गलाति 5:1 - Dhimal NT

¹ ख्रिस्ट केलाइहेङ मोसाको व्यवस्थासो स्वतन्तरो बानाइहि, ओदोङ भाअ्सिङ नेलाइहेङ थाहा जेनाको नेलाइ स्वतन्तरो जेङका हिसुन्हा। कालाउ आरोङ ताइमिहेङ व्यवस्था केम्लि बान्धाइति माबानाइसु।

धिमाल

¹ ख्रिस्‍ट केलाइहेङ फुका जेङलिको भाअ्‌सिङ छुटकारा पिका हि। इदोइखातिर नेलाइ बोल्‍याका जेङतेङ जाअ्‌सु रो आरोङ बान्‍धाइको जुङगेलेता मानारेन्‍हासु।

गलाति 5:1 Iomraidhean Croise

मत्‍ति 23:4

इम्बालाइ आरुगेलाइहेङ चाहि गोताङ किसिमको नियम बानाइ पिखे जेदोङ द्‍याङगेलाइहेङ केम्लि गारो जेङखे। कालाउ ताइमि चाहि ताइको बानाइका नियमहेङ केम्लि कोसिस मापाखे।

लुका 5:38

द्‍याङगेलाइ जेलालाउ बुङ नावा दाखरसहेङ नावा धालेको झोलाता ताअ्खे।

साल्न्हाका चात्या 15:10

एला एन्सा जेङनु नेलाइ हाइ पालि गैर-यहुदि खान्धुराइगेलाइ ह्रुता केलाइको यहुदि व्यवस्था कालाउ नियम केम्लि आप्थ्यारो ल्हिका चुम्पुतेङ परमेस्वरहेङ गिलि कोसिस पान्हाखे? जेदोङ ना ते केलाइ ना ते केलाइको पुर्खागेलाइ दोङ फुलि दोअ्हि।

रोमि 6:14

हाइपालिपानु पापहोइ नेलाइहेङ आधिनता पालि माद्वाङ, हाइपालिपानु नेलाइ मोसाको व्यवस्थाको आधिनता मान्थु सुन्हा, कालाउ परमेस्वरको आनुग्रहको आधिनता हिसुना।

रोमि 6:18

परमेस्वर नेलाइहेङ पापको सरबुङसो मुक्त पाहि, कालाउ नेलाइ ठिक काम पालिको भाअ्सिङ परमेस्वरको बान्धाइति जेङका हिसुना।

रोमि 7:3

कालाउ जेसापा उङको बेबाल ताइको के हिलाउ दोङ भेनेङ वाबाल दोफा बिहुपाहे पानु वा कासिबिरि जेङखे। कालाउ जेसापा वाको के सिहे पानु वा व्यवस्थाको बन्धनसो मुक्त जेङखे कालाउ ताइको के सिका न्हुसो वा भेनेङ वाबाल दोफा बिहुपाहे पानु वा कासिबिरि माजेङखे।

रोमि 7:6

एला केलाइ पुर्ना तरिकासो व्यवस्था केम्का भाइका माको, कालाउ परमेस्वरको आत्माको नावा तरिका आन्सार वाको सेवा पानाखे। हाइपालिपानु केलाइ ख्रिस्ट दोफा सिनाङ इदोइ व्यवस्थाको आधिनसो मुक्त जेङका हिनाहि।

रोमि 8:15

हाइपालिपानु आरोङ थिलि गोइका बान्धाइतिको आत्माता नेलाइ निङका मान्थुसुना, कालाउ केलाइ परमेस्वरको सान्तान जेङलि परमेस्वरको आत्मा निङका हिनाहि, ओदोङ भाअ्सिङ केलाइ परमेस्वरहेङ “आब्बा, आबा” दोअ्तेङ काइन्हाखे।

रोमि 8:2

हाइपालिपानु पबित्तरो आत्मा नासेहेङ जिबन प्याङ, जेदोङ येसु ख्रिस्टसो लोखे कालाउ नासेहेङ पाप कालाउ आत्मिक सिकासो लाअ्पाका हि।

1 कोरिन्थि 15:58

ओदोङ भाअ्सिङ काङको आनाउ खान्धुराइ ओनेगेलाइ, ताइको खाङधुरिता बल्लियाका जेङसु कालाउ धाताइका सिक्स्यागेलाइता मालाइसु। कालाउ प्रभुको कामता जेलाउ बुङ लागितेङ हिसु। हाइपालिपानु नेलाइ गिसुखेना कि प्रभुता नेलाइको परिस्रोम ब्यर्थ माजेनाङ।

1 कोरिन्थि 16:13

चङख हिसु, खाङधुरिता द्रिद हिसु। साहासि जेङसु, कालाउ बल्लियाका जेङसु।

1 कोरिन्थि 7:22

हाइपालिपानु प्रभु काइलाउ जेदोङ द्‍याङ बान्धाइति हिघाहि, एला वासेहेङ प्रभु पापको सरबुङसो स्वतन्तरो बानाइका हि। एन्साङ पातेङ प्रभु काइलाउ जेदोङ द्‍याङ स्वतन्तरो हिघाहि, उङको एला ख्रिस्टको बान्धाइति जेङका हि।

2 कोरिन्थि 11:20

हाइपालिपानु जेसापा हिदोइ बुङ द्‍याङ नेलाइहेङ बान्धाइति बानाइखे, माकुनु नेलाइहेङ धोका पिखे, माकुनु नेलाइको हिका गोताङ आमेने लुतिखे, माकुनु नेलाइसो फाइदा ल्होपाखे, माकुनु धोका पिखे, माकुनु नेलाइको ह्राइताङ चाउरेखे पानु बुङ नेलाइ खान्तेङ ह्रुता ताइमिहेङ ताअ्खे कालाउ इम्बालाइ सोचिखे कि नेलाइ इम्बालाइहेङ सहिसुखेना कालाउ नेलाइ खान्तेङ केलाइ आसाल हिनाहि।

2 कोरिन्थि 3:17

एला प्रभुते आत्मा हिका हि, कालाउ जेता प्रभुको आत्मा ह्यावा इन्ता व्यवस्थासो स्वतन्तरो जेङखे।

गलाति 2:4

इदोइ तितसको खाताना माजेङका काथा बाराहि, जेलाउ आधिमि धातुवा ओनेगेलाइ केलाइको दल लिता सिकापा दुल्तेङ केलाइको येसु ख्रिस्टता हिका स्वतन्तरोताहेङ नासा पालि भोघाखे, कालाउकि इम्बालाइ केलाइहेङ आरोङ यहुदि व्यवस्थाको बान्धाइति बानाइलि द्वाको।

गलाति 3:25

कालाउ एला केलाइ ख्रिस्टता खाङधुरि पाकानाङ, एलासो केलाइहेङ मोसाको व्यवस्थाको आगुवाको खाचो मान्थु।

गलाति 4:26

कालाउ स्वर्गको यरुसेलेम आब्राहामको बे सारा भाइका हि कालाउ वाको सान्तानगेलाइ बान्धाइति माको। या यरुसेलेम केलाइको आमाइ भाइका हि, जाइ खाङधुरि पाखे।

गलाति 4:31

ओदोङ भाअ्सिङ ओइ खान्धुराइ ओनेगेलाइ का दोअ्लि खाङका काथा या दोङ हि कि, केलाइ बान्धाइति बेबाल माकुनु व्यवस्थाको सान्तान माको, भरु स्वतन्तरो बेबाल माकुनु खाङधुरिको सान्तान हिनाहि।

गलाति 4:9

कालाउ एलाते नेलाइको सामान्दा परमेस्वर दोफा हि माकुनु का दोअ्लि द्वाङका कि परमेस्वर नेलाइहेङ ताइको सान्तान बानाइका हि। आरोङ हाइ पालि नेलाइ इन्सिका हुइका बेक्कारको सिक्स्या भारि घुरिलि भोसुखेना, कालाउ आरोङ हाइ नेलाइ इम्बालाइकोङ बान्धाइति जेङलि भोसुखेना?

गलाति 5:13

खान्धुराइ ओनेगेलाइ, परमेस्वर नेलाइहेङ स्वतन्तरो जेङलि काइका हि, ओदोङ भाअ्सिङ एला नेलाइहेङ मोसाको व्यवस्था मानितेङ हिलि मागोइयाङ। कालाउ इङको स्वतन्तरहेङ ताइको पापमय जिउको स्वभाव आन्सार काम पालि मापि, भरु ताइको स्वतन्तरोता एमिसो-भेनेङहेङ प्रेम पालि कालाउ साघाइलि प्रयोग पासु।

एफिसि 6:14

ओदोङ भाअ्सिङ जेसाङ सिपाइ धुम पालि तियार जेङलाउ ताइको केङखेनेता पेति तेअ्खे, एन्साङ दोङ साइतानको बिरोधता धुम पालि ताइमिहेङ तियार जेङलि परमेस्वरको सत्येको आनुसरन पासु। कालाउ जेसाङ छात्ति पाताहोइ सिपालाइहेङ धुमता बान्चिपाखे, एन्साङ पातेङ नेलाइको धार्मिकताहोइ नासेहेङ बान्चि पावा, जेलाउ साइतान नासेहेङ झाअ्मिरियावा।

फिलिप्पि 1:27

कालाउ मुख्य काथा इदोङ हि कि नेलाइको जिबनको चाल-चलन ख्रिस्टको सुसमाचारको भाअ्सिङ योग्य जेनाको। का चाहे लोतेङ नेलाइहेङ तिनाको, चाहे लोलि मादाको, कालाउ बुङ का नेलाइको बारेता इदोइ दोङ काथा हिङलि भोखा, कि नेलाइ एनोङ दोङ उधेस्यता बल्लियाका जेङतेङ हिसुना, कालाउ ए दोफाङ मिलितेङ सुसमाचारको खाङधुरिको भाअ्सिङ परिस्रोम पासुखेना,

1 थेस्लोनिकि 3:8

हाइपालिपानु प्रभुता नेलाइ बल्लियाका जेङतेङ हिसुना पानु, इदोइ केलाइको जिबन आर्था पुर्न जेङखे।

2 थेस्लोनिकि 2:15

ओदोङ भाअ्सिङ खान्धुराइ ओनेगेलाइ, बल्लियाका जेङसु, कालाउ केलाइको दोअ्का माकुनु पात्तारा पाहासो निङका सिक्स्याता लागातार खाङधुरि पातेङ हिसु।

हिब्रु 10:23

केलाइको ताअ्का आस जेदोङ केलाइ दोफा हि दोअ्तेङ केलाइ दाबि पान्हाखे इङकोहेङ बलियापा चाअ्तेङ ताअ्ताइने, हाइपालिपानु परमेस्वरको प्रतिग्या पाका गोताङ काथा खाङधुरि योग्य दोफाङ पुरा पाङ।

हिब्रु 3:14

कालाउ जेसापा केलाइ लाङखेता हिका खाङधुरिता केलाइको जिबनको आनान्त थेकापा ख्रिस्टता बल्लियाका जेङतेङ हिनाहि पानु, केलाइ ख्रिस्ट दोफा बानाबोरको हक जेनाङ।

हिब्रु 3:6

कालाउ येसु ख्रिस्ट चाहि परमेस्वरको साअ्को द्‍याङगेलाइ दोफा चानको रुपता खाङधुरि योग्य हिघाहि, कालाउ जेसापा केलाइ केलाइको आसता साहास ताअ्तेङ हिनाहि पानु, कालाउ केलाइ परमेस्वरको द्‍याङगेलाइ दोङ हिनाहि।

हिब्रु 4:14

ओदोङ भाअ्सिङ स्वर्गता हानिका परमेस्वरको चान येसु दोङ हि, वा केलाइको माहान प्राधान पुजारि हि। ओदोङ भाअ्सिङ केलाइ गोताङ द्‍याङगेलाइको आगाता ग्रहन पाका खाङधुरिहेङ थामितेङ बल्लियाका जेनाइने।

1पतरुस 2:16

नेलाइहेङ दोअ्हि, हासु बुङ मान्थु जाइ नेलाइहेङ काम पालिसो रोकिलि द्वावा, हाइपालिपानु नेलाइ केलाइको प्रभु येसु ख्रिस्टसो लाम्फाङ स्वतन्तर जेङलि दोका हिसुना। कालाउ खाराका काम पालिको भाअ्सिङ यासेहेङ बाहाना माबानाइसु। भरु नेलाइ ताइको कामगेलाइता या तिङपालि गोइखे कि नेलाइ जातिङकोङ परमेस्वरको सेवकगेलाइ हिसुना।

२ पत्‍रुस 2:19

धातुवा सिक्स्यकगेलाइ द्‍याङगेलाइहेङ दोअ्खे कि इम्बालाइ ताइमि गोइका जेदोङलाउ बुङ काम पालि स्वतन्तर हि, जेसाङ इम्बालाइ ताइमिङ बुङ बान्धाइति भाइका हि, हाइपालिपानु इम्बालाइको ताइकोङ पापि स्वभाबहोइ पापको काम पालि बाध्ये पाखे। जेदोङ काथाहोइ हिदोइ बुङ द्‍याङहेङ जितिखे इङकोङ काथाहोइ वासेहेङ बान्धाइति बानाइखे।

यहुदा 1:3

काङको आनाउ सानाइतिगेलाइ, नेलाइ झाराङ झ्वाइनाका येसु ख्रिस्ट पाहासो लोका केलाइको मुक्ति कालाउ नावा जिबनको बारेता लेखेलि का दोका थेकापा गोताङ कोसिस पादोङघाखा। कालाउ एला का इदोइ पात्ताराको माध्यामसो नेलाइहेङ हाउसाइलि आनुरोध पाखा, कालाउकि नेलाइ ख्रिस्टियन खाङधुरिहेङ ताअ्तेङ ताअ्लि आझाइ थाङका परिस्रोम पालि दोसु। परमेस्वर ताइको द्‍याङगेलाइहेङ इदोइ खाङधुरि एखेताङ पिका हि, कालाउ इङकोहेङ फेरिलि मादोखे।

प्रकास 3:3

नाअ् लाम्फा हिङका कालाउ खाङधुरि पाका सिक्स्याहेङ फोम पाअ्‌, नाअ् जेदोङ धिरपाका हिघाखेना इङको को आनुसरन पाअ्‌, पाप पालि लाअ् कालाउ परमेस्वर भारि घुरे। जेसापा नेलाइ मारेम्का काम पालि मालाअ्सुन्हा पानु, नाअ् इङको सोमोइ थाहा मानिनाना जेलाउ का नासेहेङ साजाइ पिलि ल्वाङका, हाइपालिपानु का चोर भाइपा आचानाक ल्वाङका।