाङ दुख पिडागेलाइ भोगिन्हाखे पानुते केलाइ बुङ ख्रिस्ट दोफाङ महिमित जेनाङ।

1 कोरिन्थि 2:7

कालाउ केलाइ परमेस्वरको म्होनाका ग्यान कालाउ बुद्दिको काथा पानाखे। जेदोङ आझाइ थेकापा हासुहेङ बुङ थाहा मान्थु, परमेस्वर केलाइको साम्मानको भाअ्सिङ सुमिङ सिरजाइन्हाका खान्तेङ लाम्फा थोहोराइका हिघाहि।

1 कोरिन्थि 8:6

कालाउ केलाइको भाअ्सिङ ते एमि खिनिङ परमेस्वर हि, कालाउ वा केलाइको आबा हि। कालाउ वा दोङ गोताङ आमेने बानाइहि, कालाउ केलाइ वाकोसोङ बान्चिका हिनाहि। एन्साङ पातेङ केलाइ दोफा एमि खिनिङ प्रभु हि, कालाउ वा येसु ख्रिस्ट हि। येसु पाहासो दोङ गोताङ काथा सिरजाइन्हाहि, कालाउ वाकोसोङ केलाइ बान्चिका हिनाहि।

गलाति 4:4

कालाउ जेलाउ ठिक सोमोइ लोहि, परमेस्वर ताइको चानहेङ इदोइ सुमिङता दिङगिल्हि, कालाउ वाको जोलोम एमि बेजानसो जेङहि। कालाउ वा यहुदि जेङतेङ जोलोमहि, कालाउ मोसाको व्यवस्था केम्हि।

एफिसि 1:10

योजाना चाहि या हि: ठिक सोमोइता परमेस्वर स्वर्ग कालाउ प्रिथिबिता हिका गोताङ आनेमानेगेलाइ ख्रिस्टको खाबाराता चुमावा।

एफिसि 3:9

कालाउ कासेहेङ इदोइ रहस्यको योजाना गोताङ द्‍याङगेलाइहेङ दोअ्लि माउका पिहि, जाइ गोताङ आमेनेगेलाइ बानाइका परमेस्वर म्होतेङ ताअ्का हिघाहि।

हिब्रु 1:5

परमेस्वर हेलाउ बुङ स्वर्गदुतगेलाइहेङ मादोअ्हि कि “नाअ् काङको चान हिना, नानि का नासेहेङ काङको चान भाइपा तिङपाका हिघा” कालाउ आरोङ परमेस्वर हेलाउ बुङ स्वर्गदुतगेलाइहेङ मादोअ्हि कि, “का वाको आबा जेनाङका, कालाउ वा काङको चान जेनावा।”

हिब्रु 1:8

कालाउ ताइको चानको बारेता परमेस्वर एसा दोअ्हि, हे परमेस्वर, नाअ् राजा हिना जाइ जेलाउलाउको भाअ्सिङ सासन पाना, कालाउ नाअ् ताइको राइजिता धार्मिकता सोङ सासन पाना।

हिब्रु 11:3

खाङधुरि पाहासो केलाइ बुझिनाखे कि, परमेस्वरको ताइको बचन पाहासो सुमिङ सिरजाइहि, कालाउ वा दोङ केलाइहेङ तिङलि दोका आमेने बानाइलिको भाअ्सिङ मातिङका आमेनेको प्रयोग पाहि।

हिब्रु 2:3

ओदोङ भाअ्सिङ पाक्का दोङ केलाइ बुङ साजाइ निनाङ, जेसापा इङको माहान मुक्तिहेङ वास्ता मापान्हाहि पानु। प्रभु येसु दोङ ताइमिङ लाम्फा इदोइ मुक्तिको बारेता केलाइहेङ दोअ्हि, कालाउ प्रभुहेङ हिङका चात्यागेलाइ इदोइ सत्ये हि दोअ्तेङ केलाइहेङ प्रमानित पिहि।

हिब्रु 3:6

कालाउ येसु ख्रिस्ट चाहि परमेस्वरको साअ्को द्‍याङगेलाइ दोफा चानको रुपता खाङधुरि योग्य हिघाहि, कालाउ जेसापा केलाइ केलाइको आसता साहास ताअ्तेङ हिनाहि पानु, कालाउ केलाइ परमेस्वरको द्‍याङगेलाइ दोङ हिनाहि।

हिब्रु 4:14

ओदोङ भाअ्सिङ स्वर्गता हानिका परमेस्वरको चान येसु दोङ हि, वा केलाइको माहान प्राधान पुजारि हि। ओदोङ भाअ्सिङ केलाइ गोताङ द्‍याङगेलाइको आगाता ग्रहन पाका खाङधुरिहेङ थामितेङ बल्लियाका जेनाइने।

हिब्रु 5:8

परमेस्वरकोङ चान जेङतेङ बुङ ताइमि भोगिका दुख-कस्टसो वा परमेस्वरको आग्या किलि धिरहि।

हिब्रु 7:28

हाइपालिपानु मोसाको व्यवस्थाहोइ ते कमजोर द्‍याङगेलाइहेङ प्राधान पुजारि नियुक्ति पाहि, कालाउ मोसाको व्यवस्था खान्तेङ न्हुसो लोका केरा चाकाहोइ परमेस्वरको चानहेङ प्राधान पुजारि नियुक्ति पाका हिघाहि। कालाउ वा जेलाउलाउको भाअ्सिङ सिद्द प्राधान पुजारि जेङका हि।

1पतरुस 1:20

इदोइ सुमिङ सिरजाइन्हाका खान्तेङ लाम्फाङ, येसु ख्रिस्ट मुक्ति दाता हिका ह्याङ दोअ्तेङ परमेस्वर सोमोइ खान्तेङ लाम्फाङ दोङ पाक्का पाका हिघाहि। कालाउ वा इदोइ आम्तिम दिनागेलाइता इदोइ सुमिङता नेलाइको फाइदाको भाअ्सिङ लोहि।

२ पत्‍रुस 3:3

झाराङ खान्तेङ महत्य पुर्न काथा या हि कि नेलाइ या बुझिलि गोइखे कि आम्तिम दिना खान्तेङ ठिक लाम्फाको दिनागेलाइता आधिमि द्‍याङगेलाइ देखाल जेनावा, जाइको जिबन ताइकोङ लान्सा पाहासो काबुता हिखे। इम्बालाइ ख्रिस्ट धुरितेङ लोका काथाहेङ खुजालाइतेङ उडाइपावा।

यहुदा 1:18

इम्बालाइ दोअ्का हिघाहि, “आखिरि दिनागेलाइता प्रभु कालाउ वाको द्‍याङगेलाइको खुजालाइका जेनावा। उङकोङ द्‍याङगेलाइको जिबन ताइको लान्छाहोइ काबुता जेङका हिखे।”