गलाति 2:2 - Dhimal NT

² परमेस्वर कासेहेङ इन्ता हाने दोअ्कानाङ का इन्ता हानिघा। जेलाउ का इन्ता हिघाखा का आधिमि मन्डलिको आगुवागेलाइ दोफा सिकापा भेतिघा, कालाउ जेलाउ इम्बालाइहेङ सुसमाचारको ब्याख्या पाघा जेदोङ का गैर-यहुदिगेलाइको माझाता बुङ प्राचार पाका हिघाखा, कालाउकि काङको लाम्फा पाका कामगेलाइ कालाउ एला पाका कामगेलाइ खेर मान्हाको।

धिमाल

² परमेस्‍वर कासेहेङ हाने दोअ्‌नाङसिङ का इन्‍ता हानेघा। काङको पातेङहिका काम बिथाको माज्‍याको दोअ्‌तेङ बोजात्‍यागेलाइहेङ पारचार पाका रेम्‍काबानाल दोङ मन्डलिको आगुवागेलाइ दोअ्‌तेङ नालन्‍हाकालाइहेङ हिङपाघा। हाइदोनु केलाइको बिद्‌याचाहिँ एलोङदोङ एइ दोअ्‌तेङ एम्‍बालाइ ग्‍याको रो काङको पाका काम बिथाको माज्‍याको दोअ्‌तेङ का एन्‍सा पाघा।

गलाति 2:2 Iomraidhean Croise

मत्‍ति 10:16

हिङसु, का नेलाइहेङ स्याइलेको माझाता भेडा भाइपा दिङगिल्लाङका, इङको भाअ्सिङ पुय्याँ, भाइपा आगाल धाअ् कालाउ कुर्जा भाइपा सोझा जेङ।

साल्न्हाका चात्या 15:12

कालाउ सभाता झाराङ सिकापा हि, कालाउ पावल कालाउ बार्नाबासको काथागेलाइ ध्यान पितेङ हिङहि, कि परमेस्वर पावल कालाउ बार्नाबाससो गैर-यहुदिगेलाइता हिसिका-हिसिका बार्का चिन्हागेलाइ कालाउ भारभुसाइका कामगेलाइ तिङपाहि।

साल्न्हाका चात्या 15:2

जेलाउ पावल कालाउ बार्नाबास इम्बालाइ दोफा मामिलिसुका कालाउ गालाबाजि जेङतेङ न्हुसो, इन्ताको खान्धुराइ ओनेगेलाइ पावल कालाउ बार्नाबास कालाउ आधिमि द्‍याङगेलाइहेङ इदोइ प्रस्नको फैसाला पालिको भाअ्सिङ साल्न्हाका चात्यागेलाइ कालाउ मन्डलिको आगुवागेलाइकोता यरुसेलेम सहर हानिलि नियुक्ति पाहि।

साल्न्हाका चात्या 15:4

जेलाउ पावल कालाउ बार्नाबास यरुसेलेम सहरता थुकालि लोहि, कालाउ इम्बालाइहेङ मन्डलिको, आगुवागेलाइ कालाउ साल्न्हाका चात्यागेलाइ स्‍वागत पाहि। कालाउ पावल कालाउ बार्नाबास इन्ता जोम्का झाराङहेङ परमेस्वर इम्बालाइ पाहासो पाका गोताङ कामगेलाइको बारेता दोअ्हि।

साल्न्हाका चात्या 18:9

एनि न्हिसिन्ता दर्सनता प्रभु पावलहेङ दोअ्हि, “माअ्थि, भरु धुइकाताङ हाने सिकापा माहि।

साल्न्हाका चात्या 23:11

कोकोङ न्हिसिन्ता प्रभु येसु पावलको भेरपा लोतेङ दोअ्हि, “साहासि जेङ, हाइपालिपानु जेसाङ नाअ् यरुसेलेम सहरता काङको बिसोइता साक्सि पिन्हा, एन्साङ पातेङ नाअ् रोम सहरता बुङ हानितेङ काङको बिसोइता साक्सि पिलि गोयाना।”

साल्न्हाका चात्या 5:34

कालाउ व्यवस्था धिरपाका गमलिएल मिङ हिका फारिसि जाइ द्‍याङगेलाइको मानिनिय हिघाहि, माहासभाता जाअ्तेङ छाल्न्हाका चात्यागेलाइहेङ कोम्हा बाहार हानिका आदेस पिहि।

रोमि 9:16

ओदोङ भाअ्सिङ द्‍याङको इच्छा माकुनु कोसिसहोइ माको, कालाउ जाइहेङ परमेस्वर क्रिपा पालि भोखे कालाउ वासेहेङ चुनिखे।

1 कोरिन्थि 1:23

कालाउ केलाइ चाहि ख्रिस्ट क्रुस्टता सिहि कालाउ केलाइहेङ केलाइको पापसो लाअ्पाहि दोअ्तेङ प्राचार पानाखे, जाइ यहुदिगेलाइको भाअ्सिङ बाधा कालाउ गैर-यहुदिगेलाइको भाअ्सिङ आनाइ हि।

1 कोरिन्थि 2:2

हाइपालिपानु का नेलाइ दोफा हिलाउ येसु ख्रिस्ट कालाउ वासेहेङ क्रुसता ताङगाइतेङ सिका काथा बाहेक आरु हाइ दोङ काथा मागिका का थानिका हिघाखा।

1 कोरिन्थि 9:24

नेलाइहेङ थाहा दोङ हि कि, धाअ्काता झाराङ धाअ्खे, कालाउ लाङ पुरुस्कार निङका चाहि एमि खिनिङ द्‍याङ हिखे। एसा पासोङ केलाइ झाराङ परमेस्वरहेङ लेङचापाका काम पालि गोइखे, कालाउकि केलाइ इनाम निङलि द्वाको जेदोङ परमेस्वर केलाइहेङ भबिस्यता प्याङ।

1 कोरिन्थि 9:26

जेसाङ धाअ्का द्‍याङ लक्स्यता ताअ्तेङ धाअ्खे कालाउ भुकुन्दिहोइ दानाइका द्‍याङ धेरमाहेङ काबुता ताअ्खे, एन्साङ दोङ का बुङ ताइको खान्धुराइ जिबनहेङ येसु ख्रिस्टता काबुता ताअ्का हिघा।

2 कोरिन्थि 12:1

का गर्ब पालिङ गोयाङ, कालाउ इदोइ पाहासो हाइ दोङ फाइदा मान्थुलाउ बुङ, प्रभुसो निङका दर्सनगेलाइ कालाउ प्रकासगेलाइको काथा का पाअ्तेङ हिघा।

गलाति 1:12

हाइपालिपानु का इदोइ सुसमाचार ताइको पुर्खागेलाइसो धिरका माको ना ते हिदोइ बुङ व्यवस्था धिरपाका द्‍याङगेलाइसो, भरु येसु ख्रिस्ट दोङ कासेहेङ या देखाल पापिहि।

गलाति 1:6

का निरास हिघा, कि इदोइ झोको धेमाङ नेलाइ परमेस्वरहेङ लाअ्सुन्हा, जाइ नेलाइहेङ ख्रिस्ट पाहासो आनुग्रहता काइहि कालाउ भेनेङ दोङ सिक्स्याहेङ पिताइसुखेना। जेदोङ चाहि आधिमि द्‍याङगेलाइ सुसमाचार दोङ हि दोअ्तेङ दोअ्खे।

गलाति 2:6

कालाउ इङको यरुसेलेम मन्डलिको आगुवागेलाइ काङको धिरपाका सन्देसहेङ फेरिलि बाध्ये मापाहि। इम्बालाइ जिसिकाङ हिलाउ बुङ कासेहेङ हिदोइ बुङ फरक माजेनाङ, हाइपालिपानु परमेस्वर द्‍याङगेलाइको बाहारको रुप खाङतेङ खिनिङ न्याय मापाखे।

गलाति 2:9

याकुब, पतरुस, कालाउ युहान्‍ना जाइ मन्डलिको आगुवागेलाइ भाइपा मानिका हि, इम्बालाइ बुझिहि, कि परमेस्वर कासेहेङ बिसेस बरदान पिका हि। ओदोङ भाअ्सिङ इम्बालाइ बार्नाबास कालाउ कासेहेङ सुइकार पाहि। इम्बालाइ दोअ्हि, केलाइ गैर-यहुदिगेलाइकोता सुसमाचार प्राचार पासु, कालाउ केलाइ चाहि यहुदिगेलाइकोता दोङ प्राचार पाङ।

गलाति 5:7

नेलाइ ख्रिस्टको खाङधुरिता रेम्कासो बाराकाताङ हानिघा सुखेना। एला हासु नेलाइहेङ सत्ये मानिलिसो रोकिदोङखे?

फिलिप्पि 2:16

कालाउ नेलाइ इम्बालाइहेङ आनान्त जिबन पिका बचन हिङपासु, कालाउकि जेलाउ ख्रिस्ट आरोङ ल्वाङ का गर्ब पालि द्वाको, कि का बेर्थता परिस्रोम पाका मान्थुघा कालाउ काङको मेहेनत बेर्थता हानिका मान्थु।

फिलिप्पि 2:29

ओदोङ भाअ्सिङ हेन्जा आनान्द दोफा वासेहेङ प्रभुता स्‍वागत पासु, कालाउ इपाफ्रोडाइट्सहेङ कालाउ नाअ् भाइका आरु द्‍याङहेङ बुङ आदार पालि गोइखे।

1 थेस्लोनिकि 3:5

ओदोङ भाअ्सिङ का आझाइ सहिलि मादोअ्नाङ कि नेलाइ हाइ पातेङ हिसुना दोअ्तेङ थाहा निङलि का तिमोथिहेङ नेलाइकोता दिङगिल्घा। हाइपालिपानु हिसो बुङ साइतान नेलाइहेङ परिक्स्याता पाहि, कि कालाउ केलाइको परिस्रोम ब्यर्थ जेनाङबे दोअ्तेङ का थिका हिघाखा।

2 तिमोथि 4:7

खाङधुरिको रेम्का धुम पासु, जेसाङ एमि आर्मि धुम पालि हार मामानिखे, का बुङ ख्रिस्टको भाअ्सिङ थाङका मेहेनत पाका हिघा। का येसु ख्रिस्टको पिका कामहेङ पुरा पाका हिघा। कालाउ आखिरि दिना थेकापा खाङधुरि योग्य जेङतेङ हिघा।

हिब्रु 12:1

केलाइको कोरपाहाङ इदोइ द्‍याङगेलाइको खाङधुरिको साक्सि नुगामारि हि, ओदोङ भाअ्सिङ लोसु, केलाइको दामाता आइ परिका बाधागेलाइ कालाउ केलाइहेङ रिम्तेङ ताअ्का पापगेलाइहेङ केलाइ पान्छाइने कालाउ केलाइको आगाता हिका धाअ्का काम धैर्य सोङ ह्रुम्तेङ धाअ्ताइने।