Biblia Todo Logo
Bìoball air-loidhne

- Sanasan -




एफिसि 5:6 - Dhimal NT

6 हासु बुङ नेलाइहेङ इन्सिका पाप पालाउ परमेस्वर दन्ड माप्याङ दोअ्तेङ धोका माप्याको। हाइपालिपानु इन्सिका पापको कारनहोइ दोङ आत्तेरिगेलाइ ह्रुता परमेस्वरको क्रोड परिखे।

Faic an caibideil Dèan lethbhreac




एफिसि 5:6
28 Iomraidhean Croise  

हाइपालिपानु धाताइका ख्रिस्टगेलाइ कालाउ धाताइका बक्तागेलाइ ल्वावा, बारका चिन्हागेलाइ कालाउ भारभुसाइका कामगेलाइ परमेस्वरको साल्का द्‍याङगेलाइहेङ धोका पिलिको भाअ्सिङ पावा।


येसु इम्बालाइहेङ जोबाफ पिहि, “चङख हिसु! हासु बुङ नेलाइहेङ धाताइलि मानिनाको।” हेन्जा द्‍याङगेलाइ काङको मिङ पातेङ ल्वावा। इम्बालाइ द्वावा, “का ख्रिस्ट दोङ” हिघा।


हाइपालिपानु धातुवा ख्रिस्टगेलाइ कालाउ धातुवा बक्तागेलाइ ल्वावा, चिन्हागेलाइ कालाउ भारभुसाइका कामगेलाइ परमेस्वरको छाल्का द्‍याङगेलाइहेङ धोका पिलिको भाअ्सिङ पावा।


येसु इम्बालाइहेङ दोअ्हि, “चङख हिसु! हासु बुङ नेलाइहेङ धाताइलि मानिनाको।”


परमेस्वरको चेर स्वर्गसो उङको द्‍याङगेलाइता देखाल जेङका हि जाइ वाको बिरोधता दुस्ट कालाउ मारेम्का कामगेलाइ पाका हि। इम्बालाइ ताइको दुस्ट काम पाहासो द्‍याङगेलाइहेङ परमेस्वरको बारेता सत्ये गिलि रोकिका हि।


ख्रिस्ट जिउको पुरिङ हि। वाकोसोङ दोङ जिउको गोताङ आङगगेलाइ तेअ्खे कालाउ गोताङ आङगगेलाइको स्याहार जेङखे। ओदोङ भाअ्सिङ इदोङ परमेस्वरको इच्छा आन्सार बाढेखे। ताइमिहेङ आपामान पातेङ कालाउ स्वर्गदुतगेलाइको आराधाना पातेङ हासुहेङ बुङ आयोग्य बानाइलि जोर मापिसु। इसिका द्‍याङगेलाइ दर्सन तिङखे कालाउ द्‍याङको बिचार आन्सार इङको दर्सन पाहासो ओबालाइता घमन्ड लोखे। कालाउ ओबालाइ ख्रिस्टहेङ लाअ्का हि।


का नेलाइहेङ इदोइ काथागेलाइ दोअ्दोङखा, कालाउकि हासु बुङ नेलाइहेङ धाताइका काथागेलाइ दोअ्तेङ धोका माप्याको।


नेलाइ चङको जेङतेङ हिसु, माकुनुते द्‍याङगेलाइको ब्यर्थको ग्यान कालाउ बिबेकहोइ नेलाइहेङ माधाताइयाको, इन्सिका बिचारगेलाइ द्‍याङको मुन्धुम कालाउ सुमिङको सिद्धान्‍तगेलाइसो लोखे कालाउ ख्रिस्टसो माको।


हाइपालिपानु इसिका मारेम्का कामगेलाइ पाका द्‍याङगेलाइहेङ, परमेस्वर थाङका दन्ड प्याङ।


हासु बुङ नेलाइहेङ प्रभु येसु लोका बिसोइता माझुकिपाको। हाइपालिपानु जेलाउ थेकापा प्रभु येसु माल्वाङ एन्सालाउ इसिका सोमोइ ल्वाङ जेलाउ हेन्जाङ द्‍याङगेलाइ परमेस्वरको बिरोधता हानावा। कालाउ इङको दुस्ट द्‍याङ तिनाङ जाइहेङ परमेस्वर नरकता मानासापा धाउ इङको दिना माल्वाङ।


नेलाइहेङ थाहा माजेङका आचाम्माको सिक्स्याको मारेम्का दामाता मालागिसु, कालाउ चाका-आम्का आमेनेको बारेता नियमगेलाइ मानितेङ माको, भरु परमेस्वरको आनुग्रहता नेलाइको ह्रदय बल्लियाका ह्याको। हाइपालिपानु इन्सिका मुन्धुम पालि केम्कालाइको उपकार जेङका मान्थु।


इदोइ पाहासोङ केलाइ थाहा निङका हिनाहि कि, जाइ खाङधुरि पालि इन्कार पाका कारन इम्बालाइ माइसा चाका थामेता दुल्लि मानिङहि।


कालाउ आरोङ धर्मसास्तरता लेखेका हि, इदोइ उन्ठुइ द्‍याङगेलाइहेङ भोनोइता थुन्हा पावा, इदोइ एनोङ उन्ठुइ हि, “जाइ नेलाइहेङ थुन्हा पावा।” इम्बालाइ एन्सा थुन्हावा, हाइपालिपानु इम्बालाइ परमेस्वरको बचन केम्लिसो इन्कार पाखे। इदोइ दोङ परमेस्वर इम्बालाइको भाअ्सिङ परमेस्वरको योजाना पाका हि।


आनाउ खान्धुराइ ओनेगेलाइ, ताइमि दोफा पबित्तरो आत्मा हि दोअ्का झाराङहेङ खाङधुरि मापासु। कालाउ आत्मागेलाइ परमेस्वरसो लोका हि, कि माको दोअ्तेङ वाको जाच पासु, हाइपालिपानु हेन्जा धाताइका आगमबक्तागेलाइ इदोङ सुमिङता हि।


Lean sinn:

Sanasan


Sanasan