एफिसि 5:8 - Dhimal NT

⁸ हाइपालिपानु नेलाइ कितिकितिका हिका द्‍याङगेलाइ कोनिङ हिघासुखेना, कालाउ एला नेलाइ फाइसालामकाको द्‍याङगेलाइ हिसुन्हा, हाइपालिपानु नेलाइ प्रभुको हिसुन्हा। ओदोङ भाअ्सिङ फाइसालामकाको द्‍याङगेलाइ कोनिङ जियाइसु।

एफिसि 5:8 Iomraidhean Croise

मत्‍ति 3:8

ओदोङ भाअ्सिङ पाप पालि लाअ्सु कालाउ सोबाइका काम पासु।

मत्‍ति 4:16

जाइ परमेस्वरहेङ मानाल्तेङ कितिकितिकाता हिकालाइ एनोङ बार्का फाइसालामका तिनावा। इदोइ फाइसालामका दोङ उङको द्‍याङगेलाइहेङ मुक्तिको दामा तिम्पावा, जाइ परमेस्वरहेङ मानाल्तेङ जिबन बितिपाखे, कालाउ जेलाउलाउको भाअ्सिङ सिकाको साजाइ जेनाङ।

लुका 1:79

वा दाकिलकिलकाता हिकालाइ कालाउ आनान्त कालको भाअ्सिङ सिलि तोम्कालाइहेङ फाइसालामका प्यावा। इङको फाइसालामकाहोइ केलाइहेङ परमेस्वरको सान्तिको दामाता थोअ्नावा।

लुका 16:8

इदोइ काथा थाहा निङतेङ गिह्रि उङको बेमान खारान्जियाको चतुराइको बाखिन पाहि, हाइपालिपानु वा चतुर पातेङ काम पाहि। इदोइ, सुमिङको द्‍याङगेलाइ ताइको सानाइतिगेलाइ दोफा पाका ब्यभारता धर्मि द्‍याङगेलाइ खान्तेङ हेन्जा चतुराइ हिखे।

युहन्‍ना 1:9

इङको सत्ये फाइसालामका ख्रिस्ट हि, जाइ सुमिङता झाराङ द्‍याङगेलाइहेङ फाइसालामका पिलि लोदोङखे।

युहन्‍ना 12:35

येसु ओबालाइहेङ दोअ्हि, आले बेर थेकापा फाइसालामका नेलाइको माझाता ह्यावा। फाइसालामका हिपा थेकापा हिगिल्सु, कालाउकि कितिकितिकाहोइ नेलाइहेङ माठुमाको। आधिमि कितिकितिकाता हिगिल्खे पानु, वा ताइमिङ हिसो हानिखा दोअ्तेङ थाहा मागिखे।

युहन्‍ना 12:36

जेलाउ थेकापा फाइसालामका नेलाइ दोफा हि फाइसालामकाहेङ खाङधुरि पासु, कालाउ नेलाइ फाइसालामकाको सान्तान जेङसु। या काथा दोअ्लि दोअ्तेङ न्हुसो, येसु इन्तासो हानिहि, कालाउ इम्बालाइसो म्होतेङ हि।

युहन्‍ना 12:46

का सुमिङको फाइसालामका भाइतेङ लोका हिघा, कालाउकि कासेहेङ खाङधुरि पाकालाइ हासु बुङ कितिकितिकाता माह्याको।

युहन्‍ना 8:12

येसु आरोङ इम्बालाइहेङ दोअ्हि, “का सुमिङको फाइसालामका हिघा। कासेहेङ पिताइकालाइ कितिकितिकाता माहिगिल्लाङ, कालाउ वाको इङको फाइसालामका निनाङ जाइ दोङ आनान्त जिबनको पिखे।”

साल्न्हाका चात्या 17:30

ओदोङ भाअ्सिङ लाम्फा द्‍याङगेलाइ मागिसिङ पाका कामहेङ परमेस्वर वास्ता मापापिहि। कालाउ एला परमेस्वर गोताङ थामेता हिका झाराङ द्‍याङगेलाइहेङ पाप पालि लाअ्लि आग्या पिका हि।

साल्न्हाका चात्या 26:18

कि नाअ् द्‍याङगेलाइहेङ सत्ये तिङपाना, कालाउकि इम्बालाइ कितिकितिकासो फाइसालामकाता कालाउ साइतानको सरबुङसो परमेस्वर भारि घुरियाको। कालाउ परमेस्वर इम्बालाइको पापगेलाइ स्यामा पापियाङ कालाउ इम्बालाइ कासेहेङ खाङधुरि पानाङ पबित्तरो हिकालाइको थामे इम्बालाइ बुङ निनावा।

रोमि 1:21

हाइपालिपानु इम्बालाइ परमेस्वरहेङ नाल्तेङ बुङ परमेस्वरहेङ पालि गोइका आदार मापाहि, ना ते इम्बालाइ वासेहेङ धन्यबाद दोङ पिहि, कालाउ इम्बालाइको मुर्ख बिचारगेलाइ गोताङ गलत जेङहि, कालाउ इम्बालाइको मनता रेम्का बिचार मालोहि।

रोमि 13:12

न्हिसिन हानिलि दोहोइ, कालाउ दिना चेम्ताङ लोका हि। ओदोङ भाअ्सिङ केलाइ कितिकितिकाको काम पालि लाअ्लि गोयाङ, कालाउ केलाइ फाइसालामकाता जुधिलि हातियारगेलाइ तोल्ह्याइने।

रोमि 2:19

कालाउ जेसापा नासेहेङ निसित हि, कि नाअ् कान्हाँ द्‍याङगेलाइहेङ परमेस्वरको दामा तिङपालि गोइखे, कालाउ नाअ् कितिकितिकाता हिका द्‍याङगेलाइको भाअ्सिङ फाइसालामका भाइका हिना,

1 कोरिन्थि 1:30

कालाउ परमेस्वर नेलाइहेङ येसु ख्रिस्ट दोफा ए-बानाइका हि। कालाउ येसु ख्रिस्ट पाहासोङ केलाइहेङ ताइको बुद्दि पिका हि। कालाउ परमेस्वर दोङ केलाइहेङ वाको नजरता धर्मि बानाइका हि। कालाउ ख्रिस्ट पाहासो दोङ केलाइहेङ पबित्तरो बानाइका हि, कालाउ वा दोङ केलाइहेङ पापसो लाअ्पाका हि।

2 कोरिन्थि 3:18

केलाइ झाराङ आइना कोनिङ नोसोइ मान्थुका ह्राइगेलाइता प्रभुको महिमा तिङपान्हाखे, कालाउ केलाइ वाको भाइपाङ परिबरतन जेङन्हाखे कालाउ केलाइको महिमा झन-झन हेन्जा बाढेका महिमाता वा भाइपाङ बानाइदोङखे, इदोइ प्रभुको काम दोङ, जेदोङ पबित्तरो आत्मा हि।

2 कोरिन्थि 4:6

हाइपालिपानु परमेस्वर दोअ्हि, “कितिकितिकासो फाइसालामका चिल्काताको।” कालाउ ओदोङ परमेस्वर केलाइको ह्रदयता फाइसालामकाता भाइका केलाइहेङ फोम पाहि, कालाउकि केलाइ परमेस्वरको महिमाहोइ येसु ख्रिस्टता देखाल जेङका तिङलि द्वाको।

2 कोरिन्थि 6:14

खाङधुरि मापाकालाइ दोफा माझ्वाइनासु, हाइपालिपानु धर्मि कालाउ आधर्मिको माझाता हाइ दोङ सोरोकार मान्थुखे, एन्साङ दोङ कितिकितिका कालाउ फाइसालामकाको हाइ दोङ सोरोकार मान्थुखे।

गलाति 5:25

जेसापा पबित्तरो आत्मा पाहासो केलाइ नावा जिबन निङका हिनाहि पानु, वाकोङ दोअ्का आन्सार जियाइलि गोइखे।

एफिसि 2:2

लाम्फा नेलाइ इदोइ सुमिङको द्‍याङगेलाइ कोनिङ हिगिल्घासुखेना कालाउ नेलाइ सुमिङको सासक साइतानहेङ मानिघासुखेना। कालाउ साइतान एला बुङ परमेस्वरको आग्या माकिलाइको माझाता काम पाखे।

एफिसि 4:18

हाइपालिपानु इम्बालाइ बुझिलि मादोअ्खे, कालाउ इम्बालाइको जिद्दि कालाउ आग्यानताको कारन परमेस्वरको पिका नावा जिबन इम्बालाइता मान्थु।

एफिसि 5:2

बोगेलाइको भाअ्सिङ प्रेममय जिबन बितिपासु, जेसाङ ख्रिस्ट बुङ केलाइहेङ प्रेम पाहि, कालाउ वा केलाइको पापको भाअ्सिङ ताइमिहेङ भोगको रुपता चढाइका हि। कालाउ परमेस्वर खुसि जेङहि, हाइपालिपानु बलिदान वाको भाअ्सिङ ताअ्का मालामालाका बासाना भाइका हिघाहि।

एफिसि 6:12

हाइपालिपानु केलाइको धुम द्‍याङगेलाइको बिरोधता माको, भरु आगुवागेलाइ, सासकगेलाइ, सुमिङको कितिकितिकाको सरबुङ कालाउ स्वर्गियता हिका दुस्ट सरबुङगेलाइ दोफा हि।

कलस्सि 1:12

नाअ् आबा परमेस्वरहेङ धन्यबाद पि, जाइ नासेहेङ परमेस्वरको जनगेलाइहेङ निङका काथा नेलाइहेङ बुङ निङलि योग्य बानाइका हि, जाइ चाहि परमेस्वर स्वर्गता तियार पाका हि।

कलस्सि 1:13

खान्धुराइ ओनेगेलाइ, नेलाइ रेम्का काम पालि मामाइसु। हाइपालिपानु वा केलाइहेङ साइतानको सरबुङसो लाअ्पाका हि, कालाउ ताइको मायारु चानको सासनता चुमाका हि।

तितस 3:3

हाइपालिपानु केलाइ खान्धुराइ जेङलि खाङतेङ लाम्फा केलाइ मुर्ख, परमेस्वरको आग्या माकिका कालाउ द्‍याङगेलाइ केलाइहेङ धोका पिघाहि। कालाउ केलाइ गोताङ मारेम्का इच्छा कालाउ मारेम्का कामगेलाइको काबुता हिघान्हाहि, कालाउ केलाइ बो गेलाइहेङ डाहा, मन्दा माताघान्हाहि कालाउ एमिसो-भेनेङहेङ हेला पाघान्हाखे।

१ युहन्‍ना 1:7

कालाउ जेसाङ परमेस्वर ताइको पबित्तरोता आन्सार जेलाउ बुङ आसाल काम पाखे। एन्साङ जेलाउ केलाइ परमेस्वरको फाइसालामकाहोइ तिङपाका आसल काम पाखे कालाउ केलाइको सङगति एमिसो-भेनेङ दोफा हिखे, कालाउ वाको चान येसुको हितिहोइ केलाइ झाराङहेङ पापसो सुद्द पाखे।