गलाति 6:3 - Dhimal NT

³ जेसापा हासु बुङ ताइमिङहेङ का हाइ दोङ हिघा दोअ्का सम्झिखे कालाउ बास्ताबता हाइ बुङ मान्थुखे पानु, वा ताइमिहेङ धोका पिखे।

धिमाल

³ एदि हिदिङ द्‌याङ ताइमि बाराका मान्‍थुलाउ बुङ ताइमि बाराका हिघा दोअ्‌तेङ फोमपाखे पानु इङको ताइमिङहेङ दोङ छल पाखे।

गलाति 6:3 Iomraidhean Croise

लुका 18:11

फारिसि जाअ्तेङ मन मनता कालाउ एसापा प्रार्थाना पाहि, हे परमेस्वर, का नासेहेङ धन्यबाद प्याङका, का आरु द्‍याङगेलाइ भाइका धाताइका, आन्यायि, कासिबिरि, माकुनु इदोइ पोत ल्होपाका भाइका मान्थुघा।

साल्न्हाका चात्या 5:36

हाइपालिपानु नानि खान्तेङ लाम्फा खिनिङ थुदास का ताइमिङ हाइ दोङ हिघा दोअ्तेङ दाबि पाहि कालाउ माकुलाउ बुङ द्‍यासाइ द्‍याङगेलाइ वासेहेङ पिताइहि। कालाउ वा सेअ्न्हाहि, कालाउ वासेहेङ पिताइकालाइ झाराङ आउलिगिल्हि कालाउ इम्बालाइको समुह बुङ राम्पाहि।

रोमि 12:16

झाराङ दोफा सान्तिसो मिलितेङ हिसु, कालाउ आभिमानि माजेङसु, कालाउ मोनोइहोइ द्‍याङगेलाइ दोफा सङगत पाअ्सु, कालाउ ताइमिङ हेन्जा गिका माथेनेसु।

रोमि 12:3

परमेस्वर कासेहेङ पिका आनुग्रह पाहासो नेलाइ मध्ये झाराङहेङ का आग्राह पाखा, कि ताइमि जिसिका हिनाहि इङको खान्तेङ हेन्जा ताइमिहेङ मासम्झ्याको। कालाउ परमेस्वर झाराङहेङ पिका खाङधुरिको जोखेकाहोइ ताइमि जिसिका हि, इन्सिकाङ थानियाको।

1 कोरिन्थि 13:2

का दोफा परमेस्वर पाहासो आगमबानि धुइका बरदान हि, कालाउ गोताङ म्होन्हाका काथा कालाउ ग्यानगेलाइ बुझिखा, कालाउ रागेलाइ तुगिल्लिका गोताङ खाङधुरि काङको दोफा हि, कालाउ का आरुहेङ प्रेम मापाखा पानु काङको हिदोइ बुङ मुल्य मान्थु।

1 कोरिन्थि 3:18

हासु बुङ ताइमिहेङ धोका माप्याको, नेलाइ मध्येसो हासुलाउ बुङ इदोइ सुमिङता ताइमिहेङ बुद्दिमानि सम्झिखे पानु, उङको हाइ दोङ मागिका जेनाको, कालाउकि वा परमेस्वरको आगाता जातिङकोङ बुद्दिमानि जेङलि द्वाको।

1 कोरिन्थि 8:2

जेसापा जाइ गिखा दोअ्तेङ सम्झिखे, कालाउ वा गिलि गोइका खास काथा हाइ दोङ गिका मान्थुखे।

2 कोरिन्थि 12:11

का आनाइ जेङका हिघा, नेलाइ कासेहेङ एन्सा पालि कर लागाइसुन्हा, हाइपालिपानु नेलाइसो तेका काङको बाखिन जेङलि गोइका हिघाहि। हाइपालिपानु का हाइ दोङ माकुलाउ बुङ इङको धाताइका चात्यागेलाइ खान्तेङ का कम मान्थुघा।

2 कोरिन्थि 3:5

हिदोइ बुङ काम पालि दोका खुबि केलाइता हि पानु केलाइ मादोअ्न्हाखे, कालाउ परमेस्वर केलाइहेङ या खुबि पिखे।

गलाति 2:6

कालाउ इङको यरुसेलेम मन्डलिको आगुवागेलाइ काङको धिरपाका सन्देसहेङ फेरिलि बाध्ये मापाहि। इम्बालाइ जिसिकाङ हिलाउ बुङ कासेहेङ हिदोइ बुङ फरक माजेनाङ, हाइपालिपानु परमेस्वर द्‍याङगेलाइको बाहारको रुप खाङतेङ खिनिङ न्याय मापाखे।

गलाति 2:9

याकुब, पतरुस, कालाउ युहान्‍ना जाइ मन्डलिको आगुवागेलाइ भाइपा मानिका हि, इम्बालाइ बुझिहि, कि परमेस्वर कासेहेङ बिसेस बरदान पिका हि। ओदोङ भाअ्सिङ इम्बालाइ बार्नाबास कालाउ कासेहेङ सुइकार पाहि। इम्बालाइ दोअ्हि, केलाइ गैर-यहुदिगेलाइकोता सुसमाचार प्राचार पासु, कालाउ केलाइ चाहि यहुदिगेलाइकोता दोङ प्राचार पाङ।

2 तिमोथि 3:13

कालाउ दुस्ट द्‍याङगेलाइ कालाउ ठगिकागेलाइ आझाइ झन मारेम्का काम पावा। इम्बालाइ द्‍याङगेलाइहेङ ठगियावा कालाउ इम्बालाइ ताइमिङ बुङ आरुगेलाइसो ठगिन्हावा।

याकुब 1:22

कालाउ परमेस्वरको बचन केम्का जेङसु, कालाउ हिङतेङ खिनिङ ताइमिहेङ धोका मापिसु।

याकुब 1:26

जेसापा हिदोइ बुङ द्‍याङ ताइमिहेङ धर्मि सम्झिखे, कालाउ वा ताइको धुइतेङ हिका काथा काबुता माअ्ताखे, कालाउ ताइको ह्रदयहेङ धोका पिहे पानुते उङको द्‍याङको धर्म ब्यर्थ जेङखे।

१ युहन्‍ना 1:8

जेसापा केलाइता पाप मान्थु दोअ्तेङ केलाइ दोअ्नाखे पानुते केलाइ ताइमिहेङ धोका पिनाखे, कालाउ परमेस्वर तिङपाका सत्ये काथा मागिन्हाखे।