गलाति 4:8 - Dhimal NT

⁸ लाम्फा जेलाउ नेलाइ परमेस्वरहेङ नाल्का मान्थु घासुखेना, कालाउ नेलाइ इङको इस्वरको बान्धाइति हिघासुखेना, जाइ बास्ताबता सत्ये परमेस्वर दोङ माको।

धिमाल

⁸ नेलाइ परमेस्‍वरहेङ नाल्‍का खान्‍तेङ लाम्‍फा बिथाको दिरगेलाइको बान्‍धाइ हिघान्‍हाहि। कालाउ जातिङकोङ दोअ्‍लि गोइनु एम्‍बालाइ परमेस्‍वर दोङ माको।

गलाति 4:8 Iomraidhean Croise

युहन्‍ना 1:10

वा सुमिङता हिघाहि, सुमिङ वाकोसो सिरजाइन्हाहि, कालाउ बुङ सुमिङको द्‍याङगेलाइ वासेहेङ मानाल्हि।

साल्न्हाका चात्या 14:12

कालाउ इम्बालाइ बार्नाबासहेङ ग्रिक दिरको मिङ जिउस ताअ्हि, कालाउ पावलहेङ चाहि हरमेस दिरको मिङ ताअ्हि, हाइपालिपानु वा चाहि प्रमुख बक्ता हिघाहि।

साल्न्हाका चात्या 17:23

हाइपालिपानु का नेलाइको सहरता घुराइगिल्तेङ हानिलाउ नेलाइको पुजिका आमेनेगेलाइ बुङ तिङघा, का इन्ता एनोङ बेदि बुङ तिङघा जेता लेखेका हिघाहि, “आग्यात दिरगेलाइको भाअ्सिङ” ओदोङ भाअसिङ जाइहेङ नेलाइ मानाल्सिङ आराधाना पासुखेना, का वाकोङ बारेता दोअ्तेङ हिघा।

रोमि 1:23

इम्बालाइ महिमित परमेस्वरहेङ आराधाना पालि गोइकाता नासाका द्‍याङ, गुपुसगेलाइ, जिहाँ-जुइलेङगेलाइ कालाउ सेसालाइतेङ तेगिल्का जन्तुगेलाइको मुर्तिगेलाइहेङ पुजा पाहि जेदोङ जेलाउ बुङ सिन्हुतेङ माहिखे।

रोमि 1:28

कालाउ एसापा इम्बालाइ परमेस्वरको ग्यानहेङ आसुइकार पाहि, ओदोङ भाअ्सिङ परमेस्वर इम्बालाइहेङ मारेम्का पाको दोअ्तेङ इम्बालाइकोङ कुबिचारता लाअ्पिहि।

1 कोरिन्थि 1:21

हाइपालिपानु परमेस्वर ताइको बुद्दि पाहासो थाहा गिहि, कि सुमिङको द्‍याङगेलाइ ताइको बुद्दिहोइ परमेस्वरहेङ नाल्लि मादोखे, ओदोङ भाअ्सिङ परमेस्वर केलाइको सुसमाचारको प्राचार खान्धुराइगेलाइहेङ बान्चिपालिको भाअ्सिङ प्रयोग पाहि, कालाउ आधिमिहेङ इदोइ आनाइ भाइका लागिखे।

1 कोरिन्थि 12:2

नेलाइहेङ थाहा दोङ हि कि, जेलाउ नेलाइ खान्धुराइ मान्थु घासुखेना, कालाउ नेलाइ हिदोइ बुङ प्रकारहोइ प्रभाबित जेङतेङ नुइ धुइलि मादोका मुर्ति पुजा भारि लागिका हिघासुखेना।

1 कोरिन्थि 8:4

ओदोङ भाअ्सिङ का मुर्तिगेलाइहेङ चाढाइका चाका-आम्का चालि एल या माएल, इङको प्रस्नको जोबाफ पिलि भोखा, केलाइ गिनाखे कि मुर्तिगेलाइ सत्ये परमेस्वर माको, भरु एमि खिनिङ परमेस्वर हि।

गलाति 4:3

एन्साङ दोङ केलाइ बुङ जामाललाइ भाइका हिघान्हाहि, कालाउ इदोइ सुमिङको बेक्कारको मुन्धुम कालाउ नियमको आधिनता हिघान्हाहि।

एफिसि 4:18

हाइपालिपानु इम्बालाइ बुझिलि मादोअ्खे, कालाउ इम्बालाइको जिद्दि कालाउ आग्यानताको कारन परमेस्वरको पिका नावा जिबन इम्बालाइता मान्थु।

1 थेस्लोनिकि 1:9

हाइपालिपानु उङको द्‍याङगेलाइ आरुगेलाइहेङ दोअ्ताङ कि, केलाइ नेलाइकोता लोलाउ नेलाइ केलाइहेङ हेसा स्‍वागत पासुन्हा, कालाउ मुर्ति पुजिलि लाअ्तेङ परमेस्वरको भारि घुरिसुन्हा, कालाउकि सिन्हुका कालाउ सत्ये परमेस्वरको सेवा पालि दोसु।

1 थेस्लोनिकि 4:5

कालाउ परमेस्वरहेङ मानाल्का द्‍याङगेलाइ भाइपा नेलाइ ताइको जिउको मारेम्का इच्छा आन्सार काम मापासु।

2 थेस्लोनिकि 1:8

परमेस्वरहेङ इन्कार पाकालाइहेङ कालाउ केलाइको प्रभु येसुको सुसमाचार माकिकालाइहेङ वा दोङ दन्ड प्यावा।

1पतरुस 4:3

लाम्फा नेलाइ खाङधुरि मापाकालाइहेङ मन परिका काम पातेङ हेन्जाङ सोमोइ बार्बाद पासुन्हा। नेलाइको जिबन आनैतिक्ता, लान्सा, भोज, मधपान, मजमज्जा, कालाउ मुर्ति पुजाता बितिहि, जाइहेङ परमेस्वर मन्दा माताखे।

१ युहन्‍ना 3:1

बिचार पासु कि आबा परमेस्वर केलाइहेङ इसिका प्रेम पाका हि, कि केलाइ बुङ परमेस्वरको सान्तान दोअ्न्हाका हिनाहि, कालाउ जातिङकोङ केलाइ वाको सान्तान दोङ! ओदोङ भाअ्सिङ या सुमिङको द्‍याङगेलाइ केलाइहेङ मानाल्खे कि केलाइ परमेस्वरको सान्तान दोङ, हाइपालिपानु इदोइ सुमिङको द्‍याङगेलाइ परमेस्वरहेङ मानाल्खे।