एफिसि 6:9 - Dhimal NT

⁹ एन्साङ पातेङ गिह्रिगेलाइ, नेलाइ बुङ ताइको बान्धाइतिगेलाइहेङ धम्कि मापिसु भरु रेम्का ब्यभार पासु, या गितेङ कि नेलाइ न्हेमिकोङ एनोङ दोङ गिह्रि स्वर्गता हि, वा झाराङ द्‍याङगेलाइ दोफा ए-सामान ब्यभार पाखे।

एफिसि 6:9 Iomraidhean Croise

मत्‍ति 22:10

कालाउ चाकारियागेलाइ गोताङ थामेगेलाइ भारि हानिहि। दुसुका कालाउ निङका रेम्का-मारेम्का जतिहेङ काइतेङ भातियारता चुमाहि। कालाउ बिहुको साअ् द्‍याङगेलाइहोइ गुल्सु-मुल्सुपा जेङहि।

मत्‍ति 22:8

कालाउ न्हुसो राजा ताइको चाकारिगेलाइहेङ दोअ्हि, बिहुको भातियारते तियार हि। कालाउ काङको निम्ताइकागेलाइ चाहि इदोइ भातियार चालि सोबाइका मान्थु।

मत्‍ति 24:48

कालाउ चाकारिया दोङ दुस्ट हिनु कालाउ ताइको ग्रिह्रि बेलोम्पा ल्वाङ दोअ्तेङ सम्झिखे पानु,

मत्‍ति 24:51

कालाउ वाको गिह्रि वासेहेङ राङका दन्ड प्यावा, कालाउ वासेहेङ कपटिगेलाइ दोफा थाइगिल्यावा, कालाउ इन्ता वा खारावा कालाउ तासिङ जितावा।

मत्‍ति 7:12

ओदोङ भाअ्सिङ नेलाइ दोफा द्‍याङगेलाइ हिसिका पाका मन्दा तासुखेना, कालाउ नेलाइ बुङ द्‍याङगेलाइ दोफा इन्सिकाङ पासु, इदोइ दोङ मोसाको व्यवस्थाता कालाउ परमेस्वरको बक्तागेलाइ लेखेका काथागेलाइको आर्था हि।

लुका 6:31

जेसाङ नेलाइ दोफा द्‍याङगेलाइ हिसिका पाका मन्दा तासुखेना, कालाउ नेलाइ बुङ द्‍याङगेलाइ दोफा इन्सिकाङ पासु।

युहन्‍ना 13:13

नेलाइ कासेहेङ गुरु ज्यु कालाउ प्रभु दोअ्सुखेना, इङको नेलाइ थिकोङ दोअ्सुखेना हाइपालिपानु का नेलाइको गुरु ज्यु कालाउ प्रभु दोङ हिघा।

साल्न्हाका चात्या 10:34

कालाउ पतरुस नुइ धुइलि तेङहि, “एला का जातिङ भारि बुझिखा, कि परमेस्वरको भाअ्सिङ झाराङ द्‍याङगेलाइ एनोङ दोङ साम्मान हि।

रोमि 2:11

परमेस्वर झाराङहेङ बाराबर न्याय पाखे।

1 कोरिन्थि 1:2

का इदोइ पात्तारा नाअ् कोरिन्थि सहरता हिका खान्धुराइगेलाइहेङ लेखेदोङखा, जाइहेङ परमेस्वर ताइको द्‍याङगेलाइ जेङलि येसु ख्रिस्टता खेङका हि। वा दोङ नेलाइहेङ येसु ख्रिस्टता वाको पबित्तरो द्‍याङगेलाइ जेङलि काइका हि, जेसाङ वा येसु ख्रिस्टता हिका खान्धुराइगेलाइहेङ पबित्तरो पाहि। हाइपालिपानु गोताङ थामेता वा केलाइ झाराङको प्रभु हि।

1 कोरिन्थि 7:22

हाइपालिपानु प्रभु काइलाउ जेदोङ द्‍याङ बान्धाइति हिघाहि, एला वासेहेङ प्रभु पापको सरबुङसो स्वतन्तरो बानाइका हि। एन्साङ पातेङ प्रभु काइलाउ जेदोङ द्‍याङ स्वतन्तरो हिघाहि, उङको एला ख्रिस्टको बान्धाइति जेङका हि।

कलस्सि 3:25

जाइ गोल्ति पातेङ हिखे वासेहेङ परमेस्वर दन्ड प्यावा, हाइपालिपानु परमेस्वर झाराङहेङ ए साम्मान ब्यभाहार पाखे।

कलस्सि 4:1

गिह्रिगेलाइ, नेलाइ ताइको बान्धाइतिगेलाइहेङ ए साम्मान ब्यभार पासु, या गितेङ कि नेलाइको बुङ स्वर्गता एमि ग्रिहि हि।

याकुब 2:13

हाइपालिपानु जेदोङ द्‍याङगेलाइ आरुको क्रिपा पाका मान्थु वासेहेङ बुङ क्रिपा मापाङ। कालाउ वा क्रिपा पाखे पानु, परमेस्वर ताइको क्रिपा पाहासो वाको न्याय पाङ।

याकुब 2:8

जेसापा नेलाइ “ताइको देरागेलाइहेङ ताइमिङ भाइपा प्रेम पासु” दोअ्का पबित्तरो धर्मसास्तरको राजकिय व्यवस्थाहेङ जातिङको पुरा पालि दोनुते थिकोङ पासुखेना।

याकुब 5:4

जेदोङ खेतालागेलाइ नेलाइको मिलिङको सिसा चेका हि, नेलाइ धोकाबाजि पातेङ इम्बालाइको ज्याला मापिनाङ खेतालागेलाइ नेलाइको बिरोधता परमेस्वरहेङ पुकारा पाका हि, कालाउ इङको खेतालागेलाइको पुकारा सेनागेलाइको प्रभु परमेस्वर हिङपिका हि।