हिब्रु 1:1 - Dhimal NT

¹ प्राचिन सोमोइसोङ केलाइको पुर्खागेलाइ दोफा परमेस्वर ताइको बक्तागेलाइ पाहासो हेन्जाङखे भेनेङ-भेनेङ तरिकाहोइ परमेस्वर नुइ धुइहि।

हिब्रु 1:1 Iomraidhean Croise

लुका 1:55

वा आब्राहाम कालाउ वाको हारागुटियागेलाइहेङ जेलाउबुङको भाअ्सिङ दाया तिङपालि फोम पाहि। जेसाङ वा दोङ केलाइको पुर्खागेलाइहेङ दोअ्का हिघाहि।

लुका 1:72

वा केलाइको पुर्खागेलाइहेङ दाया तिङपालि, कालाउ ताइको पबित्तरो बाचाहेङ फोम पालि।

लुका 24:27

कालाउ येसु मोसाको व्यवस्थासो चुम्तेङ गोताङ परमेस्वरको बक्तागेलाइसो धर्मसास्तरता ताइको बारेता दोअ्का काथागेलाइ इम्बालाइहेङ बुझाइपिहि।

लुका 24:44

कालाउ येसु ओबालाइहेङ दोअ्हि, जेलाउ का नेलाइ दोफा हिघाखा का हाइ दोअ्घा इङको फोम पासु। का दोअ्घा, मोसाको व्यवस्थाता, परमेस्वरको बक्तागेलाइको पुस्तकता कालाउ भजन सङग्रहता काङको बिसोइता लेखेका गोताङ काथा पुरा जेनाको।

युहन्‍ना 16:13

जेलाउ वा पबित्तरो आत्मा हिका हि, सत्येता थोङपुखे, वा लोलि दोअ्तेङ नेलाइहेङ इङको गोताङ परमेस्वरको बारेता सत्ये बुझाइ पापियावा। वा दोङ ताइको खाबारासो माधुइयाङ कालाउ वा जेदोङ काथागेलाइ परमेस्वरसो हिनाङ ओदोङ दोङ काथा नेलाइहेङ दोअ्प्यावा। कालाउ न्हुसो लोलि खाङका काथागेलाइ बुङ दोअ्प्यावा।

युहन्‍ना 7:22

मोसा नेलाइहेङ खाताना पालि गोयाङ दोअ्का आग्या पिका हि। बास्ताबता इदोइ काम मोसा माको कालाउ पुर्खागेलाइ सुरु पाका हिघाहि। कालाउ बुङ परमेस्वरको पबित्तरो दिनाता नेलाइ ताइको चानगेलाइको खाताना पासुखेना।

युहन्‍ना 9:29

केलाइ गिनाखे कि परमेस्वर मोसा दोफा नुइ धुइका हिघाहि, कालाउ केलाइ उङको द्‍याङको बिसोइता हाइ दोङ मागिनाखे, वा हिसोसो लोका हि।

साल्न्हाका चात्या 13:32

परमेस्वर पुर्खागेलाइहेङ पाका इङको बाचाको प्राचार केलाइ नेलाइकोता दोअ्लि लोका हिनाहि।

साल्न्हाका चात्या 2:30

राजा दाउद एमि परमेस्वरको बक्ता हिघाहि, कालाउ परमेस्वर वाको दोफा केरा चाका काथा वा गिघाखे। परमेस्वर राजा दाउदहेङ बाचा पिका हिघाखे, कि वाकोङ हारागुटियासो एमिहेङ सिङहासनता राजाको कोनिङ योम्पाङ।

साल्न्हाका चात्या 28:23

उङको यहुदिगेलाइ पावलको भाअ्सिङ एनोङ दिना साल्हि, इङको दिना हेन्जा द्‍याङगेलाइ पावलहेङ देराता भेतिहि। कालाउ पावल इम्बालाइहेङ ह्रिमासो बेलापा थेकापा परमेस्वरको सासनको बिसोइता कालाउ मोसाको व्यवस्था कालाउ परमेस्वरको बक्तागेलाइ लेखेका कितापगेलाइसो बुझि पाहि। कालाउ इम्बालाइहेङ येसुको खाङधुरिता चुमालि कोसिस पाहि।

साल्न्हाका चात्या 3:21

कालाउ येसु स्वर्गताङ हिलि आवस्यक हि, एन्सालाउ थेकापा परमेस्वर ताइमिङ बानाइका गोताङ आनेमानेगेलाइ नावा बानाइ प्याङ। हेन्जा सोमोइ लाम्फा परमेस्वर उङको ताइको पबित्तरो बक्तागेलाइ पाहासो इङको बाचा पाका हिघाहि।

हिब्रु 11:18

परमेस्वर वासेहेङ दोअ्का हिघाहि, “का प्रतिग्या पाका आन्सार इसाहाकसो दोङ नाङको सान्तान हेन्जा जेनाङ।”

हिब्रु 11:2

केलाइको पुर्खागेलाइ इसिका खाङधुरि पाका हिघाहि, ओदोङ भाअ्सिङ परमेस्वर इम्बालाइ दोफा खुसि हिघाखे दोअ्का तिङपाहि।

हिब्रु 12:25

चङख हिसु, जाइ नुइ धुइदोङखे वाको दोअ्का काथा हिङलिसो मानाइ मापासु, हाइपालिपानु जेसापा प्रिथिबिता चेताउनि पिका मोसाहेङ इन्कार पाका इस्राएल सारभिको द्‍याङगेलाइ परमेस्वरको दन्डसो माबान्चिहि पानु, कालाउ स्वर्गसो चेताउनि पिका परमेस्वरको दोअ्का काथा हिङलि माकिहि पानु केलाइ जातिङ भारि इङको दन्डसो बान्चिलि माद्वाङ।

हिब्रु 2:2

परमेस्वर स्वर्गदुतगेलाइ पाहासो दोअ्का व्यवास्था जेलाउ बुङ सत्ये साबित जेङका हि, जाइ वाको आनुसरन मापाहि माकुनु आग्या माकेम्हि, वा परमेस्वरसो निङलि गोइका दन्ड निङहि।

हिब्रु 2:3

ओदोङ भाअ्सिङ पाक्का दोङ केलाइ बुङ साजाइ निनाङ, जेसापा इङको माहान मुक्तिहेङ वास्ता मापान्हाहि पानु। प्रभु येसु दोङ ताइमिङ लाम्फा इदोइ मुक्तिको बारेता केलाइहेङ दोअ्हि, कालाउ प्रभुहेङ हिङका चात्यागेलाइ इदोइ सत्ये हि दोअ्तेङ केलाइहेङ प्रमानित पिहि।

हिब्रु 3:5

हाइपालिपानु मोसा बान्धाइति भाइपा परमेस्वरको साअ्को गोताङ द्‍याङगेलाइ दोफा खाङधुरि योग्य जेङहि, कालाउ मोसाको पाका काम दोङ परमेस्वर भबिस्यता धुइलि तोम्का सत्ये काथाको उधारन हिघाहि।

हिब्रु 4:8

केलाइ या बुङ गिनाखे कि परमेस्वरको प्रतिग्या पाका माइसाका थामे कानान सारभि माको, जेता केलाइको पुर्खागेलाइहेङ हानिलिको भाअ्सिङ यहोसु आगुवाइ पाका हिघाहि। जेसापा इङको थामे कानान सारभि नुते परमेस्वर न्हुसो सो भेनेङ दिनाको बिसोइता मादोधावा।

हिब्रु 5:5

एन्साङ पातेङ ख्रिस्ट साम्मान निङलि ताइमिङ प्राधान पुजारि माजेङहि, भरु परमेस्वर दोङ वासेहेङ इङको साम्मान पिहि, कालाउ दोअ्हि, नानि का घोसाना पाङका कि, नाअ् काङको चान हिना। कालाउ नानिको दिनासोङ का नाङको आबा जेङका हिघा।

हिब्रु 9:19

लाम्फा मोसाको व्यवस्थाता लेखेका गोताङ आग्यागेलाइ द्‍याङगेलाइहेङ हिङपाहि। कालाउ न्हुसो वा बाछाको कालाउ बोका मेसागेलाइको हिति चुम्पुतेङ चि दोफा मिसालाइहि, कालाउ न्हुसो वा इ:का उन हिसपको सिङको दालेङता धेउहि कालाउ हितिता चोबिहि कालाउ व्यवस्थाको कितापता कालाउ गोताङ द्‍याङगेलाइता इङको हिति सिरकाइहि।