एफिसि 5:1 - Dhimal NT

¹ नेलाइ परमेस्वरको आनाउ सान्तानगेलाइ दोङ हिसुना, ओदोङ भाअ्सिङ नेलाइको स्वभाव परमेस्वरको भाइपाङ ह्याको।

एफिसि 5:1 Iomraidhean Croise

मत्‍ति 5:45

एन्सा पाहे पानु नेलाइ स्वर्गता हिका आबा परमेस्वरको सान्तान जेङस्वाना, हाइपालिपानु परमेस्वर बुङ दुस्ट कालाउ आसल न्हेमि द्‍याङगेलाइ ह्रुता सान्हे ओल्ला पापिखे, धर्मि कालाउ आधर्मि न्हेमिकोङ भाअ्सिङ वाइ लोपापिखे।

मत्‍ति 5:48

ओदोङ भाअ्सिङ जेलाउ बुङ नेलाइ आसल पासु, जेसाङ स्वर्गता हिका नेलाइको आबा परमेस्वर बुङ आसल पाखे।

युहन्‍ना 1:12

कालाउ जेथे बुङ वासेहेङ सुइकार पाहि कालाउ वा ह्रुता खाङधुरि पाहि, वा दोङ इम्बालाइहेङ परमेस्वरको सान्तान जेङलि खाबारा पिहि।

एफिसि 4:32

एमिसो भेनेङहेङ दाया कालाउ क्रिपा पासु कालाउ परमेस्वर ख्रिस्ट पाहासो नेलाइहेङ माफ पिका भाइपाङ नेलाइ बुङ एमिसो-भेनेङहेङ माफ पिसु।

फिलिप्पि 2:15

कालाउकि दुस्ट कालाउ भ्रस्ट द्‍याङगेलाइ भरिका सुमिङता परमेस्वरको सुद्द जामाललाइ भाइका सुद्द कालाउ मादुसिका जिबन जियाइसु। इदोइ सुमिङता मारेम्का काम पाका द्‍याङगेलाइको माझाता नेलाइ आकासको फुरुगेलाइ भाइपाङ चिल्कालि गोइखे।

कलस्सि 3:12

ओदोङ भाअ्सिङ परमेस्वर नेलाइहेङ ताइको द्‍याङगेलाइ दोअ्तेङ साल्का हि, कालाउ वा नेलाइहेङ प्रेम पाखे। ओदोङ भाअ्सिङ नेलाइ करुना, दाया, सोझा, मोनोइ कालाउ सहिका सरबुङ धारान पासु।

१ युहन्‍ना 4:11

आनाउ, जेसापा परमेस्वर केलाइहेङ एसापा प्रेम पानु, केलाइ बुङ एमिसो-भेनेङहेङ प्रेम पालि गोइखे।