गलाति 2:12 - Dhimal NT

¹² हाइपालिपानु वा लाम्फा गैर-यहुदिगेलाइ दोफा उम चाघाखे, कालाउ जेलाउ याकुबको दिङगिल्का आधे खान्धुराइगेलाइ पतरुसकोता लोहि, वा गैर-यहुदिगेलाइ दोफा चालि कालाउ आम्लि लाअ्हि। हाइपालिपानु वा उङको यहुदिगेलाइ दोफा थिघाहि।

धिमाल

¹² याकुबको दिङगिल्‍का द्‌याङगेलाइ लोकाखाङतेङ लाम्‍फा पत्‍रुस बोजात्‍याको खान्‍धुरिगेलाइ दोफा योम्‍तेङ चाघाखे। कालाउ जेलाउ यहुदि खान्‍धुरिगेलाइ लोहि, कोलाउ पत्‍रुस एम्‍बालाइ दोफा योम्‍तेङ चालि लाअ्‌हि रो सङगत बुङ पालि लाअ्‌हि। हाइदोनु वा खाताना पालि गोयाङ दोअ्‌कालाइदोफा थिघाखे।

गलाति 2:12 Iomraidhean Croise

लुका 15:2

कालाउ इदोइ द्‍याङते पापिगेलाइहेङ स्‍वागत पाखे, कालाउ ओबालाइ दोफा चाखे दोअ्तेङ फारिसि कालाउ व्यवस्था धिरपाका द्‍याङगेलाइ गनगनाइलि तेङहि।

लुका 5:38

द्‍याङगेलाइ जेलालाउ बुङ नावा दाखरसहेङ नावा धालेको झोलाता ताअ्खे।

साल्न्हाका चात्या 10:28

पतरुस इम्बालाइहेङ दोअ्हि, “नेलाइ गिसुखेन्हा, कि केलाइ यहुदि जेङतेङ आरु जातिको द्‍याङगेलाइ दोफा एन्सा हिगिल्लि याते इम्बालाइकोता हानिलि केलाइको व्यवस्थाको बिरोध हि। कालाउ बुङ परमेस्वर कासेहेङ हासुहेङ बुङ आपबित्तरो माकुनु आसुद्द मादोअ्लि दोअ्तेङ धिर्पाका हि।

साल्न्हाका चात्या 12:17

पतरुस खुरको इसाराहोइ इम्बालाइहेङ सिकापा हिलि दोअ्हि, कालाउ वासेहेङ हेसा प्रभु झ्याल्खानासो लाअ्पाहि दोअ्का काथा इम्बालाइहेङ दोअ्हि। इदोइ काथा याकुब कालाउ आरु ओनेगेलाइहेङ बुङ दोअ्पिसु दोअ्तेङ, पतरुस चाहि भेनेङ थामे हानेहि।

गलाति 2:14

कालाउ जेलाउ सुसमाचारको सत्ये आन्सार इम्बालाइ मापिताइका का तिङघा, का इम्बालाइ झाराङको आगाता पतरुसहेङ दोअ्घा, “नाअ् यहुदि जेङतेङ बुङ यहुदिगेलाइ भाइपा ब्यभार मापाखेना, कालाउ हाइ पालि गैर-यहुदिगेलाइहेङ यहुदिगेलाइको मुन्धुम मानिलि बाध्ये बानाइसुन्हा?”

गलाति 2:9

याकुब, पतरुस, कालाउ युहान्‍ना जाइ मन्डलिको आगुवागेलाइ भाइपा मानिका हि, इम्बालाइ बुझिहि, कि परमेस्वर कासेहेङ बिसेस बरदान पिका हि। ओदोङ भाअ्सिङ इम्बालाइ बार्नाबास कालाउ कासेहेङ सुइकार पाहि। इम्बालाइ दोअ्हि, केलाइ गैर-यहुदिगेलाइकोता सुसमाचार प्राचार पासु, कालाउ केलाइ चाहि यहुदिगेलाइकोता दोङ प्राचार पाङ।

एफिसि 2:15

वाको सिकासो, वा मोसाको व्यवस्थाता हिका गोताङ आग्यागेलाइ कालाउ नियमगेलाइ मोअ्पाहि। कालाउकि वा यहुदि कालाउ गैर-यहुदिगेलाइको माझाता सान्ति चुमालि द्वाको कालाउ एनोङ नावा समुह बानाइलि द्वाको।

एफिसि 3:6

इङको म्होनाका रहस्य चाहि या हि: कि केलाइको ख्रिस्ट दोफाको सम्बन्धको कारन, गैर-यहुदिगेलाइ जाइ येसु ख्रिस्टता हि, इम्बालाइ बुङ सुसमाचार पाहासो यहुदिगेलाइ भाइपा परमेस्वरको आसिसगेलाइ निनावा। कालाउ गैर-यहुदिगेलाइ बुङ एनोङ दोङ जिउको आङगगेलाइ कालाउ परमेस्वरको पाका प्रतिग्याको भागिदार जेङका हि।

1 थेस्लोनिकि 5:22

गोताङ खालको मारेम्का काथागेलाइ इन्कार पासु।