गलाति 1:6 - Dhimal NT

⁶ का निरास हिघा, कि इदोइ झोको धेमाङ नेलाइ परमेस्वरहेङ लाअ्सुन्हा, जाइ नेलाइहेङ ख्रिस्ट पाहासो आनुग्रहता काइहि कालाउ भेनेङ दोङ सिक्स्याहेङ पिताइसुखेना। जेदोङ चाहि आधिमि द्‍याङगेलाइ सुसमाचार दोङ हि दोअ्तेङ दोअ्खे।

धिमाल

⁶ ख्रिस्‍टको निगाहाता नेलाइहेङ काइका परमेस्‍वर आबाहेङ लाअ्‌तेङ नेलाइ बो रेम्‍काबानालभारि लागिदोङसुखेना दोअ्‌का हिङतेङ का हेन्‍जाङ भारभुसाइका हिघा।

गलाति 1:6 Iomraidhean Croise

मर्कुस 6:6

ओबालाइको खाङधुरि मापाका तिङतेङ वासेहेङ दुख लागिहि। कालाउ न्हुसो, येसु भेरपाङको देरा-देराता हानितेङ द्‍याङगेलाइहेङ परमेस्वरको बचन हिङपाहि।

युहन्‍ना 9:30

उङको द्‍याङ उत्तारा पिहि, “इदोइ हिस्का भारभुसाइका काथा हि, येसु हिसोसो लोहि, नेलाइ मागिसुखेना, कालाउ बुङ वा काङको मिसियाँ एल्पा पिहि।

साल्न्हाका चात्या 15:11

एसा पालि ठिक माको केलाइ खाङधुरि पान्हाखे, कि ओबालाइ भाइपाङ केलाइ बुङ प्रभु येसुको आनुग्रहसो मुक्ति निङका हिनाहि, मोसाको व्यवस्था आग्या केम्नाङ माको।”

रोमि 10:3

हाइपालिपानु परमेस्वरसो लोका धार्मिकताको बिसोइता मागितेङ इम्बालाइ ताइकोङ तरिकाहोइ धर्मि जेङलि भोलाउ इम्बालाइ परमेस्वर पाहासो धार्मिक जेङका काथाहेङ सुइकार मापाहि।

रोमि 5:2

केलाइको खाङधुरिको कारनहोइ येसु ख्रिस्ट केलाइहेङ इदोइ आनुग्रहता चुमाका हि, जेता केलाइ एला जाअ्का हिनाहि, कालाउ परमेस्वरको महिमाता सहभागि जेङका आसता लेङचान्हाखे।

रोमि 8:28

केलाइ गिनाखे, कि वासेहेङ प्रेम पाकालाइ कालाउ वाको उदेस्य आन्सार चुनिकालाइको भाअ्सिङ गोताङ काथाता परमेस्वर भलाइ दोङ पाखे।

रोमि 8:30

जाइ-जाइहेङ वा लाम्फासोङ चुनिहि, इम्बालाइहेङ वा काइहि, कालाउ जाइ-जाइहेङ वा काइहि, इम्बालाइहेङ वा धर्मि बुङ बानाइहि, कालाउ जाइ-जाइहेङ वा धर्मि बानाइहि, इम्बालाइ दोफा ताइको महिमा बुङ बाखाराइहि।

1 कोरिन्थि 4:15

हाइपालिपानु ख्रिस्टता नेलाइहेङ धिरपाका ते-हाजार सिक्स्यकगेलाइ हिलाउ बुङ, का खिनिङ नेलाइको आबा भाइपा हिघा। हाइपालिपानु सुसमाचार हिङपातेङ नेलाइहेङ येसु ख्रिस्टता खाङधुरि पापाका का दोङ हिघा।

2 कोरिन्थि 11:4

केलाइ येसुको बारेता दोअ्न्हाहि कालाउ नेलाइ केलाइको सन्देसहेङ ग्रहन पातेङ पबित्तरो आत्मा निङसुन्हा, कालाउ नेलाइ भेनेङ येसुको बारेता आधिमि द्‍याङगेलाइहेङ दोअ्लि पिसुन्हा। एला नेलाइ भेनेङ आत्मा माकुनु सुसमाचार ग्रहन पालि तियार हिसुना, जेदोङ चाहि केलाइको पिका सिक्स्या खान्तेङ भेनेङ हि। कालाउ गोल्तिहोइ नेलाइ इङको सुसमाचार ग्रहन पासुना।

2 कोरिन्थि 2:17

हाइपालिपानु हेन्जाङ द्‍याङगेलाइ सरह केलाइ परमेस्वरको बचनको धनि जेङलिको भाअ्सिङ प्राचार मापानाखे भरु परमेस्वर पिगिल्का माधाताइसिङ द्‍याङको रुपता केलाइ जेलाउ बुङ ख्रिस्ट पाहासो परमेस्वरको लोकाता नुइ धुइनाखे।

गलाति 1:11

खान्धुराइ ओनेगेलाइ, का भोखा, कि नेलाइ गिसु, कि का दोङ प्राचार पाका सुसमाचार द्‍याङगेलाइ बानाइका माको।

गलाति 1:15

कालाउ परमेस्वर ताइको चानहेङ कासेहेङ देखाल पालि इच्छा पाहि, कालाउकि का येसुको बारेता गैर-यहुदिगेलाइहेङ प्राचार पालि द्वाको। परमेस्वर दोङ कासेहेङ जोलोमलि खान्तेङ लाम्फा चुनिहि, कालाउ वाको आनुग्रहहोइ कासेहेङ वाको सेवा पालि काइहि। येसु दोङ ताइमिहेङ कासेहेङ तिङपालि दोतेङ, का हासु दोफा बुङ साल्लाहा पालि मानिघा।

गलाति 1:7

कालाउ बास्ताबता एनोङ खिनिङ सत्ये सुसमाचार हि, कालाउ हेथे द्‍याङगेलाइ नेलाइहेङ आवाइ तुपातेङ ख्रिस्टको सुसमाचारहेङ परिबतन पालि भोदोङखे।

गलाति 2:14

कालाउ जेलाउ सुसमाचारको सत्ये आन्सार इम्बालाइ मापिताइका का तिङघा, का इम्बालाइ झाराङको आगाता पतरुसहेङ दोअ्घा, “नाअ् यहुदि जेङतेङ बुङ यहुदिगेलाइ भाइपा ब्यभार मापाखेना, कालाउ हाइ पालि गैर-यहुदिगेलाइहेङ यहुदिगेलाइको मुन्धुम मानिलि बाध्ये बानाइसुन्हा?”

गलाति 2:2

परमेस्वर कासेहेङ इन्ता हाने दोअ्कानाङ का इन्ता हानिघा। जेलाउ का इन्ता हिघाखा का आधिमि मन्डलिको आगुवागेलाइ दोफा सिकापा भेतिघा, कालाउ जेलाउ इम्बालाइहेङ सुसमाचारको ब्याख्या पाघा जेदोङ का गैर-यहुदिगेलाइको माझाता बुङ प्राचार पाका हिघाखा, कालाउकि काङको लाम्फा पाका कामगेलाइ कालाउ एला पाका कामगेलाइ खेर मान्हाको।

गलाति 2:5

कालाउ सुसमाचारको सत्ये नेलाइ दोफा हितेङ ह्याको दोअ्तेङ केलाइको इम्बालाइ दोफा सहमति माजेङहि।

गलाति 2:7

कालाउ उङको आगुवागेलाइ तिङहि, कि परमेस्वर पतरुसहेङ जेसाङ यहुदिगेलाइहेङ सुसमाचार प्राचार पालि खाताइहि, एन्साङ दोङ परमेस्वर कासेहेङ गैर-यहुदिगेलाइको माझाता सुसमाचार प्राचार पालि खाताइहि।

गलाति 5:14

हाइपालिपानु गोताङ व्यवस्था एनोङ आग्याता सान्तिका हि, “ताइमिहेङ भाइपा ताइको देरागेलाइहेङ बुङ प्रेम पासु।”

गलाति 5:4

नेलाइ जाइ मोसाको व्यवस्था मानितेङ धर्मि जेङलि खाङसुखेना, नेलाइ ख्रिस्टसो खेङन्हाका हिसुन्हा। कालाउ परमेस्वरको आनुग्रहसो दुरे जेङका हिसुन्हा।

2 थेस्लोनिकि 2:14

केलाइ नेलाइहेङ प्राचार पाका सुसमाचार पाहासो परमेस्वर नेलाइहेङ उद्दारको भाअ्सिङ काइहि। कालाउकि नेलाइ प्रभु येसु ख्रिस्टको साम्मानता झ्वाइनालि दोसु।

1तिमोथि 1:14

कालाउ केलाइको प्रभु कासेहेङ वाको आसिम आनुग्रह लागातार तिङपाहि। वा दोङ कासेहेङ वा ह्रुता खाङधुरि पाका बानाइहि, कालाउ आरुहेङ प्रेम पालि धिरपाहि, हाइपालिपानु का येसु ख्रिस्ट दोफा ए जेङतेङ हिघाखा।

1तिमोथि 1:3

जेलाउ म्यासिडोनिया प्रदेस हानेलि तोमलाउ का आरोङ नेलाइहेङ आनुरोध पाखा कि, नेलाइ एफिसस सहरता दोङ हिसु कालाउ धाताइका सिक्स्या धिरपाका द्‍याङगेलाइहेङ एन्सा मापा दोअ्तेङ थाङका आग्या पि।

2 तिमोथि 1:9

परमेस्वर केलाइहेङ बान्चिपाहि कालाउ पबित्तरो जिबन जियाइलि काइहि। केलाइ रेम्का काम पाकानाङ काइका माको, भरु ताइको योजाना कालाउ आनुग्रहहोइ परमेस्वर केलाइहेङ बान्चिपाहि। जेदोङ आनुग्रह वा येसु ख्रिस्ट पाहासो सुमिङहेङ सिरजाइका खान्तेङ लाम्फा पिका हिघाहि।

2 तिमोथि 2:1

ओदोङ भाअ्सिङ तिमोथि जाइ नाअ् काङको ताइकोङ चान भाइका हिना, लागातार ताइमिहेङ बल्लियाका बानाइ इदोइ गितेङ, कि परमेस्वर नासेहेङ आनुग्रह पिका हि जेदोङ चाहि येसु ख्रिस्ट पाहासो खिनिङ लोखे।

1पतरुस 1:15

नेलाइको पाका गोताङ काथाता ताइमिहेङ मारेम्का काथासो खेङसु, हाइपालिपानु परमेस्वर जाइ नेलाइहेङ चुनिहि वा पबित्तरो हि।

२ पत्‍रुस 1:3

केलाइ परमेस्वरहेङ नाल्कानाङ वा केलाइहेङ वाको दोफा हिका इङको सरबुङ पिका हि। ओदोङ भाअ्सिङ केलाइ वासेहेङ लेङचापाका जिबन जियाइलि गोइका गोताङ काथा हि। वाको ताइकोङ पुर्न कालाउ महिमा पुर्न चरित्तरोको कारन वा केलाइहेङ ताइकोङ द्‍याङ जेङलि छाल्का हि।

प्रकास 22:21

केलाइको प्रभु येसु ख्रिस्टको आनुग्रह परमेस्वरको गोताङ द्‍याङगेलाइ दोफा ह्याको। आमेन!