एफिसि 5:3 - Dhimal NT

³ कालाउ नेलाइ परमेस्वरको द्‍याङगेलाइ जेङनाङ नेलाइ कासिबिरि, चिचाहा, कालाउ गोताङ खाल्को मारेम्का कामगेलाइ मापासु।

एफिसि 5:3 Iomraidhean Croise

मत्‍ति 15:19

हाइपालिपानु द्‍याङको हृदयसो मारेम्का बिचार, मारा पाका, उलिगिल्का, कासिबिरि, खुगिल्का, धाताइका साक्सि, कालाउ बोमिहेङ मन्दा माताका काथागेलाइ बाहार ओल्लिखे।

लुका 12:15

आरोङ येसु इम्बालाइहेङ दोअ्हि, चङख जेङतेङ हिसु कालाउ गोताङ खालको दिका गेलाइसो ताइमिहेङ जोगाइसु। हासुहेङ बुङ गोइका सम्पति खान्तेङ हेन्जा हिलि द्वावा, कालाउ बुङ वासेहेङ सत्ये जिबन माप्यावा।

लुका 16:14

फारिसिगेलाइ इदोइ गोताङ काथा हिङतेङ येसुहेङ खुजालाइहि, हाइपालिपानु इम्बालाइ झाराङ धनहेङ प्रेम पाघाखे।

साल्न्हाका चात्या 15:20

भरु केलाइ ओबालाइहेङ इदोइ काथागेलाइ दोअ्काताङ एनोङ चिट्ठि लेखेतेङ पिगिल्लि गोयाङ: मुर्तिगेलाइहेङ चढाइका आमेने माचासु, कासिबिरिसो दुरे हिलि, निर्घा मेतेङ सेका गपुस कालाउ हिति माआम्लि।

साल्न्हाका चात्या 20:33

का हिदोइ बुङ द्‍याङको सोना, चान्दि माकुनु लोखोन धाबागेलाइ लोभ मापाघा।

रोमि 1:29

इम्बालाइ गोताङ खाल्को पाप, खाराबि, दुस्ट, दिका, इख, मारा पाका, चेरसुका, धाताइका कालाउ एमिसो-भेनेङको काथा पोअ्खे।

रोमि 16:2

का नेलाइहेङ निबेदन पाखा, कि ख्रिस्टको पबित्तरो जन कोनिङ वासेहेङ बुङ स्‍वागत पासु, जेसाङ परमेस्वरको द्‍याङगेलाइ एमिसो-भेनेङहेङ स्‍वागत पाखे। कालाउ वासेहेङ गोइका काथाता साघाइसु, हाइपालिपानु वा ताइमिङ हेन्जाहेङ कासेहेङ बुङ साघाइका हि।

रोमि 6:13

नाङको जिउको आङगगेलाइहेङ दुस्ट कामगेलाइ पालि आर्पन मापासु। भरु सिकासो जिबनता चुमाका द्‍याङगेलाइ भाइपा ताइको जिबन परमेस्वरता सुम्पिसु। कालाउ नाङको आङगगेलाइहेङ ठिक काम पालिको भाअ्सिङ परमेस्वरहेङ सुम्पिसु।

1 कोरिन्थि 10:8

केलाइ कासिबिरिता माफस्याइने, जेसाङ इम्बालाइ मध्ये हेथेते कासिबिरिता फसेहि, कालाउ एनिताङ ए कुरि सुम हाजार द्‍याङगेलाइ सिहि।

1 कोरिन्थि 5:1

नेलाइको मन्डलिको माझाता कासिबिरि पाका हि दोअ्का काथा का आधिमि द्‍याङगेलाइसो हिङका हिघा, इसिका कासिबिरि ते परमेस्वरहेङ मानाल्कालाइको माझाता बुङ माजेङखे। नेलाइ मध्ये एमि ताइकोङ आमाइको जिम्धाहेङ ताअ्का हि दोअ्का काथा हिङका हिघा।

1 कोरिन्थि 6:13

आधिमि दोअ्तावा, “चाका आनेमाने जिउको भाअ्सिङ, कालाउ जिउ चाहि चाका आनेमानेको भाअ्सिङ हि।” इङको थिकोङ हि, कालाउ परमेस्वर केलाइको जिउ कालाउ चाका आनेमाने न्हेमिहेङ नासा पाङ। केलाइको जिउ कासिबिरिको भाअ्सिङ माको, कालाउ केलाइको जिउ चाहि प्रभुको भाअ्सिङ हि, कालाउ प्रभुको सेवा पालिको भाअ्सिङ हि।

1 कोरिन्थि 6:18

कासिबिरिसो दुरे दोङ हिसु, आरु हिसिकालाउ बुङ पाप द्‍याङ पाखे, इङको जिउसो बाहार दोङ पाखे, कालाउ कासिबिरि पाका ताइकोङ जिउको बिरोधता पाप पाखे।

2 कोरिन्थि 12:21

का थिका, कि का आरोङ लोलाउ काङको परमेस्वर कासेहेङ नेलाइको आगाता थुचु पाप्यावा, कालाउ हेन्जाङ झनाको भाअ्सिङ का सोक पालि गोयाङका, जाइगेलाइ लाम्फा पाप पाका हिघाहि, कालाउ ताइमि पाका आसुद्ता, कासिबिरि, कालाउ छाडा कामसो पासताइ पाका मान्थु वाला।

एफिसि 5:12

हाइपालिपानु खाङधुरि मापाका द्‍याङगेलाइ ए-कुन्हाता पाका कामगेलाइको बिसोइता दोअ्लि बुङ लेदेरका काथा दोङ हि।

एफिसि 5:5

हाइपालिपानु नेलाइहेङ थाहा दोङ हि, कि हिदोइ बुङ कासिबिरि पाका, आसुद्द द्‍याङ, माकुनु चिचा द्‍याङ ख्रिस्ट कालाउ परमेस्वरको सासनको भागिदार माजेङखे। हाइपालिपानु चिचा पालि चाहि मुर्ति पुजिका भाइका हि, जाइ सुमिङको आनेमानेको आराधाना पाखे।

फिलिप्पि 1:27

कालाउ मुख्य काथा इदोङ हि कि नेलाइको जिबनको चाल-चलन ख्रिस्टको सुसमाचारको भाअ्सिङ योग्य जेनाको। का चाहे लोतेङ नेलाइहेङ तिनाको, चाहे लोलि मादाको, कालाउ बुङ का नेलाइको बारेता इदोइ दोङ काथा हिङलि भोखा, कि नेलाइ एनोङ दोङ उधेस्यता बल्लियाका जेङतेङ हिसुना, कालाउ ए दोफाङ मिलितेङ सुसमाचारको खाङधुरिको भाअ्सिङ परिस्रोम पासुखेना,

कलस्सि 3:5

ओदोङ भाअ्सिङ नेलाइ ताइको पुर्ना पापमय स्वभाबहेङ लाअ्सु जिसिकाङ: इदोइ गोताङ खाल्को कासिबिरि, आसुद्दता, कामुकता, आखेका इच्छा, दिलि, जेदोङ मुर्ति पुजा भाइका दोङ हि।

1 थेस्लोनिकि 4:3

परमेस्वर चाहिखे कि नेलाइ पबित्तरो जिबन बितिपासु कालाउ जिउको मारेम्का इच्छा आन्सार पाप मापासु।

1 थेस्लोनिकि 4:7

हाइपालिपानु परमेस्वर केलाइहेङ आपबित्तरो जिबन माको, भरु पबित्तरो जिबन जियाइलि काइका हि।

1तिमोथि 2:10

कालाउ रेम्का कामगेलाइ पातेङ ताइमिहेङ सोबाइका बानाइलि, जाइ परमेस्वरको भक्ति पाका बेबालाइहेङ सोबाइखे।

1तिमोथि 3:3

वाको हेन्जा गोरा चि माआम्का बानि माह्याको, कालाउ हेन्जा चेरचुङ माहिका, कालाउ वा मोनोइ कालाउ सान्त स्वभाबको, माफेसुका, कालाउ ताकाको लोभ पाका माह्याको।

1तिमोथि 6:10

हाइपालिपानु धनसम्पतिको लोभ दोङ गोताङ किसिमको मारेम्का कामको जारि दोङ हि। हेथेते द्‍याङ ताका कामाइका लोभता लागितेङ खाङधुरि पालि लाअ्का हि कालाउ हेन्जा दुख पिडाता परिका हि।

2 तिमोथि 3:2

हाइपालिपानु द्‍याङगेलाइ ताइमिहेङ खिनिङ माया पाका, धनको लोभ पाका, आहाङकारि, घमन्डि, ताइमिहेङ बार्का फोम पाका, आरु द्‍याङगेलाइहेङ निन्दा पाका, ताइको आमाइ-आबाको आग्या माकेम्का, आरुको गुन मातिङका कालाउ आपबित्तरो हिखे।

तितस 1:11

इसिका धाताइका सिक्स्या द्‍याङगेलाइहेङ धिरपालि मापि। हाइपालिपानु इम्बालाइ धिरपालि मागोइका धिरपातेङ पुराङ साअ्को जाहानको खाङधुरिहेङ नासा पापिका हि। इम्बालाइ ताका कामाइलिको भाअ्सिङ इन्सिका पाखे।

तितस 1:7

हाइपालिपानु मन्डलिको आगुवा परमेस्वरको कामको जिम्मा ह्रुका हिखे, ओदोङ भाअ्सिङ वाकोता हिदोइ बुङ दुसिका हिलि माएल। वा ताइकोङ काथाता जिद्दि पाका, धेमाङ चेर ताम्पाका, गोरा चि आमका, बल दिका कालाउ ताकाको लोभ मापाका द्‍याङ हिलि गोइखे।

तितस 2:3

एन्साङ पातेङ बेराङ बेबालाइ गोताङ काथाता परमेस्वरहेङ मन्दा ताअ्का जिबन जियाइयाको, बोमिको काथा पाका कालाउ हेन्जा गोरा-चि आम्का बानि माह्याको। कालाउ इम्बालाइ बो गेलाइहेङ रेम्का काथा पालि धिरपाको दोअ्तेङ इम्बालाइहेङ धिरपा।

हिब्रु 12:16

कालाउ हासु बुङ कासिबिरि माकुनु आब्राहामको चु एसाब भाइपा आधर्मि माजेनाको, हाइपालिपानु वा जेठा चान हिघाखे, कालाउ वासेहेङ बिसेस सम्पतिको उत्तराधिकारि जेङका खाबारा हिघाखे। कालाउ वा ताइमि जोलोम सोङ जेठाको चानको खाबाराको साम्मान मापाहि, ओदोङ भाअ्सिङ वा ताइको कान्छा ओने याकुबहेङ ए सान्जा उम चालिको भाअ्सिङ ताइको जोलोम सोङ निङका जेठा चानको खाबारा दोङ पिइहि।

1पतरुस 5:2

जेसाङ लाखुरिया ताइको भेडाहेङ सामाराइखे, नेलाइ बुङ झाराङहेङ सामाराइलि गोइस्वाना, जाइहेङ परमेस्वरको नेलाइको जिम्माता पिका हि। इङको ताइकोङ इच्छाहोइ पासु, हाइपालिपानु इङको दोङ परमेस्वर नेलाइ पाका चाहिखे। इङको कामहेङ करकापहोइ मापासु। इङको काम ताका निङलिको भाअसिङ मापासु, कालाउ परमेस्वर कालाउ द्‍याङगेलाइको सेवा पालि इच्छाहोइ या पासु।

२ पत्‍रुस 2:10

वा पाक्का दोङ उङको धातुवा सिक्स्यकगेलाइहेङ दन्ड प्याङ, जाइ ताइको दुस्ट, लेदेर लुका इच्छा आन्सार काम पाखे, कालाउ इम्बालाइ ह्रुता परमेस्वरको खाबाराता हिका इन्कार पाखे। इम्बालाइ जिद्दि कालाउ आहङकारि हिखे, इम्बालाइ स्वर्गता हिका महिमित प्रानिगेलाइको बारेता आपामान पालि माथिखे।

२ पत्‍रुस 2:14

इम्बालाइ ताइमि खाङका गोताङ बेजान दोफा कासिबिरि पालि भोखे। इम्बालाइ पाप पालि दाउ भोलि हेलाउ बुङ मालाखे। इम्बालाइ उङको द्‍याङगेलाइहेङ धोका पिखे, जाइ ख्रिस्टहेङ पुरा रुपहोइ खाङधुरि मापाखे कालाउ इम्बालाइहेङ पापता थोङखे। हाइपालिपानु इम्बालाइको हेन्जा काथागेलाइको बाढेका इच्छाको कारन, परमेस्वर इम्बालाइहेङ साजाइ प्याङ।

२ पत्‍रुस 2:3

इदोङ सिक्स्यकगेलाइ चिचाहा जेनावा, कालाउ नेलाइसो ताका निङलिको भाअ्सिङ नेलाइहेङ दन्त्य काथागेलाइ हिङपातेङ इम्बालाइ नेलाइहेङ धोका प्यावा। परमेस्वर इम्बालाइहेङ साजाइ प्याङ दोअ्तेङ हेन्जाङ लाम्फा दोङ निर्नय पालि दोका हि कालाउ वा इङको पालि तियार हि। वा निसित इम्बालाइहेङ नासा पाङ।

प्रकास 2:14

कालाउ कासेहेङ नेलाइको बारेता हाइ दोङ गुनासो हि, हाइपालिपानु धाताइका सिक्स्या पिकालाइहेङ नेलाइ बिरोध मापास्वाना जिसिका परमेस्वरको बक्ता बालाम लाम्फाको सोमोइता जेदोङ धिरपाहि। बालाम बालाक राजाहेङ धिरपाहि कि इस्राएललिको द्‍याङगेलाइहेङ हेसा लोभता फासेपातेङ पाप पापालि, वा मुर्तिगेलाइहेङ भोग पिका आमेने चालि-आम्लि कालाउ आनैतिक जिबन बितिपालि धिरपाहि।

प्रकास 2:21

का वासेहेङ ताइको पाप पालि लाअ्तेङ परमेस्वर भारि घुरिसु दोअ्तेङ आबसर पिका हिघा, कालाउ वा इङको मारेम्का कामगेलाइ पालिसो रोकिलि इन्कार पाखे।

प्रकास 21:8

कालाउ जाइ का ह्रुता खाङधुरि मापाखे, इम्बालाइ गन्धक दोफाङ ओअ्का मेको तालता हानिलि गोइयावा जेदोङ इङको वाको न्हेतेङ सिका दोङ हि। जेदोङ द्‍याङगेलाइ भेनेङ द्‍याङको आगाता कासेहेङ मासुइकारखे, दुस्ट काम पाखे, मारा पाखे, आनाइतिक कासिबिरि पाखे, जादु-तुना पाखे, मुर्तिगेलाइको पुजा पाखे कालाउ धाताइखे, इम्बालाइ झाराङ दोफा बुङ इन्सिकाङ जेनाङ।”

प्रकास 22:15

कालाउ जाइको कामगेलाइ चाहि लेदेर लुका हि, जाइ जादु-तुना पाखे, कासिबिरि पाखे, मारा पाखे, मुर्ति पुजा पाखे, कालाउ जाइ धाताइखे, एबालाइ झाराङ हेलाउ बुङ इङको सहरता दुल्लि मानिनाङ।