एफिसि 5:16 - Dhimal NT

¹⁶ बुद्दिमानि दोफा गोताङ आबसरगेलाइ आसल कामको भाअ्सिङ प्रयोग पासु, हाइपालिपानु दिनागेलाइ आखेका हि।

एफिसि 5:16 Iomraidhean Croise

मत्‍ति 25:17

ए पावा सोनाको थुरि निङका बुङ एन्साङ पातेङ आरु ए पावा सोनाको थुरि कामाइहि।

युहन्‍ना 12:35

येसु ओबालाइहेङ दोअ्हि, आले बेर थेकापा फाइसालामका नेलाइको माझाता ह्यावा। फाइसालामका हिपा थेकापा हिगिल्सु, कालाउकि कितिकितिकाहोइ नेलाइहेङ माठुमाको। आधिमि कितिकितिकाता हिगिल्खे पानु, वा ताइमिङ हिसो हानिखा दोअ्तेङ थाहा मागिखे।

रोमि 13:11

इदोइ बाहेक या बर्तमान सोमोइ हिसिका हि, इङको नेलाइहेङ थाहा दोङ हि। एला निन्धासो नाङघाका ठिक बेला लोका हि, हाइपालिपानु केलाइ लाम्फा खाङधुरि पाका खाङतेङ एला केलाइको मुक्ति झन भेरपा लोका हि।

1 कोरिन्थि 7:26

हाइपालिपानु इदोइ दिनागेलाइ खान्धुराइगेलाइ गोताङ थामेता दुख जेङतेङ हि, ओदोङ भाअ्सिङ काङको बिचारता नेलाइ बिहु मापाकालाइ बिहु मापासिङ हिलि रेम्का जेनाङ वाला।

गलाति 1:4

केलाइको परमेस्वर कालाउ आबाको इच्छा आन्सार येसु ख्रिस्ट केलाइको पापको भाअ्सिङ ताइमिहेङ बलि पिहि, कालाउकि केलाइहेङ इदोइ सुमिङको मारेम्का कामगेलाइसो लाअ्पाको।

गलाति 6:10

ओदोङ भाअ्सिङ माउका मिलिनासाङ केलाइ झाराङ द्‍याङगेलाइहेङ साघाइलि गोइखे, बिसेस पातेङ ख्रिस्टता खाङधुरि पाकालाइहेङ।

एफिसि 6:13

ओदोङ भाअ्सिङ नेलाइहेङ परमेस्वर पिका गोताङ आमेनेगेलाइ ल्होपासु कालाउकि जेलाउ खाराबको दिना ल्वाङ, कालाउ इङको गोताङ काथाको सामाना पातेङ नेलाइ बल्लियाका जेङतेङ जाअ्लि दोसु।

एफिसि 6:15

जेसाङ सिपालाइ धुमता हानिलि लाम्फा जुत्ता सुङखे, एन्साङ दोङ नेलाइ साइतान दोफा धुम पालि परमेस्वरको सान्तिको सुसमाचारता भर परिलि गोइखे।

कलस्सि 4:5

नेलाइ खान्धुराइगेलाइ दोङ हिसुना दोअ्तेङ तिङपालिको भाअ्सिङ गोताङ आबसर रेम्फा प्रयोग पासु, येसुता खाङधुरि मापाकालाइ दोफा बुद्दिमानि दोफा ब्यभाहार पासु।