एफिसि 4:9 - Dhimal NT

⁹ जेलाउ धर्मसास्तर दोअ्खे, “वा ह्रुता हानिहि” याको माने हाइ हि? इदोइ झोको खिनिङ हि, कि वा प्रिथिबिको लिताको भाग थेकापा लेता खुहि।

एफिसि 4:9 Iomraidhean Croise

मत्‍ति 12:40

हाइपालिपानु जेसाङ योना बारका हायाको हामुङ लिता सुम दिना कालाउ सुम न्हिसिन हिघाहि, ओसाङ दोङ का द्‍याङको चान बुङ प्रिथिबि लिता सुम दिना कालाउ सुम न्हिसिन ह्याङका।

युहन्‍ना 20:17

येसु मरियमहेङ दोअ्हि, काङको खोकोइता चातेङ कासेहेङ मारोके, हाइपालिपानु का एला थेकापा ताइको आबाकोता हानिका मान्थुघा। कालाउ काङको ओनेगेलाइकोता हानितेङ दोअ्पि, काङको आबा कालाउ नेलाइको आबा, कालाउ काङको परमेस्वर कालाउ नेलाइको परमेस्वरकोता का हानिदोङखा।

युहन्‍ना 3:13

स्वर्गसो खुअ्तेङ लोका का द्‍याङको चान बाहेक आरु हासु बुङ स्वर्गता हानिका मान्थु।

युहन्‍ना 6:33

हाइपालिपानु जेदोङ तोले परमेस्वर पिखे इङको वा दोङ हि, स्वर्गसो खुतेङ लोका कालाउ सुमिङको द्‍याङगेलाइहेङ जिबन पिखे।

युहन्‍ना 6:38

ताइको इच्छा पुरा पालि का स्वर्गसो लोका माको, कालाउ कासेहेङ दिङगिल्काको इच्छा पुरा पालिको भाअ्सिङ का लोका हिघा।

युहन्‍ना 6:41

यहुदि आगुवागेलाइ येसुको बिरोधता गनगनाइलि तेङहि, हाइपालिपानु वा दोअ्हि, “स्वर्गसो लोका तोले का दोङ हिघा।”

युहन्‍ना 6:51

स्वर्गसो खुअ्तेङ लोका जिबन पिका तोले का दोङ हिघा। हासु बुङ इदोइ तोले चानु उङको जेलाउ बुङ बान्च्याङ। कालाउ जेदोङ तोले का सुमिङता जिबनको भाअ्सिङ प्याङका, उङको चाहि काङको जिउ।”

युहन्‍ना 6:58

स्वर्गसो लोका तोले इदोइ दोङ हि। या नेलाइको पुर्खागेलाइ चाअ्का तोले भाइका माको। इम्बालाइ इङको चाअ्हि कालाउ सिहि, कालाउ काङको पिका तोले चाअ्का द्‍याङ चाहि जेलाउ बुङ बान्चितेङ ह्याङ।”

युहन्‍ना 6:62

नेलाइ का द्‍याङको चानहेङ जेता का लाम्फा हिघाखा इन्ता ताङकाताङ पाका तिङन्हा पानु हाइ पाना?

युहन्‍ना 8:14

येसु उत्तारा पिहि, का ताइको बिसोइता साक्सि पिलाउ बुङ काङको साक्सि सत्ये हि। हाइपालिपानु, का हितासो लोका हिघा, कालाउ का हिसो हानाङका। कालाउ नेलाइ मागिसुखेना, का हितासो ल्वाङका, कालाउ का हिसो हानाङका।

हिब्रु 2:7

नाअ् परमेस्वर आले सोमोइको भाअ्सिङ द्‍याङगेलाइहेङ स्वर्गदुतगेलाइ खान्तेङ आतुइसा सरबुङसाइका बानाइन्हा, कालाउ नाअ् वासेहेङ राजा कोनिङ महिमा कालाउ आदार पिन्हा।

हिब्रु 2:9

कालाउ सत्ये इदोइ दोङ हि कि, आले सोमोइको भाअ्सिङ येसु ख्रिस्ट स्वर्गदुतगेलाइ खान्तेङ आतुइसा म्हुइका जेङपिहि, कालाउ परमेस्वरको आनुग्रहहोइ येसु सुमिङको गोताङ द्‍याङगेलाइको भाअ्सिङ कस्ट भोगिहि कालाउ सिहि। ओदोङ भाअ्सिङ परमेस्वर वासेहेङ महिमा कालाउ आदार पिहि।