गलाति 2:8 - Dhimal NT

⁸ हाइपालिपानु जेसाङ परमेस्वर पतरुसहेङ यहुदिगेलाइको माझाता छाल्न्हाका चात्या जेङतेङ काम पालि लागाइहि, कालाउ वा दोङ कासेहेङ गैर-यहुदिगेलाइको माझाता छाल्न्हाका चात्या जेङतेङ काम पालि लागाइहि।

धिमाल

⁸ पत्‍रुसहेङ यहुदिगेलाइको माझाता रेम्‍काबानाल पारचार पालि साल्‍तेङ दिङगिल्‍का बान्‍हाइका परमेस्‍वर दोङ कासेहेङ बुङ बो जात्‍यागेलाइको माझाता रेम्‍काबानाल पारचार पालि साल्‍तेङ दिङगिल्‍का बान्‍हाइका एइ।

गलाति 2:8 Iomraidhean Croise

साल्न्हाका चात्या 1:25

कालाउ उङको इदोइ सेवा कालाउ छाल्न्हाका चात्याको कामता दुल्लि द्वाको, जेदोङ सेवा लाअ्तेङ यहुदा सिहि कालाउ ताइको निजि थामेता हानिहि।”

साल्न्हाका चात्या 1:8

जेलाउ पबित्तरो आत्मा नाअ् ह्रुता ल्वावा कालाउ नेलाइ सरबुङ निङस्वाना, कालाउ नेलाइ यरुसेलेम सहरता, सारा यहुदिया जिल्लाता, सामारिया जिल्लाता कालाउ सुमिङको गोताङ थामेगेलाइता द्‍याङगेलाइहेङ काङको बारेता दोअ्स्वाना।”

साल्न्हाका चात्या 15:12

कालाउ सभाता झाराङ सिकापा हि, कालाउ पावल कालाउ बार्नाबासको काथागेलाइ ध्यान पितेङ हिङहि, कि परमेस्वर पावल कालाउ बार्नाबाससो गैर-यहुदिगेलाइता हिसिका-हिसिका बार्का चिन्हागेलाइ कालाउ भारभुसाइका कामगेलाइ तिङपाहि।

साल्न्हाका चात्या 19:26

कालाउ नेलाइ तिङतेङ कालाउ खाङतेङ हिसुना, कि एफिसस सहरता खिनिङ माको कालाउ एसिया प्रदेसको गोताङ थामेगेलाइता पावल द्‍याङको बानाइका दिरगेलाइ चाहि हाइ दोङ माको दोअ्तेङ हेन्जा द्‍याङगेलाइहेङ सम्झाइहि कालाउ तोङपाहि बुङ।

साल्न्हाका चात्या 21:19

पावल झाराङहेङ सेउपाहि, कालाउ परमेस्वर गैर-यहुदिगेलाइको माझाता वाको सेवाकाइसो पाका कामगेलाइ इम्बालाइहेङ गोताङ सारिपा दोअ्पिहि।

साल्न्हाका चात्या 22:21

कालाउ प्रभु कासेहेङ दोअ्हि, “हाने, हाइपालिपानु नासेहेङ दुरे-दुरे थेकापा गैर-यहुदिगेलाइकोता दिङगिल्लाङका।”

साल्न्हाका चात्या 4:4

पतरुस कालाउ युहान्नाको सन्‍देस हिङतेङ हेन्जाङ द्‍याङगेलाइ येसु ह्रुता खाङधुरि पाहि, कालाउ इन्ता लगभग ना हाजार वाबालाइ हिघाहि, जाइ येसु ह्रुता खाङधुरि पाहि।

साल्न्हाका चात्या 8:17

कालाउ पतरुस कालाउ युहान्‍ना ताइको खुर द्‍याङगेलाइ ह्रुता ताअ्हि कालाउ ओबालाइ पबित्तरो आत्मा निङहि।

साल्न्हाका चात्या 9:15

कालाउ प्रभु हननियाहेङ दोअ्हि, “हाने, हाइपालिपानु का दोङ साउलहेङ कासेहेङ सेवा पालि कालाउ काङको बिसोइता गैर-यहुदिगेलाइहेङ, राजागेलाइहेङ कालाउ इस्राएललिगेलाइको माझाता प्राचार पालिको भाअ्सिङ वासेहेङ साल्का हिघा।

1 कोरिन्थि 15:10

कालाउ का परमेस्वरको आनुग्रहहोइ छाल्न्हाका चात्या हिघा, कालाउ वाको आनुग्रह काङको जिबनता प्रभाबकारि हिघाहि। भरु का ते छाल्का चात्यागेलाइ खान्तेङ इस्तु परिस्रोम पाघा। कालाउ बुङ का माको, कालाउ परमेस्वरको आनुग्रहहोइ कासेहेङ साघाइहि।

1 कोरिन्थि 9:2

हेथेते द्‍याङगेलाइ कासेहेङ साल्न्हाका चात्या मामानिलाउ बुङ नेलाइते मानिसुखेना। हाइपालिपानु का दोङ नेलाइहेङ सुसमाचार हिङपाका हिघाखा, कालाउ नेलाइ प्रभुता खाङधुरि पाका काथाहोइ दोङ का साल्न्हाका चात्या हिघा दोअ्तेङ प्रामान पिखे।

गलाति 3:5

नेलाइहेङ परमेस्वर दोङ पबित्तरो आत्मा पिखे, कालाउ परमेस्वर नेलाइको माझाता भारबुसाइका कामगेलाइ पाखे। हाइ या गोताङ नेलाइ मोसाको व्यवस्था मानिनाङ जेङका हि, कि सुसमाचार हिङतेङ खाङधुरि पानाङ जेङका हि?

कलस्सि 1:29

ओदोङ भाअ्सिङ का थाङका परिस्रोम पाखा, इङको चाहि ख्रिस्टको पिका का लिता पाका बार्का सरबुङ आन्सार का पाखा।

1 थेस्लोनिकि 2:13

ओदोङ भाअ्सिङ केलाइ बुङ परमेस्वरहेङ धन्यबाद पिनाखे, कि नेलाइ केलाइसो हिङका बचन जातिङकोङ परमेस्वरसो लोका बचन दोङ हि, इङको नेलाइ द्‍याङगेलाइसो लोका बचन भाइका माको, कालाउ परमेस्वरसो लोका बचन कोनिङ ग्रहन पासुन्हा, कालाउ इङको परमेस्वरको बचन एला नेलाइ ख्रिस्टता खाङधुरि पाकालाइता काम पातेङ हि।