गलाति 1:8 - Dhimal NT

⁸ कालाउ जेसापा केलाइ सुसमाचार प्राचार पाका बाहेक केलाइ मध्ये माकुनु स्वर्गसो लोका स्वर्गदुत दोङ भेनेङ सुसमाचार प्राचार पाहे पानु परमेस्वर दोङ वासेहेङ जेलाउलाउ बुङ स्राप प्याको।

धिमाल

⁸ कालाउ केलाइको पारचार पाका रेम्‍काबानाल खान्‍तेङ भेनेङ रेम्‍का बानाल पारचार पाखे पानु केलाइ लाउ बुङ सादेलचर लाउ बुङ साराप निङचावा।

गलाति 1:8 Iomraidhean Croise

मत्‍ति 25:41

कालाउ न्हुसो का ताइको केपाहा योम्का द्‍याङगेलाइहेङ दोअ्ताङका नेलाइ स्रापित द्‍याङगेलाइ काङकोसो दुरे हानेसु। साइतानको कालाउ वाको दुतगेलाइको भाअ्सिङ परमेस्वर तियार पाका आनान्तको मेता हानेसु।

मर्कुस 14:71

कालाउ पतरुस केरा चातेङ दोअ्हि, का धाताइकानु परमेस्वर कासेहेङ साजाइ प्याको का उङको द्‍याङहेङ मानाल्खा जाइको बारेता नेलाइ दोअ्सुखेना, हाइ पालि वाको बारेता कासेहेङ हिअ्सुखेना।

साल्न्हाका चात्या 23:14

कालाउ उङको द्‍याङगेलाइ मुलि पुजारिगेलाइ कालाउ यहुदि आगुवागेलाइकोता हानितेङ दोअ्हि, “केलाइ पावलहेङ मासेपा भरि हाइ दोङ माचाङ कालाउ माआमाङ दोअ्तेङ ध्रिट केरा चाका हिनाहि।

रोमि 16:17

खान्धुराइ ओनेगेलाइ, का नेलाइहेङ सेउपाखा, कि नेलाइहेङ धिर्पाका सत्ये सिक्स्याको बिरोध पाका द्‍याङगेलाइसो जाइ खेङपाखे चङख हिसु कालाउ इम्बालाइसो दुरे हिसु।

रोमि 9:3

का ते काङको यहुदि दादा-ओनेगेलाइ कालाउ बाइ-ओनेगेलाइको भाअ्सिङ जाइ काङको ताइकोङ जातिगेलाइ दोङ हि, इम्बालाइको भाअ्सिङ ताइमिङ परमेस्वरसो साराप निङतेङ ख्रिस्टसो खेङन्हालि गोइलाउ बुङ का याको भाअ्सिङ तियार हिघाखा।

1 कोरिन्थि 12:3

ओदोङ भाअ्सिङ नेलाइ इदोइ काथा गिसु दोअ्का का भोखा, कि पबित्तरो आत्मासो नुइ धुइका हासु बुङ “येसु स्रापित ज्याको” माअ्दोखे, कालाउ पबित्तरो आत्मा पाहासो खिनिङ हासु बुङ “येसु दोङ प्रभु हि” दोअ्लि द्वाङ।

1 कोरिन्थि 16:22

हासु बुङ प्रभुहेङ प्रेम मापाखे पानु, उङको स्रापित ज्याको। हे केलाइको प्रभु, लौउ!

गलाति 1:9

केलाइ लाम्फा दोङ दोअ्का भाइपा एला बुङ दोअ्खा, नेलाइ जेदोङ सुसमाचार ग्रहन पाका हिसुन्हा, इङको बाहेक आरु हासु बुङ नेलाइहेङ भेनेङ सुसमाचार प्राचार पाखे पानु, वासेहेङ परमेस्वर दोङ जेलाउलाउ बुङ स्राप प्याको।

गलाति 3:10

कालाउ मोसाको व्यवस्थाता लेखेका हि, कि जाइ मोसाको व्यवस्थाको गोताङ नियमगेलाइ पालि माकेम्खे, परमेस्वरको साराप वाको ह्रुता हुनाङ। ओदोङ भाअ्सिङ व्यवस्था मानितेङ परमेस्वरको आगाता धर्मि जेङलि कोसिस पाका झाराङ ह्रुता स्राप परिका हि। हाइपालिपानु हासु बुङ इङको कानुनगेलाइ जेलाउ बुङ पुरा रितिहोइ केम्लि मादोखे।

गलाति 3:13

कालाउ व्यवस्था मामानिनाङ लोका सारापसो ख्रिस्ट केलाइहेङ लाअ्पाहि। जेलाउ येसु ख्रिस्ट क्रुस्टता सिहि, कालाउ वा केलाइको पापगेलाइको स्राप ताइमि ह्रुता ह्रुहि। हाइपालिपानु धर्मसास्तरता लेखेका हि, “जेदोङ द्‍याङ क्रुस्टता सिखे उङको स्रापित दोङ हि।”

तितस 3:10

जेसापा हिदोइ बुङ द्‍याङ मन्डलिता फाटो चुमाखे पानु, उङकोहेङ एखे माकुनु न्हेखे एन्सा पालि लाअ् दोअ्तेङ चेताउनि पि, कालाउ न्हुसो उङको द्‍याङ दोफा हिदोइ बुङ सामान्दा माअ्ता।

२ पत्‍रुस 2:14

इम्बालाइ ताइमि खाङका गोताङ बेजान दोफा कासिबिरि पालि भोखे। इम्बालाइ पाप पालि दाउ भोलि हेलाउ बुङ मालाखे। इम्बालाइ उङको द्‍याङगेलाइहेङ धोका पिखे, जाइ ख्रिस्टहेङ पुरा रुपहोइ खाङधुरि मापाखे कालाउ इम्बालाइहेङ पापता थोङखे। हाइपालिपानु इम्बालाइको हेन्जा काथागेलाइको बाढेका इच्छाको कारन, परमेस्वर इम्बालाइहेङ साजाइ प्याङ।