गलाति 4:5 - Dhimal NT

⁵ कालाउकि मोसाको व्यवस्थाको आधिनता हिकालाइहेङ लाअ्पालि द्वाको, कालाउ केलाइ वाको सान्तान जेङलि द्वाको।

धिमाल

⁵ परमेस्‍वर नियमको आधिनसो केलाइहेङ दाम तिरितेङ छुटकाराको भाअ्‌सिङ रो वाको जाहानको खाबारा निङलि द्‌वाको दोअ्‌तेङ ख्रिस्‍टहेङ केलाइकोता दिङगिल्‍हि।

गलाति 4:5 Iomraidhean Croise

मत्‍ति 20:28

जेसाङ का द्‍याङको चान, बोगेलाइको सेवा पालि इदोइ सुमिङता लोघा। कालाउ का एसापा लोका माको कि बोगेलाइ दोङ काङको सेवा पाको। का हेन्जाङ झनाहेङ काङको पापसो लाअ्पालि दोअ्तेङ ताइको जिउ पिलि लोका हिघा।

लुका 1:68

इस्राएल सारभिको प्रभु परमेस्वरको बाखानाइ पासु, हाइपालिपानु वा ताइको द्‍याङगेलाइहेङ भेतिलि लोहि, कालाउ द्‍याङगेलाइहेङ उद्दार पिहि।

युहन्‍ना 1:12

कालाउ जेथे बुङ वासेहेङ सुइकार पाहि कालाउ वा ह्रुता खाङधुरि पाहि, वा दोङ इम्बालाइहेङ परमेस्वरको सान्तान जेङलि खाबारा पिहि।

साल्न्हाका चात्या 20:28

नेलाइ ताइको कालाउ ताइको गोताङ हुलको भाअ्सिङ चङख हिसु, पबित्तरो आत्मा नेलाइहेङ मन्डलिको आगुवा बानाइकानाङ हि। वा ताइकोङ हितिहोइ चोल्का परमेस्वरको मन्डलिहेङ नेलाइ सामाराइसु।

रोमि 10:4

हाइपालिपानु ख्रिस्ट लोतेङ एला व्यवस्थाको उदेस्य पुरा जेङलि दोका हि। ओदोङ भाअ्सिङ ख्रिस्टता खाङधुरि पाका झाराङहेङ परमेस्वर धर्मि बानाइयाङ।

रोमि 8:14

हाइपालिपानु झाराङ जाइ परमेस्वरको आत्माहोइ थोङका हिखे, इम्बालाइ दोङ साचिकोङ परमेस्वरको सानतानगेलाइ दोङ हि।

रोमि 8:15

हाइपालिपानु आरोङ थिलि गोइका बान्धाइतिको आत्माता नेलाइ निङका मान्थुसुना, कालाउ केलाइ परमेस्वरको सान्तान जेङलि परमेस्वरको आत्मा निङका हिनाहि, ओदोङ भाअ्सिङ केलाइ परमेस्वरहेङ “आब्बा, आबा” दोअ्तेङ काइन्हाखे।

रोमि 8:19

हाइपालिपानु गोताङ सिरजाइ, बार्का आसहोइ परमेस्वरको सान्तानको देखाल जेङका खाङलि ह्रुम्तेङ हि।

रोमि 8:23

इदोङ सिरजाइकाहोइ खिनिङ माको, कालाउ केलाइ जाइ दोफा पबित्तरो आत्मा भबिस्यता निङका महिमाको लाङ झलकको रुपता हि। कालाउ इङको दिनाको भाअ्सिङ एला लेङचातेङ ह्रुम्तेङ हिनाहि, जेलाउ परमेस्वर केलाइहेङ धर्म जामालाइको रुपता गोताङ खाबारा प्याङ, माकुनु केलाइहेङ नावा जिउ पितेङ पुर्ना जिउहेङ मुक्त पाप्याङ।

रोमि 9:4

इम्बालाइ का भाइकाङ इस्राएल सारभिको द्‍याङगेलाइ दोङ हि, कालाउ परमेस्वर इम्बालाइहेङ ताइको धर्म जामालको रुपता छाल्हि। कालाउ वा ताइको महिमा इम्बालाइहेङ देखाल पापिहि। एबालाइ दोफा दोङ कारार धेउहि, व्यवस्था पिहि, ताइको आराधाना पालि माउका पिहि, कालाउ वाको प्रतिग्यागेलाइ इम्बालाइ निङहि।

गलाति 3:13

कालाउ व्यवस्था मामानिनाङ लोका सारापसो ख्रिस्ट केलाइहेङ लाअ्पाहि। जेलाउ येसु ख्रिस्ट क्रुस्टता सिहि, कालाउ वा केलाइको पापगेलाइको स्राप ताइमि ह्रुता ह्रुहि। हाइपालिपानु धर्मसास्तरता लेखेका हि, “जेदोङ द्‍याङ क्रुस्टता सिखे उङको स्रापित दोङ हि।”

गलाति 3:26

ओदोङ भाअ्सिङ नेलाइ झाराङ झना येसु ख्रिस्टता खाङधुरि पानाङ परमेस्वरको सान्तान जेङसुन्हा।

गलाति 4:21

नेलाइ मोसाको व्यवस्था मानिलि खाङकालाइ कासेहेङ दोअ्सु, मोसाको व्यवस्थाहोइ केलाइहेङ हाइ दोअ्लि खाङखे बिचार पासु।

गलाति 4:7

ओदोङ भाअ्सिङ, एला नेलाइ बान्धाइति माको, भरु परमेस्वरको सान्तान हिसुना, कालाउ जेसापा सान्तान दोङ नुते, वा केलाइहेङ इङको गोताङ प्याङ जेदोङ वाको सान्तानको दोङ हि।

एफिसि 1:5

परमेस्वर केलाइहेङ प्रेम पाकानाङ येसु ख्रिस्ट पाहासो केलाइहेङ ताइको सान्तान जेङलि लाम्फोरतिसोङ निर्नय पाका हिघाहि। कालाउ परमेस्वर इदोइ ताइकोङ खुसि कालाउ इच्छा आन्सार पाका हिघाहि।

एफिसि 1:7

ख्रिस्ट केलाइको भाअ्सिङ ताइको हिति होपातेङ सिकानाङ केलाइको पाप स्यामा जेङका हि कालाउ केलाइ स्वतन्तरो जेङका हिनाहि। ओह, परमेस्वरको आनुग्रह हेथे माहान हि, जाइ वा केलाइहेङ प्रसस्त पिका हि।

एफिसि 5:2

बोगेलाइको भाअ्सिङ प्रेममय जिबन बितिपासु, जेसाङ ख्रिस्ट बुङ केलाइहेङ प्रेम पाहि, कालाउ वा केलाइको पापको भाअ्सिङ ताइमिहेङ भोगको रुपता चढाइका हि। कालाउ परमेस्वर खुसि जेङहि, हाइपालिपानु बलिदान वाको भाअ्सिङ ताअ्का मालामालाका बासाना भाइका हिघाहि।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

हिब्रु 1:3

वा दोङ परमेस्वरको महिमाको रुप कालाउ वा दोङ परमेस्वरकोङ स्वभाबको जातिङकोङ प्रति रुप हि, कालाउ गोताङ सुमिङहेङ ताइको सरबुङसाइका बचनहोइ सामाराइखे। कालाउ वा दोङ द्‍याङगेलाइहेङ ओबालाइको पापगेलाइसो स्यामा पापाका काम पालि दोतेङ वा स्वर्गता परमेस्वरको महिमाको दाम्पाहा खुर भारि झाउका साम्मानको थामेता योम्हि।

हिब्रु 9:12

ख्रिस्ट स्वर्गता हिका माहा पबित्तरो थामेता जेलाउलाउको भाअ्सिङ एखेताङ दुल्हि, वा ताइमि दोफा बोका मेसा कालाउ बाच्छागेलाइको हिति चुम्पुतेङ लिता मादुल्हि। भरु वाको बलि वाको ताइकोङ हिति हिघाहि। कालाउ वा दोङ इदोइ पाहासो केलाइहेङ पापसो जेलाउलाउको भाअ्सिङ लाअ्पाहि।

हिब्रु 9:15

ओदोङ भाअ्सिङ ख्रिस्ट द्‍याङगेलाइ दोफा नावा कारार धेउका हि, कालाउकि परमेस्वर पाहासो काइन्हाका द्‍याङगेलाइ वाको पाका प्रतिग्यासो आनान्तको भाअ्सिङ आसिस निङलि द्वाको। एसा बुङ जेङलि द्वाङ कि, हाइपालिपानु इम्बालाइ लाङ कारारता हिलाउ पाका पापको दन्डसो स्वतन्तरो पालिको भाअ्सिङ ख्रिस्ट सिहि।

1पतरुस 3:18

का एसा दोअ्खा हाइपालिपानु केलाइको पापको कारन ख्रिस्ट बुङ कस्ट भोगिहि। कालाउ सिहि। वा एखे खिनिङ सिहि कालाउ यासेहेङ आरोङ घुरितेङ सिलि मागोइयाङ। वा एमि धर्मि द्‍याङ हिघाहि, जाइ पापि द्‍याङगेलाइको भाअ्सिङ सिहि कालाउकि वा केलाइहेङ परमेस्वरको भेरपा चुमालि दोका हि। इम्बालाइ वाको जिउ ते सेअ्हि कालाउ वाको आत्मा सिन्हुका हि।

प्रकास 14:3

ए लाख न्हे कुरि द्‍या हाजार द्‍याङगेलाइ सिङहासनको आगाता, द्‍यालोङ हुसि हिका प्रानिगेलाइको आगाता, कालाउ आगुवागेलाइको आगाता जाअ्हि। इम्बालाइ नावा ले लेघाहि जाइ वा खिनिङ ले धिरलि दोघाहि। प्रिथिबिता हिका द्‍याङगेलाइ मध्येसो, इम्बालाइहेङ खिनिङ परमेस्वर लाअ्पाहि।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।