गलाति 2:5 - Dhimal NT

⁵ कालाउ सुसमाचारको सत्ये नेलाइ दोफा हितेङ ह्याको दोअ्तेङ केलाइको इम्बालाइ दोफा सहमति माजेङहि।

धिमाल

⁵ कालाउ एम्‍बालाइको खान्‍धुर पाका रेम्‍काबानालाको सत बानाल हाइदोङ माफेरेन्‍हाको दोअ्‌तेङ केलाइ एम्‍बालाइको काथा मामाहिङपिन्‍हाहि।

गलाति 2:5 Iomraidhean Croise

साल्न्हाका चात्या 15:2

जेलाउ पावल कालाउ बार्नाबास इम्बालाइ दोफा मामिलिसुका कालाउ गालाबाजि जेङतेङ न्हुसो, इन्ताको खान्धुराइ ओनेगेलाइ पावल कालाउ बार्नाबास कालाउ आधिमि द्‍याङगेलाइहेङ इदोइ प्रस्नको फैसाला पालिको भाअ्सिङ साल्न्हाका चात्यागेलाइ कालाउ मन्डलिको आगुवागेलाइकोता यरुसेलेम सहर हानिलि नियुक्ति पाहि।

गलाति 1:6

का निरास हिघा, कि इदोइ झोको धेमाङ नेलाइ परमेस्वरहेङ लाअ्सुन्हा, जाइ नेलाइहेङ ख्रिस्ट पाहासो आनुग्रहता काइहि कालाउ भेनेङ दोङ सिक्स्याहेङ पिताइसुखेना। जेदोङ चाहि आधिमि द्‍याङगेलाइ सुसमाचार दोङ हि दोअ्तेङ दोअ्खे।

गलाति 2:14

कालाउ जेलाउ सुसमाचारको सत्ये आन्सार इम्बालाइ मापिताइका का तिङघा, का इम्बालाइ झाराङको आगाता पतरुसहेङ दोअ्घा, “नाअ् यहुदि जेङतेङ बुङ यहुदिगेलाइ भाइपा ब्यभार मापाखेना, कालाउ हाइ पालि गैर-यहुदिगेलाइहेङ यहुदिगेलाइको मुन्धुम मानिलि बाध्ये बानाइसुन्हा?”

गलाति 4:16

कालाउ हाइ एला का नेलाइहेङ सत्ये काथा दोअ्कानाङ का नेलाइको सतुरु जेङका हिघा?

एफिसि 1:13

नेलाइ दोफा बुङ इन्सिकाङ जेङहि। नेलाइ बुङ सत्ये सन्‍देस हिङसुन्हा, जेदोङ चाहि परमेस्वर नेलाइहेङ मुक्ति पिका बारेता सुसमाचार हि। जेलाउ नेलाइ ख्रिस्टता खाङधुरि पास्वाना, परमेस्वर नेलाइहेङ काङको दोङ दोअ्तेङ तिङपालि वा प्रतिग्या पाका पबित्तरो आत्मा प्याङ।

कलस्सि 1:5

नेलाइ इङको पासुखेना हाइपालिपानु नेलाइको आस स्वर्गता ताअ्का काथाता हि। जेदोङको येसु ख्रिस्टको सत्ये सन्देसको बिसोइता नेलाइ लाम्फाङ सुसमाचार हिङका हिसुना।

1 थेस्लोनिकि 2:13

ओदोङ भाअ्सिङ केलाइ बुङ परमेस्वरहेङ धन्यबाद पिनाखे, कि नेलाइ केलाइसो हिङका बचन जातिङकोङ परमेस्वरसो लोका बचन दोङ हि, इङको नेलाइ द्‍याङगेलाइसो लोका बचन भाइका माको, कालाउ परमेस्वरसो लोका बचन कोनिङ ग्रहन पासुन्हा, कालाउ इङको परमेस्वरको बचन एला नेलाइ ख्रिस्टता खाङधुरि पाकालाइता काम पातेङ हि।

यहुदा 1:3

काङको आनाउ सानाइतिगेलाइ, नेलाइ झाराङ झ्वाइनाका येसु ख्रिस्ट पाहासो लोका केलाइको मुक्ति कालाउ नावा जिबनको बारेता लेखेलि का दोका थेकापा गोताङ कोसिस पादोङघाखा। कालाउ एला का इदोइ पात्ताराको माध्यामसो नेलाइहेङ हाउसाइलि आनुरोध पाखा, कालाउकि नेलाइ ख्रिस्टियन खाङधुरिहेङ ताअ्तेङ ताअ्लि आझाइ थाङका परिस्रोम पालि दोसु। परमेस्वर ताइको द्‍याङगेलाइहेङ इदोइ खाङधुरि एखेताङ पिका हि, कालाउ इङकोहेङ फेरिलि मादोखे।