एफिसि 6:6 - Dhimal NT

⁶ नेलाइको ग्रिहिहेङ खुसि बानाइलिको भाअ्सिङ माकुनु इम्बालाइ तिङका बेला खिनिङ आग्या माकेम्सु, भरु ख्रिस्टको दास भाइपा परमेस्वर जेदोङ चाहिखे इङकोङ काम ताइको पुरा ह्रदयहोइ पासु।

एफिसि 6:6 Iomraidhean Croise

मत्‍ति 12:50

हाइपालिपानु जाइ स्वर्गता हिका काङको परमेस्वर आबाको मन भाइपा पाखे, वा दोङ काङको ओनेगेलाइ, कालाउ काङको बेजान ओनेगेलाइ, कालाउ काङको आमाइ।

मत्‍ति 7:21

कासेहेङ प्रभु-प्रभु, दोअ्का गोताङ द्‍याङ परमेस्वरको सासनता दुल्लि मानिनाङ। कालाउ जाइ दोङ स्वर्गता हिका काङको परमेस्वर आबाको इच्छा पाखे। इम्बालाइ दोङ इन्ता दुल्लि निनावा।

मर्कुस 3:35

हाइपालिपानु जाइ परमेस्वरको मन भाइपाङ पाखे, वा दोङ काङको बेजान ओनेगेलाइ, कालाउ वाजान ओनेगेलाइ कालाउ काङको आमाइ।”

रोमि 6:17

नेलाइ लाम्फा पापको बान्धाइति हिघासुखेना, कालाउ एला नेलाइ निङका सिक्स्या किलि केम्का जेङका हिसुना। कालाउ का वाको भाअ्सिङ परमेस्वरहेङ ह्रदयसोङ धन्यबाद पिखा।

1 कोरिन्थि 7:22

हाइपालिपानु प्रभु काइलाउ जेदोङ द्‍याङ बान्धाइति हिघाहि, एला वासेहेङ प्रभु पापको सरबुङसो स्वतन्तरो बानाइका हि। एन्साङ पातेङ प्रभु काइलाउ जेदोङ द्‍याङ स्वतन्तरो हिघाहि, उङको एला ख्रिस्टको बान्धाइति जेङका हि।

गलाति 1:10

आबस्य बुङ का द्‍याङगेलाइहेङ खुसि पालि माभोखा, भरु का परमेस्वरहेङ खिनिङ खुसि पालि भोखा। जेसापा आझाइ बुङ द्‍याङगेलाइहेङ खुसि पालि कोसिस पाकानु का येसु ख्रिस्टको सेवक माजेङधाङघा।

एफिसि 5:17

ओदोङ भाअ्सिङ मुर्ख माजेङसु, भरु बुद्दिमानि जेङसु कालाउ प्रभु नेलाइसो हाइ भोअ्खे इङको बुझिलि कोसिस पासु।

फिलिप्पि 2:12

काङको आनाउ खान्धुराइ ओनेगेलाइ, का नेलाइ दोफा हिलाउ जेलाउ बुङ आग्या केम्का हिघा सुखेना। एला का नेलाइसो दुरे हिघा, ओदोङ भाअ्सिङ का नेलाइ दोफा माहिलाउ बुङ झन हेन्जा आग्याकारि हिलि गोइस्वाना। नेलाइ झाराङ थितेङ कालाउ फिरतेङ इङको काम पालि गोइखे, जेदोङ उङको द्‍याङगेलाइको भाअ्सिङ उचित हि, जाइहेङ परमेस्वर मुक्ति पिका हि।

कलस्सि 1:9

नेलाइको बारेता इदोइ गोताङ काथागेलाइ केलाइ हिङका दिनासोङ, केलाइ नेलाइको भाअ्सिङ लागातार प्रार्थाना पातेङ हिनाहि। कालाउकि परमेस्वर नेलाइहेङ बुझिका ग्यान प्याको कालाउ नेलाइ वाको इच्छाहेङ पुरा रुपहोइ बुझिलि दोसु, वा नेलाइहेङ आत्मिक ग्यानता बुद्दिमानि बानाइयाको।

कलस्सि 4:12

नेलाइको नगरसो लोका येसु ख्रिस्टको दास इपाफ्रास बुङ ताइको आभिबादन पिगिल्का हि। वा लगनसिल जेङतेङ प्रार्थानाता परिस्रोम दोफाङ जेलाउ बुङ नेलाइहेङ फोम पातेङ हिखे। कालाउकि नेलाइ परिपक्क जेङसु कालाउ परमेस्वरको गोताङ इच्साता गोताङ रुपहोइ आग्याकारि हिनाङ निर्धक्क हिलि दोसु।

1 थेस्लोनिकि 2:4

कालाउ परमेस्वर केलाइहेङ योग्य थानितेङ सुसमाचार हिङपालि जिम्मा पिहि, ओदोङ भाअ्सिङ केलाइ द्‍याङगेलाइहेङ लेङचापालि माको, भरु केलाइको ह्रदय जाचिका परमेस्वरहेङ लेङचापालि केलाइ उपदेस पिनाखे।

1 थेस्लोनिकि 4:3

परमेस्वर चाहिखे कि नेलाइ पबित्तरो जिबन बितिपासु कालाउ जिउको मारेम्का इच्छा आन्सार पाप मापासु।

हिब्रु 10:36

एला नेलाइ धैर्य हिलि गोइस्वाना, कालाउकि नेलाइ लागातार परमेस्वरको इच्छा आन्सार काम पालि दोसु। कालाउ खिनिङ नेलाइ परमेस्वरको प्रतिग्या पाका गोताङ काथा निङस्वाना।

1पतरुस 2:15

हाइपालिपानु इदोइ परमेस्वरको इच्छा दोङ हि, कि ब्यभारहोइ परमेस्वरहेङ मानाल्का द्‍याङगेलाइ एला केलाइहेङ धाताइका आरोप लागाइलि हिम्मत मापाङ, हाइपालिपानु इदोइ झालाझालापा हि कि इम्बालाइको धाताइका आरोप सत्ये मान्थु।

1पतरुस 4:2

परिनाम स्वरुप उङको द्‍याङ इदोइ प्रिथिबिता ताइको बाकि जिबन ताइकोङ पापि मानिमुइ इच्छागेलाइ पुरा पातेङ माबान्चियाङ, कालाउ वा परमेस्वरको गोइका काथा पावा।

१ युहन्‍ना 2:17

सुमिङ कालाउ इङकोता हिका द्‍याङगेलाइहेङ गोइका गोताङ काथा मोतेङ हानावा, कालाउ परमेस्वरको आग्या केम्का द्‍याङ चाहि जेलाउको भाअ्सिङ ह्यावा।