गलाति 1:4 - Dhimal NT

⁴ केलाइको परमेस्वर कालाउ आबाको इच्छा आन्सार येसु ख्रिस्ट केलाइको पापको भाअ्सिङ ताइमिहेङ बलि पिहि, कालाउकि केलाइहेङ इदोइ सुमिङको मारेम्का कामगेलाइसो लाअ्पाको।

धिमाल

⁴ केलाइको परमेस्‍वर आबाको लाल्‍साआन्‍सार इदोइ एलाको दुरजन दुनियासो केलाइहेङ छुटकारा पिलि प्रभु इसु ख्रिस्‍ट ताइमिङहेङ केलाइको कुकरमको भाअ्‌सिङ ताइको ज्‍यान भोक पिहि।

गलाति 1:4 Iomraidhean Croise

मत्‍ति 13:22

आधिमि द्‍याङगेलाइ चुइको झुन्झिता भाइका हि, जेता चालाइ बिन्हाका हि, जाइ इसिका द्‍याङ हि वा परमेस्वरको बचन हिङखे कालाउ सुमिङको सुरताहोइ, धनको मायारुहोइ कालाउ रेम-रेम्का आमेने तिङतेङ बचनहेङ लाअ्पिगिल्खे, कालाउ वा हिदोइ बुङ फल सेपालि मादोखे।

मत्‍ति 20:28

जेसाङ का द्‍याङको चान, बोगेलाइको सेवा पालि इदोइ सुमिङता लोघा। कालाउ का एसापा लोका माको कि बोगेलाइ दोङ काङको सेवा पाको। का हेन्जाङ झनाहेङ काङको पापसो लाअ्पालि दोअ्तेङ ताइको जिउ पिलि लोका हिघा।

मत्‍ति 26:28

इदोइ काङको आङगुरको रस काङको हिति, काङको हिति परमेस्वर पाहासो वाको द्‍याङगेलाइको भाअ्सिङ नावा बाचा सुरु जेनावा। इदोइ हिति हेन्जाङ द्‍याङगेलाइ ओबालाइको पाप स्यामाको भाअ्सिङ होपावा।

मत्‍ति 26:42

आरोङ न्हुसो येसु न्हे पल्ति हानिहि, कालाउ प्रार्थाना पालि तेङहि, हे काङको आबा, जेसापा का माआम्सा माजेङनु इदोइ कस्टको बात्ति नाअ् हिसिका पालि खाङखेना इन्सिकाङ हिलि पि।

मत्‍ति 6:9

नेलाइ चाहि एसा दोअ्तेङ प्रार्थाना पासु: हे स्वर्गता हिका, केलाइको आबा परमेस्वर, नाङको मिङ जेलाउलाउ बुङ पबित्तरो जेनाको।

मर्कुस 10:45

का इसिका ओदोङ भाअ्सिङ दोअ्तेङ हिघा, हाइपालिपानु का द्‍याङको चान, बोगेलाइको सेवा पालि इदोइ सुमिङता लोघा। कालाउ का एसापा लोका माको कि बोगेलाइ दोङ काङको सेवा पाको। का हेन्जाङ झनाहेङ आरु द्‍याङगेलाउको पापसो लाअ्पालिको भाअ्सिङ ताइको जिउ पिलि लोका हिघा।”

लुका 22:19

कालाउ न्हुसो येसु तोले चुम्तेङ, वा तोलेको भाअ्सिङ परमेस्वरहेङ धन्यबाद पिहि कालाउ पोङहि। वा इङको तोले चात्यागेलाइहेङ पिहि कालाउ वा दोअ्हि, इदोइ काङको जिउ। जेदोङ का नेलाइहेङ पिखा, कासेहेङ फोम पालिको भाअ्सिङ एसा पासु।

लुका 22:42

हे आबा, जेसापा इदोङ नाङको मन हिनु, इदोइ कस्टको पहर काङकोसो हानिपापि। इदोइ नाङको मन बमोजिम ज्याको काङको इच्छा भाइका माको।

युहन्‍ना 10:11

का आसल लाखुरिया दोङ हिघा। आसल लाखुरिया ताइको भेडाको भाअ्सिङ ताइको इच्छाहोइ सिपिखे।

युहन्‍ना 12:31

एला इदोइ सुमिङको द्‍याङगेलाइहेङ परमेस्वरको न्याय पाका सोमोइ लोका हि। कालाउ येसु साइतानको सरबुङहेङ नासा पाका सोमोइ बुङ लोका हि, जाइ इदोइ सुमिङको सासक हि।

युहन्‍ना 5:30

का ताइमिङ हाइ दोङ पालि माद्वाङका। जाइ आबा परमेस्वर दोअ्खे ओदोङको आधारता का न्याय पाखा, कालाउ काङको न्याय सत्ये हिखे, हाइपालिपानु का ताइको इच्छाहोइ माको कालाउ कासेहेङ दिङगिल्काको इच्छा आन्सार काम पाखा।

युहन्‍ना 6:38

ताइको इच्छा पुरा पालि का स्वर्गसो लोका माको, कालाउ कासेहेङ दिङगिल्काको इच्छा पुरा पालिको भाअ्सिङ का लोका हिघा।

रोमि 1:7

का या पात्तारा रोम सहरता हिका गोताङ खान्धुराइगेलाइहेङ लेखेदोङखा, जाइहेङ परमेस्वर प्रेम पाखे कालाउ ताइको पबित्तरो जन जेङलि काइका हि। नेलाइहेङ केलाइको आबा परमेस्वर कालाउ प्रभु येसु ख्रिस्ट आनुग्रह कालाउ सान्ति प्याको।

रोमि 12:2

इदोइ सुमिङको द्‍याङगेलाइ भाइपा माजेङसु, कालाउ परमेस्वर नाङको स्वभाबहेङ परिबर्तन पातेङ नेलाइको बिचारहेङ नावा बानाइलि द्वाङ। कालाउ परमेस्वरको आसल ग्रहन योग्य कालाउ सिद्द इच्छा हाइ हि, इङको नेलाइ गिलि दोसु।

रोमि 4:25

येसु केलाइको पापगेलाइको भाअ्सिङ सिपिहि, कालाउ परमेस्वर केलाइहेङ वाको दोफा धर्मि बानाइलि येसुहेङ आरोङ सिन्हु पाहि।

रोमि 8:27

कालाउ द्‍याङगेलाइको ह्रदय गिका परमेस्वर पबित्तरो आत्माको बिचार हाइ हि इङको गिखे, हाइपालिपानु पबित्तरो आत्मा खान्धुराइगेलाइको भाअ्सिङ परमेस्वरको इच्छा आन्सार वाको दोफा प्रार्थाना पापिखे।

रोमि 8:3

हाइपालिपानु केलाइको पापमय स्वभाबको कारनहोइ जेदोङ काम मोसाको व्यवस्था बुङ पालि मादोहि, इङको ताइमिङ परमेस्वर दोङ पाहि। वा ताइको चानहेङ केलाइकोङ पापमय जिउको स्वरुपता भाइकाङ केलाइको पापको भाअ्सिङ भोग भाइपाङ दिङगिल्हि। कालाउ एसापा परमेस्वर ताइको चानको जिउपाहासो पापको सरबुङ नासा पाहि।

रोमि 8:32

परमेस्वर ताइको चानहेङ बुङ ताइको भाअ्सिङ बाकि माअ्ताहि, कालाउ केलाइ झाराङको भाअ्सिङ वासेहेङ सतुरुगेलाइहेङ सुम्पिपिहि, ओदोङ भाअ्सिङ वा निसित दोङ केलाइहेङ प्रतिग्या पाका गोताङ आमेने एन्साङ प्याङ।

1 कोरिन्थि 15:3

हाइपालिपानु जेदोङ महत्वय पुर्न सन्‍देस का परमेस्वरसो निङघा, इङको मुख्य सन्‍देस का नेलाइहेङ दोअ्घा। इङको सन्‍देस चाहि धर्मसास्तर दोनाङ भाइपा ख्रिस्ट केलाइको पापको भाअ्सिङ सिपिहि।

2 कोरिन्थि 4:4

कालाउ इदोइ सुमिङको दिर साइतान उङको खाङधुरि मापाकालाइको बिद्दिहेङ कान्हाँ बानाइ पिका हि, ओदोङ भाअ्सिङ इम्बालाइ ख्रिस्टको बारेता सुसमाचार कालाउ वाको महिमाको बारेता बुझिलि मादोखे, हाइपालिपानु ख्रिस्ट परमेस्वरको स्वरुप हि।

गलाति 2:20

या इसिका हि, कि का बुङ येसु ख्रिस्ट दोफाङ क्रुस्टता सिघा, एला उसो का जियाइका माको भरु येसु ख्रिस्ट का लिता जियाइखे। जेदोङ जिबन जिउता एला जियाइखा, इङको परमेस्वरको चान ह्रुता खाङधुरि पातेङ जियाइखा, जाइ कासेहेङ हेन्जा प्रेम पाखे कालाउ काङको भाअ्सिङ ताइको जिबन बुङ आरपन पाहि।

गलाति 6:14

कालाउ का चाहि आरु काथाता माको, भरु प्रभु येसु ख्रिस्ट क्रुस्टता सिका काथाता खिनिङ गर्ब पाङका। हाइपालिपानु वाको सिकासो का एला सुमिङको इच्छाको बान्धाइति मान्थुघा कालाउ सुमिङको हिदोइ बुङ सरबुङहोइ काङको ह्रुता सासन पालि माद्वावा।

एफिसि 1:11

हाइपालिपानु गोताङ काथा परमेस्वरको योजाना कालाउ निर्नय आन्सार जेङका हि। परमेस्वर केलाइ यहुदिगेलाइहेङ बुङ ताइकोङ इच्छा आन्सार केलाइको ख्रिस्ट दोफाको सम्बनधको कारन इदोइ चाहि परमेस्वर लाम्फासोङ पाका निर्नय आन्सार पाका हि।

एफिसि 2:2

लाम्फा नेलाइ इदोइ सुमिङको द्‍याङगेलाइ कोनिङ हिगिल्घासुखेना कालाउ नेलाइ सुमिङको सासक साइतानहेङ मानिघासुखेना। कालाउ साइतान एला बुङ परमेस्वरको आग्या माकिलाइको माझाता काम पाखे।

एफिसि 5:16

बुद्दिमानि दोफा गोताङ आबसरगेलाइ आसल कामको भाअ्सिङ प्रयोग पासु, हाइपालिपानु दिनागेलाइ आखेका हि।

एफिसि 5:2

बोगेलाइको भाअ्सिङ प्रेममय जिबन बितिपासु, जेसाङ ख्रिस्ट बुङ केलाइहेङ प्रेम पाहि, कालाउ वा केलाइको पापको भाअ्सिङ ताइमिहेङ भोगको रुपता चढाइका हि। कालाउ परमेस्वर खुसि जेङहि, हाइपालिपानु बलिदान वाको भाअ्सिङ ताअ्का मालामालाका बासाना भाइका हिघाहि।

एफिसि 6:12

हाइपालिपानु केलाइको धुम द्‍याङगेलाइको बिरोधता माको, भरु आगुवागेलाइ, सासकगेलाइ, सुमिङको कितिकितिकाको सरबुङ कालाउ स्वर्गियता हिका दुस्ट सरबुङगेलाइ दोफा हि।

फिलिप्पि 4:20

केलाइको आबा परमेस्वरको महिमा जेलाउलाउ बुङ ह्याको। आमेन।

1 थेस्लोनिकि 1:3

जेलाउ केलाइ आबा परमेस्वर दोफा प्रार्थाना पानाखे, केलाइ प्रभु येसु ख्रिस्ट नेलाइको खाङधुरिसो पाका काम, नेलाइ खान्धुराइगेलाइहेङ पाका प्रेम कालाउ साघाइ कालाउ नेलाइको थाङका परिस्रोम, कालाउ नेलाइ प्रभु येसु ख्रिस्ट आरोङ ल्वाङ दोअ्का आसता धर्य पातेङ लागातार फोम पानाखे।

1 थेस्लोनिकि 3:11

केलाइ प्रार्थाना पाङ कि केलाइको आबा परमेस्वर कालाउ प्रभु येसु ख्रिस्ट नेलाइकोता लोका दामा हेअ्प्यावाको।

1 थेस्लोनिकि 3:13

केलाइ प्रार्थाना पानाखे कि प्रभु येसु नेलाइको ह्रदयहेङ इस्थिर बानाइयाको, कालाउकि जेलाउ येसु आरोङ गोताङ परमेस्वरको जनगेलाइ दोफा लोलाउ नेलाइ केलाइको आबा परमेस्वरको आगाता पबित्तरो कालाउ दाग मालागिका जेङलि दोसु।

2 थेस्लोनिकि 2:16

केलाइ येसु ख्रिस्ट कालाउ आबा परमेस्वरहेङ प्रार्थाना पानाखे जाइ दोङ केलाइहेङ प्रेम पाहि, कालाउ वा ताइको आनुग्रहसो केलाइहेङ आनान्तको हाउसाइ कालाउ निसित आस पिहि।

1तिमोथि 2:6

ख्रिस्ट गोताङ द्‍याङगेलाहेङ पाप कालाउ सिकाको सरबुङसो लाअ्पालि मोल तिरितेङ ताइमिहेङ बलिदान पिहि। कालाउ वाको सिकासो परमेस्वर झाराङ द्‍याङ बान्च्याको दोअ्तेङ ठिक सोमोइता प्रमान पिहि।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

हिब्रु 2:5

केलाइ काथा पाकाताङ लोका इङको सुमिङहेङ परमेस्वर स्वर्गदुतगेलाइको आधिनता माताहि, भरु चानको आधिनता ताअ्हि।

हिब्रु 6:5

कालाउ इम्बालाइ आनुभब पाका हिघाहि कि, परमेस्वरसो लोका सन्‍देस रेम्का कालाउ इम्बालाइ भबिस्यता लोलि खाङका सोमोइको सरबुङको आनुभब पाका हिघाहि।

हिब्रु 9:14

या सोचिसु कि सिका भारि चुम्पुका कामगेलाइसो ख्रिस्टको हितिहोइ केलाइको ह्रदयहेङ ते झन हेथे हेन्जा सुद्द बानाइलि दोखे, कालाउकि केलाइ सिन्हुका परमेस्वरको आराधाना पालि द्वाको, हाइपालिपानु आनान्त आत्माको सरबुङ पाहासो ताइमिहेङ केलाइको पापको भाअ्सिङ एमि सिद्द भोगको रुपता परमेस्वरहेङ चाढाइहि।

याकुब 4:4

ओइ परमेस्वरको खाङधुरि योग्य मान्थुका द्‍याङगेलाइ, इदोइ सुमिङको काथागेलाइको सानाइति परमेस्वर दोफाको सतुरु दोङ दोअ्का काथा हाइ नेलाइहेङ थाहा मान्थु? ओदोङ भाअ्सिङ जाइ सुमिङ दोफा सानाइति जेङलि भोखे वा दोङ ताइमिहेङ परमेस्वरको सतुरु बानाइखे।

1पतरुस 2:24

जेलाउ ख्रिस्ट सिहि, वा क्रुस्टता केलाइको पापको भाअ्सिङ ताइको जिउता दन्ड भोगिहि। वा इसिका पाहि कालाउकि केलाइ पाप पालि लाअ्तेङ धर्मि जेङजेङ जिबन जियाइलि तेङलि द्वाइने। कालाउ वा सहिका चोटगेलाइ पाहासो केलाइ एल्का हिनाहि।

1पतरुस 3:18

का एसा दोअ्खा हाइपालिपानु केलाइको पापको कारन ख्रिस्ट बुङ कस्ट भोगिहि। कालाउ सिहि। वा एखे खिनिङ सिहि कालाउ यासेहेङ आरोङ घुरितेङ सिलि मागोइयाङ। वा एमि धर्मि द्‍याङ हिघाहि, जाइ पापि द्‍याङगेलाइको भाअ्सिङ सिहि कालाउकि वा केलाइहेङ परमेस्वरको भेरपा चुमालि दोका हि। इम्बालाइ वाको जिउ ते सेअ्हि कालाउ वाको आत्मा सिन्हुका हि।

१ युहन्‍ना 2:2

कालाउ केलाइको पापको भाअ्सिङ ख्रिस्ट बलि जेङपिहि, कालाउ केलाइको भाअ्सिङ खिनिङ माको, कालाउ सारा सुमिङको द्‍याङगेलाइको पापको भाअ्सिङ बुङ।

१ युहन्‍ना 3:16

एसा पासोङ प्रेम हाइ वाला केलाइ थाहा गिनाखे, कि येसु ख्रिस्ट दोङ केलाइको भाअ्सिङ सिपिहि। ओदोङ भाअ्सिङ केलाइ बुङ आरु खान्धुराइगेलाइको भाअ्सिङ सिलि गोइलाउ बुङ तियार हिलि गोइखे।

प्रकास 1:5

कालाउ येसु ख्रिस्टसो, जाइ परमेस्वरको सत्येता खाङधुरि योग्यता देखाल पापियाङ। वा दोङ हि जाइ सिका न्हुसो आरोङ सिन्हु पाहि, कालाउ वा इदोइ सुमिङको गोताङ राजागेलाइको सासक हि। कालाउ येसु ख्रिस्ट केलाइहेङ मायारु पाखे कालाउ वाको हितिहोइ केलाइहेङ केलाइको पापगेलाइसो बान्चिपाखे। वा केलाइहेङ एनोङ जाति बानाइहि जाइ दोफा परमेस्वर ओबालाइको राजाको रुपता हिका हि। कालाउ वा केलाइहेङ वाको आबा परमेस्वरको भाअ्सिङ पुजारिगेलाइ बानाइहि। वा दोङ जेलाउलाउको भाअ्सिङ साम्मान कालाउ खाबारा गोताङ सोमोइ निङलि गोयाङ। आमेन।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।

प्रकास 7:9

कालाउ न्हुसो, का इन्ता वथे बार्का द्‍याङको जेर तिङघा कालाउ हासु बुङ इङको गोताङहेङ गान्दिलि मादोघाहि। इम्बालाइ सुमिङको गोताङ जाति कुल, रास्ट, कालाउ गोताङ भासासो लोका हिघाहि। इम्बालाइ सिङहासन कालाउ थुमाको आगाता जाअ्हि। इम्बालाइ जे:का धाबा लागाइका हिघाहि, कालाउ गोताङ द्‍याङगेलाइ ताइको खुरता लाब्रा सिङको डालेङ चाअ्का हिघाहि, जेदोङ इङको साम्मानको चिन्हाको रुपता हिघाहि।