एफिसि 5:4 - Dhimal NT

⁴ कालाउ नेलाइको माझाता हिदोइ बुङ आस्लिल काथागेलाइ, मुर्ख काथागेलाइ कालाउ लेदेर लुका काथाको मज्जाबुङ मापासु, हाइपालिपानु इसिका काथा नेलाइहेङ मासोबाइखे, भरु नेलाइ परमेस्वरहेङ धन्यबाद पिलि गोइखे।

एफिसि 5:4 Iomraidhean Croise

मर्कुस 7:22

दिका, दुस्ट, धाताइका, भानाइदारि, बोमिहेङ मि तुपाका, खाङलि माकिका, मन्दा माताका काथा दोअ्गिल्का, घमन्ड कालाउ मुर्खता काम पाका।

युहन्‍ना 6:23

कालाउ तेबेरियासो आरोङ नाउगेलाइ इङको थामेको भेरपा लोहि, जेता प्रभु धन्यबाद पितेङ कालाउ न्हुसो, इम्बालाइ तोले चाका हिघाहि।

रोमि 1:28

कालाउ एसापा इम्बालाइ परमेस्वरको ग्यानहेङ आसुइकार पाहि, ओदोङ भाअ्सिङ परमेस्वर इम्बालाइहेङ मारेम्का पाको दोअ्तेङ इम्बालाइकोङ कुबिचारता लाअ्पिहि।

2 कोरिन्थि 1:11

कालाउ नेलाइ बुङ मिलितेङ प्रार्थाना पाहासो केलाइहेङ साघाइ दोङ सुखेना एसापा प्रार्थाना पालाउ केलाइको भाअ्सिङ चढाइका हेन्जाङ द्‍याङगेलाइको प्रार्थानागेलाइको उत्तरता केलाइहेङ प्राप्ता जेङका आनुग्रहको भाअ्सिङ परमेस्वरहेङ केलाइको भाअ्सिङ धन्यबाद चढाइन्हाखे।

2 कोरिन्थि 9:15

लोसु हासु बुङ पुरा रुपहोइ ब्याख्या पालि मादोका वाको बरदानको भाअ्सिङ परमेस्वरहेङ धन्यबाद प्याइने।

एफिसि 1:16

का जेलाउ बुङ नेलाइको भाअ्सिङ परमेस्वरहेङ धन्यबाद पितेङ ह्याङका, कालाउ काङको प्रार्थानाता का नेलाइहेङ फोम पातेङ हिखा।

एफिसि 4:29

नेलाइको नुइसो मारेम्का काथागेलाइ माओल्लेयाको, भरु द्‍याङगेलाइको सुधारको भाअ्सिङ भलाइको काथा पासु, कालाउकि हिङकालाइको आत्मिक फाइदा जेनाको।

फिलिप्पि 4:6

हिदोइ बुङ काथाको फिकिरि मापासु, भरु गोताङ परिस्थितिता प्रार्थाना कालाउ निबेदनसो धन्यबाद दोफाङ नेलाइको बिन्ति परमेस्वरता प्रस्तुत पासु।

कलस्सि 3:8

कालाउ नेलाइ एला इसिका काथागेलाइ मापासु जेसाङ: चेरचुङ, राङका, मि तुपाका, मन्दा माताका कालाउ ताइको नुइसो मारेम्का सब्दगेलाइ माधुइसु।

1 थेस्लोनिकि 3:9

कालाउ नेलाइकोङ कारनसो केलाइ केलाइको परमेस्वरको आगाता लेङचाका हिनाहि, कालाउ याको भाअ्सिङ केलाइ परमेस्वरहेङ जेथे धन्यबाद पिलाउ बुङ आतुइसा जेङखे।

1 थेस्लोनिकि 5:18

गोताङ आबास्थाता परमेस्वरहेङ धन्यबाद पिसु। हाइपालिपानु ख्रिस्ट येसुता नेलाइ पालि गोइका परमेस्वरको इच्छा इदोइ दोङ हि।

फिलेमोन 1:8

का नासेहेङ हाइ दोङ काम पालि दोअ्खा कालाउ नाअ् इङको काम पालि गोयाना। का नासेहेङ इदोइ आग्या पिलिको भाअ्सिङ ख्रिस्ट दोङ कासेहेङ पिका खाबारा प्रयोग पालि द्वाङका, कालाउ का ते मापाङका। वाको सात्ताता का या पालि दोअ्दोङखा हाइपालिपानु केलाइ एमिसो-भेनेङहेङ कालाउ परमेस्वरको द्‍याङगेलाइहेङ प्रेम पानाखे। का पावल एला नासेहेङ एमि वाराङ द्‍याङ दोङ दोअ्का भाइपा हिअ्खा, जाइहेङ द्‍याङगेलाइ झ्यालखानाता ह्वाका हि, हाइपालिपानु का येसु ख्रिस्टको सेवा पाखा।

हिब्रु 13:15

ओदोङ भाअ्सिङ परमेस्वरकोता येसु पाहासो लोसु, कालाउ केलाइ लागातार केलाइको परमेस्वरको मिङको महिमाको भाअ्सिङ घोसाना पाकाताङ बाखिनको भोग चढाइने। हाइपालिपानु इदोइ बाखानाइ केलाइको वाकोता खाङधुरि पालि सुइकारलि दोङ हि।

२ पत्‍रुस 2:18

इम्बालाइ उङको द्‍याङगेलाइहेङ लोभ्याइपाखे जाइ भरखङ खान्धुराइ जेङका हि कालाउ दुस्ट द्‍याङगेलाइको पाका काम पालि लाअ्का हि। इम्बालाइ इम्बालाइको पापि मानिमुइ स्वभाबहोइ खाराब कामगेलाइ पालि तोङपातेङ इम्बालाइहेङ पापको लोभता फासाइपाखे।

२ पत्‍रुस 2:7

कालाउ सदोमहेङ नासा पालि लाम्फा वा लोतहेङ जोगेपाहि, जाइ एमि धर्मि द्‍याङ हिघाहि, लोत सहर लाअ्तेङ हानिहि कालाउ परमेस्वर वासेहेङ बान्चिपाहि। लोत हेन्जा चिन्ताता हिघाहि, हाइपालिपानु सदोम सहरको द्‍याङगेलाइ हिदोइ बुङ व्यवस्था माकेम्हि कालाउ लेदेर लुका कामगेलाइ पाहि।

यहुदा 1:10

कालाउ इदोइ द्‍याङगेलाइ मागिका काथागेलाइको बिरोध, आनादारको सब्दगेलाइ प्रयोग पाखे। कालाउ माबुझिका गुपुस भाइपा ताइमि मागिका काथागेलाइ पाखे, इन्सिका काम पातेङ इम्बालाइ ताइमिहेङ हान्ति पाखे।

यहुदा 1:13

जेसाङ समुन्द्रको बल्लियाका उलाउ-उल्लाउका छाल्कागेलाइहोइ नाका चिहोइ थोसिको फिज भाइका चुमाखे, इङको द्‍याङगेलाइ लेदेर लुका कामगेलाइ पाखे। जेसाङ आधे फुरुगेलाइ दामा आवाइगिल्का हिखे कालाउ इङकोगेलाइता भर परिलि मादोखे, एन्साङ दोङ नेलाइ उङको द्‍याङगेलाइहेङ पिताइलि माएल। ओदोङ भाअ्सिङ जेलाउलाउको भाअ्सिङ कितिकितिकाता परमेस्वर इम्बालाइको भाअ्सिङ ए थामे ताअ्का हि, जेता हिदोइ बुङ थाअ्साइका मान्थुखे।