एफिसि 6:8 - Dhimal NT

⁸ हाइपालिपानु नेलाइहेङ थाहा हि, कि बान्धाइतिलाउबुङ, माकोलाउ बुङ रेम्का काम पाका झाराङहेङ प्रभु इनाम प्याङ।

एफिसि 6:8 Iomraidhean Croise

मत्‍ति 16:27

ताइ आबाको महिमा दोफाङ का द्‍याङको चान ताइ स्वर्गदुतगेलाइ दोफा ल्वाङ। एन्सालाउ द्‍याङको चान गोताङ द्‍याङगेलाइहेङ ताइको काम आन्सारको इनामगेलाइ प्यावा।

मत्‍ति 20:7

कालाउ खेतालागेलाइ वासेहेङ दोअ्हि, केलाइहेङ हासु बुङ ज्यालाता काम लागाइका मान्थु। कालाउ वा इम्बालाइहेङ दोअ्हि, “एन्सा पानु नेलाइ बुङ काङको आङगुरको बारिता काम पालि हानेसु कुनु।

मत्‍ति 5:12

एन्सालाउ नेलाइ लेङचासु कालाउ आनान्द जेङसु, हाइपालिपानु नेलाइको भाअ्सिङ स्वर्गता बारका इनाम ताअ्का हि। हेन्जाङ सोमोइ लाम्फाको परमेस्वरको बक्तागेलाइहेङ द्‍याङगेलाइ एन्साङ दोङ साताइका हिघाखे।

मत्‍ति 6:1

चङख जेङतेङ हिसु! नेलाइ द्‍याङगेलाइहेङ तिङपालिको भाअ्सिङ ताइको रेम्का काम मापासु, माकुनुते नेलाइको स्वर्गिय परमेस्वर आबासो हिदोइ बुङ इनाम मानिङस्वाना।

मत्‍ति 6:4

नाङको पिका दान मातिङकाता ह्याको, कालाउ नाङको स्वर्गिय आबा जाइ मातिङकाता बुङ तिङलि दोअ्खे, कालाउ नासेहेङ इनाम प्यावा।

लुका 14:14

कालाउ न्हुसो नाअ् धन्यको जेनाना, हाइपालिपानु खिल्का तिरिलि इम्बालाइ दोफा हाइ दोङ मान्थुवावा। जेलाउ धर्मि द्‍याङ स्यावा कालाउ सिकासो सिन्हुतावा, एन्सालाउ परमेस्वर वासेहेङ इनाम प्यावा।

लुका 6:35

कालाउ ताइको सतुरुगेलाइहेङ प्रेम पासु। इम्बालाइहेङ रेम्फा पासु, कालाउ रिन ह्रेकालाइहेङ धुरिपाङका दोअ्तेङ आस मापासिङ रिन पि। एन्सा पाहे पानु नेलाइ बार्का इनाम निङस्वाना कालाउ सर्बोच्च परमेस्वरको सान्तानगेलाइ जेङस्वाना, हाइपालिपानु परमेस्वर बैगुनि कालाउ दुस्ट द्‍याङगेलाइहेङ दाया पाखे।

1 कोरिन्थि 12:13

हाइपालिपानु एनोङ दोङ पबित्तरो आत्मासो केलाइ झाराङ एनोङ दोङ जिउता बप्तिस्ता निङका हिनाहि। चाहे इङको यहुदि ह्याको, चाहे गैर-यहुदि, चाहे बान्धाइति, चाहे बान्धाइति माको, केलाइ झाराङ एनोङ दोङ पबित्तरो आत्मा निङका हिन्हाहि।

2 कोरिन्थि 5:10

हाइपालिपानु केलाइ झाराङ ख्रिस्टको न्याय-आसनको आगाता जाअ्लि गोयाङ, एसापा केलाइ जिउता हिलाउ ताइमि पाका रेम्का-मारेम्का काम आन्सारको प्रतिफल निनाङ।

गलाति 3:28

ओदोङ भाअ्सिङ एला येसु ख्रिस्टता यहुदि कालाउ गैर-यहुदि, बान्धाइति कालाउ लाअ्न्हाका द्‍याङको माझाता हिदोइ बुङ फरक मान्थु। कालाउ वाबाल कालाउ बेबालता बुङ हिदोइ बुङ फरक मान्थु। हाइपालिपानु येसु ख्रिस्टता केलाइ झाराङ ए-सामान हिनाहि।

कलस्सि 3:11

ओदोङ भाअ्सिङ ग्रिक कालाउ यहुदिगेलाइको माझाता हिदोइ बुङ फरक मान्थु। खाताना कालाउ खाताना मापाका, एमि बिदेसि माकुनु आसभ्य द्‍याङ, बान्धाइति कालाउ बान्धाइति माजेङका कालाउ ख्रिस्ट दोङ महत्व पुर्न हि कालाउ वा नेलाइ झाराङता हिखे।

कलस्सि 3:24

या गितेङ कि, प्रभु ख्रिस्ट नेलाइहेङ इनाम प्याङ, इङको चाहि वा गोताङ द्‍याङको भाअ्सिङ तियार पापिका हि, जेदोङ चाहि नेलाइ उत्तराधिकारको रुपता निङस्वाना। हाइपालिपानु नेलाइ येसु ख्रिस्टको सेवा पातेङ हिसुना।

कलस्सि 3:25

जाइ गोल्ति पातेङ हिखे वासेहेङ परमेस्वर दन्ड प्यावा, हाइपालिपानु परमेस्वर झाराङहेङ ए साम्मान ब्यभाहार पाखे।

हिब्रु 10:35

ओदोङ भाअ्सिङ नेलाइको खाङधुरिहेङ मालाअ्सु, कालाउकि नेलाइ परमेस्वरसो बार्का इनाम निङलि दोसु।

हिब्रु 11:26

मोसा मिस्रो सारभिको धन सम्पति खान्तेङ ख्रिस्टको भाअ्सिङ खाङलि माकिका जेङलि वा झन बार्का सम्पति थानिहि। हाइपालिपानु वा ताइको इनाम निङका दामा खाङतेङ हिघाहि।