एफिसि 6:12 - Dhimal NT

¹² हाइपालिपानु केलाइको धुम द्‍याङगेलाइको बिरोधता माको, भरु आगुवागेलाइ, सासकगेलाइ, सुमिङको कितिकितिकाको सरबुङ कालाउ स्वर्गियता हिका दुस्ट सरबुङगेलाइ दोफा हि।

एफिसि 6:12 Iomraidhean Croise

कलस्सि 1:13

खान्धुराइ ओनेगेलाइ, नेलाइ रेम्का काम पालि मामाइसु। हाइपालिपानु वा केलाइहेङ साइतानको सरबुङसो लाअ्पाका हि, कालाउ ताइको मायारु चानको सासनता चुमाका हि।

2 कोरिन्थि 4:4

कालाउ इदोइ सुमिङको दिर साइतान उङको खाङधुरि मापाकालाइको बिद्दिहेङ कान्हाँ बानाइ पिका हि, ओदोङ भाअ्सिङ इम्बालाइ ख्रिस्टको बारेता सुसमाचार कालाउ वाको महिमाको बारेता बुझिलि मादोखे, हाइपालिपानु ख्रिस्ट परमेस्वरको स्वरुप हि।

एफिसि 2:2

लाम्फा नेलाइ इदोइ सुमिङको द्‍याङगेलाइ कोनिङ हिगिल्घासुखेना कालाउ नेलाइ सुमिङको सासक साइतानहेङ मानिघासुखेना। कालाउ साइतान एला बुङ परमेस्वरको आग्या माकिलाइको माझाता काम पाखे।

कलस्सि 2:15

एसापा वा दुस्ट सरबुङ कालाउ खाबारागेलाइ भोइतेङ इङको गोताङ ह्रुता क्रुसता बिजोइ जेङहि। कालाउ सार्बाजानिक रुपता इङको गोताङ सरबुङ कालाउ खाबारागेलाइहेङ लेदेर पाहि।

साल्न्हाका चात्या 26:18

कि नाअ् द्‍याङगेलाइहेङ सत्ये तिङपाना, कालाउकि इम्बालाइ कितिकितिकासो फाइसालामकाता कालाउ साइतानको सरबुङसो परमेस्वर भारि घुरियाको। कालाउ परमेस्वर इम्बालाइको पापगेलाइ स्यामा पापियाङ कालाउ इम्बालाइ कासेहेङ खाङधुरि पानाङ पबित्तरो हिकालाइको थामे इम्बालाइ बुङ निनावा।

एफिसि 1:21

इन्ता ख्रिस्ट गोताङ सासकगेलाइ, आधिकारिगेलाइ, सरबुङगेलाइ, कालाउ राजागेलाइ खान्तेङ ह्रुता, कालाउ इदोइ युगको खिनिङ माको, कालाउ लोका युगता बुङ गोताङ उपादिगेलाइ खान्तेङ झाउका हि।

रोमि 8:38

हाइपालिपानु का या पाक्का गिखा, हिदोइ बुङ काथाहोइ केलाइहेङ येसु ख्रिस्टको प्रेमसो खेङलि माद्वावा। ना ते सिकाहोइ, ना ते जिबनहोइ, ना ते स्वर्गदुतगेलाइहोइ माकुनु प्राधानताहोइ, ना ते सुमिङको सरबुङहोइ, ना ते बर्तमानको काथागेलाइहोइ, ना ते न्हुसो लोका काथागेलाइहोइ,

एफिसि 3:10

परमेस्वरको उदेस्य चाहि मन्डलिसो स्वर्गको गोताङ सासकगेलाइ कालाउ सरबुङगेलाइ एला परमेस्वरको ग्यानहेङ गिलि द्वाको जेदोङ चाहि नुगामारि हि।

एफिसि 1:3

केलाइको प्रभु येसु ख्रिस्टको आबा परमेस्वरहेङ बाखानाइ ज्याको। हाइपालिपानु केलाइको ख्रिस्ट दोफाको सम्बन्धको कारन, वा केलाइहेङ स्वर्गसो लोका आसिस पितेङ गोताङ खाल्होइ आत्मिक रुपता आसिस पिका हि।

1 कोरिन्थि 15:50

खान्धुराइ ओनेगेलाइ, का नेलाइहेङ या दोअ्खा कि, केलाइको हिति कालाउ बिहाहोइ बनिका जिउ परमेस्वरको सासन स्वर्गता हिलि मानिनावा, केलाइको सितेङ हानिका जिउ दोफा परमेस्वरको सासनता हानिलि मादाङ, हाइपालिपानु इन्ता सिका मान्थुखे।

1पतरुस 3:22

कालाउ वा स्वर्गता हानिका हि। वा एला परमेस्वरको दाम्पाहा खुर भारि झाराङ खान्तेङ महत्वय पुर्न थामेता हि, कालाउ वा स्वर्गदुतगेलाइ कालाउ गोताङ आधिकारिगेलाइ कालाउ सरबुङगेलाइ ह्रुता सासन चालाइखे।

हिब्रु 12:1

केलाइको कोरपाहाङ इदोइ द्‍याङगेलाइको खाङधुरिको साक्सि नुगामारि हि, ओदोङ भाअ्सिङ लोसु, केलाइको दामाता आइ परिका बाधागेलाइ कालाउ केलाइहेङ रिम्तेङ ताअ्का पापगेलाइहेङ केलाइ पान्छाइने कालाउ केलाइको आगाता हिका धाअ्का काम धैर्य सोङ ह्रुम्तेङ धाअ्ताइने।

युहन्‍ना 14:30

कालाउ का नेलाइ दोफा काथा पालि हेन्जा सोमोइ मान्थु, हाइपालिपानु इदोइ सुमिङको सासक साइतान लोदोङखे कालाउ वाको का ह्रुता हाइ दोङ खाबारा मान्थु।

युहन्‍ना 12:31

एला इदोइ सुमिङको द्‍याङगेलाइहेङ परमेस्वरको न्याय पाका सोमोइ लोका हि। कालाउ येसु साइतानको सरबुङहेङ नासा पाका सोमोइ बुङ लोका हि, जाइ इदोइ सुमिङको सासक हि।

युहन्‍ना 16:11

कालाउ पबित्तरो आत्मा इम्बालाइहेङ न्याय तिङपा प्याङ, हाइपालिपानु परमेस्वर लाम्फा दोङ इदोइ सुमिङको सासक माकुनु साइतानहेङ दुसिका थोहोराइका हि।

लुका 22:53

का लिपाङ नेलाइ दोफाङ योम्तेङ मुन्दिरता धिर्पालाउ हाइ पालि मारिम्सुना कालाउ एला नेलाइको बेला हि, कालाउ दाकिलकिलकाको सासन चालाइका सोमोइ इदोइ दोङ।

लुका 13:24

चेका फिनुसो परमेस्वरको सासनता दुल्लि कोसिस पासु, हाइपालिपानु का नेलाइहेङ दोअ्खा, इतासो हेन्जा द्‍याङगेलाइ दुल्लि कोसिस पाखे, कालाउ बुङ दुल्लि मादोखे।

2 तिमोथि 2:5

एन्साङ दोङ हिदोइ बुङ खेलाडि खेलता भाग ह्रुखे पानु, वा खेलको नियम आन्सार माघापा धाउ इनाम निङलि मादोखे।

मत्‍ति 16:17

येसु दोअ्हि नाअ् धन्यको हिना, ओइ योनाको चान सिमोन। हिदोइ बुङ द्‍याङ नासेहेङ इदोइ धिरपाका माको। स्वर्गता हिका काङको परमेस्वर आबा नासेहेङ तिङपा पिका हि।

हिब्रु 12:4

नेलाइ पापको बिरोधता पाका सङघर्सता, द्‍याङगेलाइ नेलाइहेङ सेअ्का आबास्था थेकापा ते सहिलि गोइका मान्थु।

मर्कुस 4:19

कालाउ सुमिङको सुरताहोइ, धनको मायारुहोइ कालाउ रेम-रेम्का आनेमानेको लोभ, इदोइ वाको जिबनता लोखे कालाउ परमेस्वरको बचनता आगा बारालि मापिखे। कालाउ इन्सिका द्‍याङ परमेस्वरको बचनता आगा बारालि मादोअ्खे।

2 कोरिन्थि 11:14

कालाउ इङको हिदोइ बुङ भारभुसाइका काथा माको, हाइपालिपानु साइतान बुङ महिमित स्वर्गदुतको भेस भाङगाइतेङ धोका पिखे।