एफिसि 4:7 - Dhimal NT

⁷ कालाउ ख्रिस्ट केलाइ झाराङहेङ वाको काम पालिको भाअ्सिङ बिसेस योग्यतागेलाइ पिका हि।

एफिसि 4:7 Iomraidhean Croise

मत्‍ति 25:15

वा इम्बालाइको खुबि आन्सार एमि चाकारियाहेङ आधा किलो सोनाको थुरि पिहि, भेनेङहेङ ए पावा सोनाको थुरि पिहि, कालाउ भेनेङ एमिहेङ आधा पावा सोनाको थुरि पिहि, कालाउ वा ताइको दामा चाहि।

युहन्‍ना 3:34

हाइपालिपानु जाइहेङ परमेस्वर दिङगिल्हि, वा दोङ परमेस्वरको काथा धुइखे, हाइपालिपानु वासेहेङ परमेस्वर पबित्तरो आत्मा भरि पुर्न पिका हि।

रोमि 12:3

परमेस्वर कासेहेङ पिका आनुग्रह पाहासो नेलाइ मध्ये झाराङहेङ का आग्राह पाखा, कि ताइमि जिसिका हिनाहि इङको खान्तेङ हेन्जा ताइमिहेङ मासम्झ्याको। कालाउ परमेस्वर झाराङहेङ पिका खाङधुरिको जोखेकाहोइ ताइमि जिसिका हि, इन्सिकाङ थानियाको।

2 कोरिन्थि 6:1

परमेस्वरहेङ साघाइका द्‍याङ हिनाङ केलाइ नेलाइहेङ सेउपानाखे, कि वाको आनुग्रह व्‍यर्थ जेङलि मापि।

एफिसि 3:2

निसित दोङ नेलाइ गिसुखेना, कि परमेस्वर कासेहेङ वाको आनुग्रहहोइ नेलाइहेङ सुसमाचार प्राचार पालि जिम्मा पिका हि।

एफिसि 3:8

परमेस्वरको जनगेलाइ मध्येसो का झाराङ खान्तेङ तुच्स हिघा, परमेस्वर ताइको आनुग्रह पाहासो गैर-यहुदिगेलाइहेङ प्राचार पालि इदोइ माउका कासेहेङ पिहि, कि ख्रिस्टसो केलाइ निङका आसिस केलाइको सोच कालाउ बुझिका खान्तेङ बार्का हि।

हिब्रु 2:4

कालाउ परमेस्वर ताइको इच्छा आन्सार इदोइ सन्देसहेङ चिन्हागेलाइ कालाउ आचाम्माको कामगेलाइ पाहासो कालाउ हेन्जाङ खाल-खाल्को सरबुङसाइका कामगेलाइ पातेङ कालाउ पबित्तरो आत्माको बरदानगेलाइ पितेङ सत्ये साबित पाहि।

1पतरुस 4:10

झाराङ द्‍याङ परमेस्वरसो बरदान निङका हि कालाउ इम्बालाइ इङको बरदान आरुगेलाइहेङ साघाइलि प्रयोग पालि गोइखे। इम्बालाइ ताइको बरदानगेलाइ परमेस्वरको रेम्का बान्धाइतिगेलाइ जेसाङ रेम्फासो प्रयोग पालि गोइखे।