एफिसि 4:4 - Dhimal NT

⁴ केलाइ झाराङ खान्धुराइगेलाइ एनोङ दोङ जिउको आङगगेलाइ भाइका हिनाहि, कालाउ केलाइ ओदोङ पबित्तरो आत्मा बुङ निङका हिनाहि, आस बुङ एनोङ दोङ हि, जाइको भाअ्सिङ परमेस्वर नेलाइहेङ ताइको द्‍याङगेलाइ जेङलि काइहि।

एफिसि 4:4 Iomraidhean Croise

मत्‍ति 28:19

ओदोङ भाअ्सिङ हानिसु, कालाउ गोताङ सारभिको द्‍याङगेलाइहेङ चात्या बानाइसु, कालाउ आबा, चान कालाउ पबित्तरो आत्माको मिङता इम्बालाइहेङ बप्तिस्ता पिसु।

साल्न्हाका चात्या 15:11

एसा पालि ठिक माको केलाइ खाङधुरि पान्हाखे, कि ओबालाइ भाइपाङ केलाइ बुङ प्रभु येसुको आनुग्रहसो मुक्ति निङका हिनाहि, मोसाको व्यवस्था आग्या केम्नाङ माको।”

रोमि 11:29

हाइपालिपानु परमेस्वर ताइमिङ पिका बरदानगेलाइ आरोङ माह्रुखे कालाउ काइलि दोकालाइहेङ हेलाउ बुङ मालाखे।

1 कोरिन्थि 10:17

हाइपालिपानु एनोङ तोलेहोइ जानाइखे कि, केलाइ हेन्जाङ हिलाउ बुङ ख्रिस्टता एनोङ दोङ जिउ हिनाहि। हाइपालिपानु केलाइ झाराङ एनोङ दोङ तोलेसो चानाखे।

1 कोरिन्थि 12:20

ओदोङ भाअ्सिङ जिउको आङगगेलाइ हेन्जा हिलाउ बुङ जिउ चाहि एनोङ दोङ हि।

2 कोरिन्थि 11:4

केलाइ येसुको बारेता दोअ्न्हाहि कालाउ नेलाइ केलाइको सन्देसहेङ ग्रहन पातेङ पबित्तरो आत्मा निङसुन्हा, कालाउ नेलाइ भेनेङ येसुको बारेता आधिमि द्‍याङगेलाइहेङ दोअ्लि पिसुन्हा। एला नेलाइ भेनेङ आत्मा माकुनु सुसमाचार ग्रहन पालि तियार हिसुना, जेदोङ चाहि केलाइको पिका सिक्स्या खान्तेङ भेनेङ हि। कालाउ गोल्तिहोइ नेलाइ इङको सुसमाचार ग्रहन पासुना।

एफिसि 1:18

का या बुङ प्रार्थाना पाखा कि, वा नेलाइको ह्रदय हेअ्प्याको, कि हिदोइ आसको भाअ्सिङ वा नेलाइहेङ काइका हि, कालाउ परमेस्वरको जनगेलाइ निङलि गोइका आसिस हेथे बारका कालाउ महिमामय हि दोअ्तेङ नेलाइ गिलि दोसु।

एफिसि 2:16

क्रुसता वाको सिका पाहासो ख्रिस्ट इङको न्हेनोङ समुहहेङ एनोङ दोङ बानाइहि कालाउ परमेस्वर दोफा मिलि पापिहि, कालाउ एसापा यहुदि कालाउ गैर-यहुदिगेलाइको माझाको सतुरुता मेतिन्हाहि।

एफिसि 2:18

हाइपालिपानु ख्रिस्टको कारनहोइ केलाइ गोताङ द्‍याङगेलाइ ओदोङ पबित्तरो आत्मासो आबाकोता हानिलि द्वाङ।

एफिसि 2:22

कालाउ नेलाइको ख्रिस्ट दोफाको सम्बन्धको कारन, नाअ् गैर-यहुदि खान्धुराइगेलाइ बुङ परमेस्वरको आरु द्‍याङगेलाइ दोफा गासिका हिसुना। कालाउकि नेलाइ इङको साअ् जेङलि दोसु, जेता परमेस्वर पबित्तरो आत्माको सरबुङ पाहासो बासा हिखे।

एफिसि 4:1

प्रभुको सेवा पानाङ का एमि कैदि जेङका हिघा, कालाउ का नेलाइहेङ बिन्ति पाखा, परमेस्वर ताइको सान्तान जेङलि काइका को योग्यता आन्सार ताइको जिबन जियाइसु।

एफिसि 5:30

हाइपालिपानु केलाइ ख्रिस्टकोङ जिउको आङगगेलाइ कोनिङ हिनाहि।

कलस्सि 1:5

नेलाइ इङको पासुखेना हाइपालिपानु नेलाइको आस स्वर्गता ताअ्का काथाता हि। जेदोङको येसु ख्रिस्टको सत्ये सन्देसको बिसोइता नेलाइ लाम्फाङ सुसमाचार हिङका हिसुना।

कलस्सि 3:15

जेदोङ सान्ति ख्रिस्ट पिका हि इङको सान्ति नेलाइको ह्रदयता ह्याको। इदोङ सान्तिता हिलिको भाअ्सिङ परमेस्वर नेलाइहेङ एनोङ दोङ जिउ कोनिङ काइहि, कालाउ याको भाअ्सिङ नेलाइ जेलाउ बुङ धन्यबादि जेङसु।

2 थेस्लोनिकि 2:16

केलाइ येसु ख्रिस्ट कालाउ आबा परमेस्वरहेङ प्रार्थाना पानाखे जाइ दोङ केलाइहेङ प्रेम पाहि, कालाउ वा ताइको आनुग्रहसो केलाइहेङ आनान्तको हाउसाइ कालाउ निसित आस पिहि।

1तिमोथि 1:1

का पावल इदोइ पात्तारा लेखेदोङखा। का केलाइको मुक्ति दाता परमेस्वर कालाउ येसु ख्रिस्ट जाइता केलाइ आस ताअ्नाखे, का वाको छाल्न्हाका चात्या हिघा।

तितस 1:2

एसापा इम्बालाइ परमेस्वर दोफा आनान्त जिबनको आस पाखे। हाइपालिपानु हेलाउ बुङ माधाताइका परमेस्वर, सुमिङ सिरजाइका खान्तेङ लाम्फा दोङ ताइको द्‍याङगेलाइहेङ आनान्त जिबन प्याङका दोअ्तेङ प्रतिग्या पाका हिघाहि।

तितस 2:13

कालाउ केलाइ आस पाका दिनाको दामा खाङतेङ हिनाखे: जेदोङ दिना येसु ख्रिस्ट, जाइ केलाइको माहान परमेस्वर मुक्ति दाता हि, वा ताइको गोताङ महिमा दोफाङ इदोइ प्रिथिबिता ल्वाङ।

तितस 3:7

परमेस्वर इसिका पाहि, कालाउकि वाको आनुग्रह पाहासो केलाइ ठिक थोहोरिलि कालाउ वाको सान्तान जेङलि द्वाको, कालाउ केलाइ आस ताअ्का आनान्त जिबन बुङ निङलि द्वाको।

1पतरुस 1:21

हाइपालिपानु ख्रिस्टको पाका कामको कारनहोइ, नेलाइ एला परमेस्वरता खाङधुरि पासुखेना। कालाउ नेलाइ ताइको खाङधुरि कालाउ आस परमेस्वरता ताअ्का हिसुना, हाइपालिपानु वा ख्रिस्टहेङ सिकासो सिन्चाल पाहि कालाउ वासेहेङ बारका महिमा पिहि।

१ युहन्‍ना 3:3

कालाउ जेसाङ ख्रिस्टता हिदोइ बुङ पाप मान्थु, हासु बुङ ख्रिस्ट भाइपाङ जेङलि भोखे वा पाप मापाको।