गलाति 2:4 - Dhimal NT

⁴ इदोइ तितसको खाताना माजेङका काथा बाराहि, जेलाउ आधिमि धातुवा ओनेगेलाइ केलाइको दल लिता सिकापा दुल्तेङ केलाइको येसु ख्रिस्टता हिका स्वतन्तरोताहेङ नासा पालि भोघाखे, कालाउकि इम्बालाइ केलाइहेङ आरोङ यहुदि व्यवस्थाको बान्धाइति बानाइलि द्वाको।

धिमाल

⁴ कालाउबुङ हेथे धाताइका खान्‍धुरिगेलाइ एइ दोअ्‌कालाइ तितसहेङ खाताना पापालि भोघाखे। एम्‍बालाइ मागेपासिङ केलाइ लिअ्‌ता दुल्‍तेङ ख्रिस्‍ट इसुता केलाइको निङका छुटकाराको चेवा पाहि। कालाउ केलाइहेङ नियम साअ्‌पालि लागाइलि भोहि।

गलाति 2:4 Iomraidhean Croise

लुका 5:38

द्‍याङगेलाइ जेलालाउ बुङ नावा दाखरसहेङ नावा धालेको झोलाता ताअ्खे।

साल्न्हाका चात्या 15:1

कालाउ आधिमि यहुदि खान्धुराइगेलाइ यहुदिया जिल्लासो एन्टिओक सहरता लोहि, कालाउ इम्बालाइ खाङधुराइगेलाइहेङ सिक्स्या पिलि तेङहि, जेसापा नेलाइ मोसाको व्यवस्था आन्सार खाताना माजेङनुते नेलाइको मुक्ति माजेनाङ।

साल्न्हाका चात्या 15:24

केलाइ हिङका हिनाहि, कि केलाइको माझाता हेथेते आधेमि केलाइको आदेस माकोसिङ नेलाइको मन आउलि पापितेङ नेलाइहेङ इस्तुङ काथाहोइ दुख पिका हि।

साल्न्हाका चात्या 20:30

इता थेकापा कि नेलाइको ताइकोङ खान्धुराइ समुहसो धाताइका सिक्स्या पिका द्‍याङगेलाइ ल्वावा, कालाउ इम्बालाइ चात्यागेलाइहेङ मारेम्का दामाता चुम्पावा।

रोमि 8:15

हाइपालिपानु आरोङ थिलि गोइका बान्धाइतिको आत्माता नेलाइ निङका मान्थुसुना, कालाउ केलाइ परमेस्वरको सान्तान जेङलि परमेस्वरको आत्मा निङका हिनाहि, ओदोङ भाअ्सिङ केलाइ परमेस्वरहेङ “आब्बा, आबा” दोअ्तेङ काइन्हाखे।

2 कोरिन्थि 11:13

हाइपालिपानु इन्सिका द्‍याङगेलाइ जातिङको छाल्न्हाका चात्यागेलाइ माको कालाउ छलिका काम पाकालाइ दोङ, कालाउ ख्रिस्टको छाल्न्हाका चात्यागेलाइको भेस गुअ्तेङ हिगिल्कागेलाइ खिनिङ हि।

2 कोरिन्थि 11:17

जेसाङ येसु कासेहेङ नुइ धुइका चाहिखे, का एन्साङ पातेङ नुइ धुइका मान्थुघा कालाउ मुर्ख भाइपा धुइतेङ हिघा।

2 कोरिन्थि 11:20

हाइपालिपानु जेसापा हिदोइ बुङ द्‍याङ नेलाइहेङ बान्धाइति बानाइखे, माकुनु नेलाइहेङ धोका पिखे, माकुनु नेलाइको हिका गोताङ आमेने लुतिखे, माकुनु नेलाइसो फाइदा ल्होपाखे, माकुनु धोका पिखे, माकुनु नेलाइको ह्राइताङ चाउरेखे पानु बुङ नेलाइ खान्तेङ ह्रुता ताइमिहेङ ताअ्खे कालाउ इम्बालाइ सोचिखे कि नेलाइ इम्बालाइहेङ सहिसुखेना कालाउ नेलाइ खान्तेङ केलाइ आसाल हिनाहि।

2 कोरिन्थि 11:26

काङको बाराम्बारको पाक पाकाता झोरागेलाइको जोखिमता परेघा, डाकागेलाइको जोखिमता, ताइकोङ जातिको जोखिमता, कालाउ गैर-यहुदिगेलाइको जोखिमता, सहरको जोखिमता, चाका-मान्दाको जोखिमता, समुन्द्रको जोखिमता, धाताइका खान्धुराइगेलाइको जोखिमता।

2 कोरिन्थि 3:17

एला प्रभुते आत्मा हिका हि, कालाउ जेता प्रभुको आत्मा ह्यावा इन्ता व्यवस्थासो स्वतन्तरो जेङखे।

गलाति 1:7

कालाउ बास्ताबता एनोङ खिनिङ सत्ये सुसमाचार हि, कालाउ हेथे द्‍याङगेलाइ नेलाइहेङ आवाइ तुपातेङ ख्रिस्टको सुसमाचारहेङ परिबतन पालि भोदोङखे।

गलाति 4:25

हागार चाहि सिनै लाखहेङ जानाइखे, जेदोङ आरब सारभिता हि। वा नानिको यरुसेलेम सहर भाइका दोङ हि, जाइको द्‍याङगेलाइ मोसाको व्यवस्थाको बान्धाइति हि।

गलाति 4:3

एन्साङ दोङ केलाइ बुङ जामाललाइ भाइका हिघान्हाहि, कालाउ इदोइ सुमिङको बेक्कारको मुन्धुम कालाउ नियमको आधिनता हिघान्हाहि।

गलाति 5:1

ख्रिस्ट केलाइहेङ मोसाको व्यवस्थासो स्वतन्तरो बानाइहि, ओदोङ भाअ्सिङ नेलाइहेङ थाहा जेनाको नेलाइ स्वतन्तरो जेङका हिसुन्हा। कालाउ आरोङ ताइमिहेङ व्यवस्था केम्लि बान्धाइति माबानाइसु।

गलाति 5:10

का प्रभुता भोरोसा पाखा, कि वा नेलाइहेङ धाताइका सिक्स्यागेलाइसो फारापा ताअ्तावा। कालाउ नेलाइहेङ आवाइतुपाका हासुहेङ लाउ बुङ परमेस्वर वासेहेङ दन्ड प्याङ।

2 तिमोथि 3:6

हाइपालिपानु इम्बालाइ मध्येसो हेथेते द्‍याङगेलाइ साअ्-साअ्गेलाइता हानिखे कालाउ आनाइ बेबालाइहेङ ताइको आधिनता पाखे, जाइको ह्रदयगेलाइ पापहोइ लादाइका हिखे कालाउ गोताङ खाल्को इच्सागेलाइसो काबुता परिका हिखे।

याकुब 1:25

कालाउ उङको द्‍याङ जाइ पापसो स्वतन्तरता पाका सिद्द व्यवस्थाहेङ ध्यान पितेङ आध्यान पाखे, कालाउ इङकोताङ लागितेङ हिखे कालाउ हिङका काथा मानिल्खे कालाउ जेदोङ धिरखे इङको पालि केम्खे, कालाउ वाको पाका कामता परमेस्वर आसिस प्यावा।

1पतरुस 2:16

नेलाइहेङ दोअ्हि, हासु बुङ मान्थु जाइ नेलाइहेङ काम पालिसो रोकिलि द्वावा, हाइपालिपानु नेलाइ केलाइको प्रभु येसु ख्रिस्टसो लाम्फाङ स्वतन्तर जेङलि दोका हिसुना। कालाउ खाराका काम पालिको भाअ्सिङ यासेहेङ बाहाना माबानाइसु। भरु नेलाइ ताइको कामगेलाइता या तिङपालि गोइखे कि नेलाइ जातिङकोङ परमेस्वरको सेवकगेलाइ हिसुना।

२ पत्‍रुस 2:19

धातुवा सिक्स्यकगेलाइ द्‍याङगेलाइहेङ दोअ्खे कि इम्बालाइ ताइमि गोइका जेदोङलाउ बुङ काम पालि स्वतन्तर हि, जेसाङ इम्बालाइ ताइमिङ बुङ बान्धाइति भाइका हि, हाइपालिपानु इम्बालाइको ताइकोङ पापि स्वभाबहोइ पापको काम पालि बाध्ये पाखे। जेदोङ काथाहोइ हिदोइ बुङ द्‍याङहेङ जितिखे इङकोङ काथाहोइ वासेहेङ बान्धाइति बानाइखे।

१ युहन्‍ना 4:1

आनाउ खान्धुराइ ओनेगेलाइ, ताइमि दोफा पबित्तरो आत्मा हि दोअ्का झाराङहेङ खाङधुरि मापासु। कालाउ आत्मागेलाइ परमेस्वरसो लोका हि, कि माको दोअ्तेङ वाको जाच पासु, हाइपालिपानु हेन्जा धाताइका आगमबक्तागेलाइ इदोङ सुमिङता हि।

यहुदा 1:4

का इदोइ लेखेदोङखा हाइपालिपानु आधिमि द्‍याङगेलाइ नेलाइको मन्डलिता नेलाइ दोफा झ्वाइनाका हि, जाइ येसु ख्रिस्टता खान्धुराइ जेङका तिङपाखे। इम्बालाइ परमेस्वरको आदार मापाखे कालाउ इम्बालाइ गलत धिरपाखे कि, हाइपालिपानु परमेस्वर ताइको आनुग्रह पाहासो केलाइको पाप स्यामा पाखे। केलाइ आनाइतिक जिबन बितिपालि द्वाङ। इम्बालाइ येसु ख्रिस्टहेङ इन्कार पाखे, जाइ केलाइको एमि खिनिङ ग्रिहि कालाउ प्रभु हि, हेन्जा सोमोइ लाम्फा, धर्मसास्तर दोअ्खे कि परमेस्वर इन्सिका द्‍याङगेलाइहेङ साजाइ प्याङ।