गलाति 4:12 - Dhimal NT

¹² खान्धुराइ ओनेगेलाइ, का बिन्ति पाखा, कि का भाइकाङ ताइमिहेङ बुङ व्यवस्थासो स्वतन्तरो बानाइसु, हाइपालिपानु का बुङ नाअ् गैर-यहुदि कोनिङ व्यवस्थासो स्वतन्तरो जेङका हिघा। नेलाइ लाम्फासोङ कासेहेङ रेम्का पाका हिसुना।

धिमाल

¹² दादाओने बाइओनेगेलाइ, नेलाइ बुङ का भाइपाङ जेङसु दोअ्‌तेङ पुकार पाखा। हाइदोनु का बुङ नेलाइभाइपाङ नियमको आधिनता हितेङ फुका जेङका हिघा। का नेलाइकोता लाङ खेप लोलाउ नेलाइ कासेहेङ हेन्‍जाङ रेम्‍का पाका हिघासुन्‍हा।

गलाति 4:12 Iomraidhean Croise

साल्न्हाका चात्या 21:21

कालाउ इङको यहुदि खान्धुराइगेलाइ नाङको बारेता हाइ दोङ काथा हिङका हि, कि नाअ् गैर-यहुदिगेलाइको माझाता हिका यहुदिगेलाइहेङ मोसाको व्यवस्थाहेङ लाअ्लि कालाउ इम्बालाइको जामालाइको खाताना मापालि कालाउ यहुदि मुन्धुम माकेम्लि दोअ्का काथा धिरपाका हिना रे।

2 कोरिन्थि 2:5

कालाउ जेसापा हासु बुङ दुखको कारन हि पानु वा काङको भाअ्सिङ खिनिङ माको, कालाउ वा कासेहेङ खान्तेङ नेलाइहेङ हेन्जा दुख पिका हि, का याको बारेता या खान्तेङ हेन्जा आरु हाइ दोङ दोअ्लि माचाहिखा।

2 कोरिन्थि 6:11

ओइ कोरिन्थि सहरता हिका खान्धुराइगेलाइ, केलाइ नेलाइहेङ धाइ-धाइ पाङ दोअ्का हिनाहि, केलाइको ह्रदयता नेलाइको भाअ्सिङ थामे हि।

2 कोरिन्थि 6:13

एला याको बद्लिता का ताइकोङ जामाललाइ कोनिङ नेलाइहेङ दोअ्खा, कि नेलाइ बुङ ताइको पुरा हृदयहोइ प्रेम पासु।

गलाति 2:14

कालाउ जेलाउ सुसमाचारको सत्ये आन्सार इम्बालाइ मापिताइका का तिङघा, का इम्बालाइ झाराङको आगाता पतरुसहेङ दोअ्घा, “नाअ् यहुदि जेङतेङ बुङ यहुदिगेलाइ भाइपा ब्यभार मापाखेना, कालाउ हाइ पालि गैर-यहुदिगेलाइहेङ यहुदिगेलाइको मुन्धुम मानिलि बाध्ये बानाइसुन्हा?”

गलाति 4:11

नेलाइको काम पाका तिङतेङ कासेहेङ इन्ता लागितेङ हि, कि का नेलाइको भाअ्सिङ पाका गोताङ परिस्रोम ब्यर्थ जेङहि।

गलाति 4:13

नेलाइहेङ फोम दोङ हि वाला, कि का मासाधिका हिलाउ लाङ पोल्ति नेलाइकोता सुसमाचार प्राचार पालि लोघा।

गलाति 6:14

कालाउ का चाहि आरु काथाता माको, भरु प्रभु येसु ख्रिस्ट क्रुस्टता सिका काथाता खिनिङ गर्ब पाङका। हाइपालिपानु वाको सिकासो का एला सुमिङको इच्छाको बान्धाइति मान्थुघा कालाउ सुमिङको हिदोइ बुङ सरबुङहोइ काङको ह्रुता सासन पालि माद्वावा।

गलाति 6:18

खान्धुराइ ओनेगेलाइ, का प्रार्थाना पाखा कि, केलाइको प्रभु येसु ख्रिस्टको आनुग्रह नेलाइ झाराङ दोफा हितेङ ह्याको। आमेन।