गलाति 3:2 - Dhimal NT

² कासेहेङ एनोङ काथा दोअ्पि, नेलाइ पबित्तरो आत्मा हेसा निङसुन्हा? हाइ व्यवस्था केम्नाङ पबित्तरो आत्मा निङसुन्हा? माको, नेलाइ पबित्तरो आत्मा निङसुन्हा हाइपालिपानु नेलाइ सुसमाचार हिङसुन्हा कालाउ खाङधुरि पासुन्हा।

धिमाल

² का नेलाइहेङ एलोङ काथा हिअ्‌लि भोखा, हाइ नेलाइ नियम मानितेङ पुनित हाङसा निङका हिघासुन्‍हा ना रेम्‍काबानाल हिङतेङ खान्‍धुर पातेङ निङका हिघासुन्‍हा?

गलाति 3:2 Iomraidhean Croise

साल्न्हाका चात्या 15:8

गोताङ द्‍याङको मन गिका परमेस्वर ओबालाइहेङ बुङ केलाइहेङ भाइपाङ पबित्तरो आत्मा पिहि। कालाउ वा तिङपाहि, कि वा ओबालाइहेङ ताइकोङ द्‍याङ रुपता सुइकार पाका हि।

साल्न्हाका चात्या 2:38

पतरुस इम्बालाइहेङ दोअ्हि, पाप पालि लाअ्सु, कालाउ नेलाइ पाप स्यामाको भाअ्सिङ झाराङ येसु ख्रिस्टको मिङता बप्तिस्ता ह्रुसु। कालाउ नेलाइ पबित्तरो आत्माको बरदान निङस्वाना।

साल्न्हाका चात्या 8:15

जेलाउ इम्बालाइ सामारियाता थुकाहि, पतरुस कालाउ युहान्‍ना सामारियाको खान्धुराइगेलाइ पबित्तरो आत्मा निनाको दोअ्तेङ प्रार्थाना पाअ्हि।

रोमि 1:17

हाइपालिपानु सुसमाचारहोइ द्‍याङगेलाइहेङ परमेस्वर ताइको आगाता ठिक हि दोअ्का तिङपाखे, कालाउ परमेस्वर दोफा ठिक थोहोराइका काथा खाङधुरिसो सुरु जेङखे कालाउ खाङधुरिसो दोङ पुरा जेङखे। जिसिका धर्मसास्तरता बुङ लेखेका हि, “जाइ खाङधुरिसो परमेस्वर दोफा ठिक थोहोरिखे, ओदोङ द्‍याङ दोङ जिबन निनाङ।”

1 कोरिन्थि 9:21

एसा पासोङ गैर-यहुदिगेलाइको माझाता काम पालाउ इम्बालाइ ख्रिस्टता खाङधुरि पाको दोअ्तेङ का बुङ मोसाको व्यवस्था मान्थुका गैर-यहुदिगेलाइ भाइपा जेङघा। याको मतलब या माको कि, का हेलाउ बुङ परमेस्वरको व्यवस्था मामानिखा, हाइपालिपानु का ते ख्रिस्टको व्यवस्था जेलाउ बुङ मानिखा।

2 कोरिन्थि 11:4

केलाइ येसुको बारेता दोअ्न्हाहि कालाउ नेलाइ केलाइको सन्देसहेङ ग्रहन पातेङ पबित्तरो आत्मा निङसुन्हा, कालाउ नेलाइ भेनेङ येसुको बारेता आधिमि द्‍याङगेलाइहेङ दोअ्लि पिसुन्हा। एला नेलाइ भेनेङ आत्मा माकुनु सुसमाचार ग्रहन पालि तियार हिसुना, जेदोङ चाहि केलाइको पिका सिक्स्या खान्तेङ भेनेङ हि। कालाउ गोल्तिहोइ नेलाइ इङको सुसमाचार ग्रहन पासुना।

गलाति 3:14

येसु ख्रिस्ट इसिका पाहि, कालाउकि परमेस्वर आब्राहामहेङ पिका आसिस येसु ख्रिस्ट पाहासो गैर-यहुदिगेलाइ बुङ निनाको, कालाउ केलाइको खाङधुरिसो परमेस्वर पाका बाचासो पबित्तरो आत्मा निङलि द्वाको।

गलाति 3:3

हाइ नेलाइ ताइको बुद्दि मोअ्पासुन्हा? नेलाइ ताइको खाङधुरि जिबन पबित्तरो आत्माको कामसो सुरु पासुन्हा। एला हाइ ताइको जिबन ताइकोङ बलसो ओतापालि खाङखेना?

गलाति 3:5

नेलाइहेङ परमेस्वर दोङ पबित्तरो आत्मा पिखे, कालाउ परमेस्वर नेलाइको माझाता भारबुसाइका कामगेलाइ पाखे। हाइ या गोताङ नेलाइ मोसाको व्यवस्था मानिनाङ जेङका हि, कि सुसमाचार हिङतेङ खाङधुरि पानाङ जेङका हि?

हिब्रु 2:4

कालाउ परमेस्वर ताइको इच्छा आन्सार इदोइ सन्देसहेङ चिन्हागेलाइ कालाउ आचाम्माको कामगेलाइ पाहासो कालाउ हेन्जाङ खाल-खाल्को सरबुङसाइका कामगेलाइ पातेङ कालाउ पबित्तरो आत्माको बरदानगेलाइ पितेङ सत्ये साबित पाहि।

हिब्रु 4:2

जेसाङ केलाइ बुङ येसु ख्रिस्टको बारेता सुसमाचार हिङका हिन्हाहि। इन्सिकाङ एस्राएल सारभिको द्‍याङगेलाइ बुङ परमेस्वरको माइसाका थामेता दुल्का “सुसमाचार” हिङका हिघाहि, कालाउ बुङ इम्बालाइ इङकोता खाङधुरि मापाहि। ओदोङ भाअ्सिङ इङको सन्‍देस इम्बालाइको भाअ्सिङ हाइ दोङ काम मालागिका जेङहि।

हिब्रु 6:4

हाइपालिपानु जाइ ताइको खाङधुरि लाअ्खे इम्बालाइहेङ आरोङ पाप लाअ्पाका परिस्थिता चुमालि मादोखे। इम्बालाइ एखे परमेस्वरको सत्येताहेङ नाल्तेङ कालाउ स्वर्गसो बरदान निङहि कालाउ इम्बालाइ आरु दोफाङ पबित्तरो आत्मा निङका हि।

1पतरुस 1:12

कालाउ परमेस्वर इङको बक्तागेलाइहेङ दोअ्हि कि इम्बालाइको सन्देसगेलाइ ताइको भाअ्सिङ माको भरु नेलाइको भाअ्सिङ दोङ हि। इङको सन्‍देस येसु ख्रिस्टको बारेता सुसमाचार दोङ जेदोङ नेलाइ एला हिङका हिसुना। परमेस्वर स्वर्गसो ताइको पबित्तरो आत्मा पाहासो द्‍याङगेलाइहेङ नेलाइको भाअ्सिङ सुसमाचार प्राचार पालि साघाइलि दिङगिल्हि। या गोताङ इदोइ झोको आचाम्माको हि कि स्वर्गदुतगेलाइ बुङ उत्सुकता दोफाङ इङको काथागेलाइ जेङका खाङतेङ हि।