एफिसि 4:21 - Dhimal NT

²¹ नेलाइ येसु ख्रिस्टको बारेता जेदोङ हिङका हिसुना कालाउ इम्बालाइको सिक्स्यकगेलाइ नेलाइहेङ जेदोङ धिर्पाका हि, ख्रिस्टको बारेता हिङका इङको सत्ये सन्‍देस दोङ हि।

एफिसि 4:21 Iomraidhean Croise

मत्‍ति 17:5

जेलाउ पतरुस काथा पाकाताङ हिघाहि, एन्सालाउ दोङ ह्रिवापा एनोङ फाइसालामका बादेलहोइ इम्बालाइहेङ थुम्हि। बादेल लितासो परमेस्वर नुइ धुइलि तेङहि, “वा काङको मायारु चान, वा दोफा का लेङचाका हिघा वाको दोअ्का काथाता मन पिसु।”

लुका 10:16

जाइ नेलाइको काथा हिङखे, वा काङको काथा हिङखे, जाइ नेलाइहेङ मन्दा माताखे कालाउ उङको कासेहेङ बुङ मन्दा माताखे। जाइ कासेहेङ मामानिखे वा कासेहेङ दिङगिल्काहेङ बुङ मामानिखे।

युहन्‍ना 1:17

हाइपालिपानु व्यवस्था मोसा पाहासो पिहि, कालाउ परमेस्वर दोङ आनुग्रह कालाउ सत्ये चाहि येसु ख्रिस्टसो तिङपाहि।

युहन्‍ना 10:27

जेसापा भेडागेलाइ ताइको सत्ये लाखुरियाको गाला नाल्खे, एन्साङ पातेङ काङको द्‍याङगेलाइ काङको दोअ्का काथाता ध्यान पिखे। का इम्बालाइहेङ नाल्खा, कालाउ इम्बालाइ काङको चात्यागेलाइ जेङलि दोका हि।

युहन्‍ना 14:17

वा पबित्तरो आत्मा हि, जाइ सत्येता थोङपुखे। सुमिङको द्‍याङगेलाइ इङकोहेङ ग्रहन पालि मादोअ्खे, हाइपालिपानु सुमिङते वासेहेङ ना ते तिङखे ना ते नाल्खे। कालाउ नेलाइ पबित्तरो आत्माहेङ नाल्सुखेना, हाइपालिपानु वा नेलाइ दोफा हिखे, कालाउ वा नेलाइता हिखे।

युहन्‍ना 14:6

येसु थोमाहेङ दोअ्हि, दामा, सत्ये, कालाउ जिबन पिका का दोङ हिघा। का बाहेक हासु बुङ आबाकोता हानिलि माद्वाङ।

रोमि 10:14

कालाउ द्‍याङगेलाइ प्रभुहेङ साघाइलिको भाअ्सिङ काइलि खान्तेङ लाम्फा, इम्बालाइ प्रभुहेङ खाङधुरि पालि गोइखे, कालाउ इम्बालाइ वासेहेङ खाङधुरि पालि खान्तेङ लाम्फा, वाको बारेता हिङलि गोइखे, कालाउ द्‍याङगेलाइ प्रभुको बारेता हिङलिको भाअ्सिङ, हासु बुङ इम्बालाइहेङ येसु ख्रिस्टता हेसा खाङधुरि पालि दोअ्लि गोइखे।

2 कोरिन्थि 1:20

हाइपालिपानु परमेस्वरको गोताङ प्रतिग्यागेलाइ ख्रिस्टता पुरा जेङखे। ओदोङ भाअ्सिङ परमेस्वरको महिमाको भाअ्सिङ केलाइ ख्रिस्ट पाहासो “आमेन” दोअ्नाखे।

2 कोरिन्थि 11:10

का पाक्का हिघा कि ख्रिस्टको सत्येता काङको दोफा हि, कालाउ आखैया प्रदेसको मौजागेलाइता हासुको बुङ का ताका चुम्पुका मान्थुघा, इदोइ काङको घमन्डहेङ हासु बुङ रोकिलि माद्वाङ।

एफिसि 1:13

नेलाइ दोफा बुङ इन्सिकाङ जेङहि। नेलाइ बुङ सत्ये सन्‍देस हिङसुन्हा, जेदोङ चाहि परमेस्वर नेलाइहेङ मुक्ति पिका बारेता सुसमाचार हि। जेलाउ नेलाइ ख्रिस्टता खाङधुरि पास्वाना, परमेस्वर नेलाइहेङ काङको दोङ दोअ्तेङ तिङपालि वा प्रतिग्या पाका पबित्तरो आत्मा प्याङ।

एफिसि 2:17

ख्रिस्ट लोहि, कालाउ नाअ् गैर-यहुदिगेलाइ जाइ परमेस्वरसो दुरे हिघाहि, कालाउ यहुदिगेलाइ जाइ परमेस्वरको भेरपा हिघाहि, न्हेमिहेङ दोङ मिलिलिको भाअ्सिङ सुसमाचारको प्राचार हिङपाहि।

कलस्सि 1:5

नेलाइ इङको पासुखेना हाइपालिपानु नेलाइको आस स्वर्गता ताअ्का काथाता हि। जेदोङको येसु ख्रिस्टको सत्ये सन्देसको बिसोइता नेलाइ लाम्फाङ सुसमाचार हिङका हिसुना।

कलस्सि 1:6

इङको सुसमाचार नेलाइकोता लोका हि कालाउ गोताङ सुमिङता फाइलाइका हि कालाउ हेन्जा द्‍याङगेलाइ खान्धुराइ जेङका हि, कालाउ इम्बालाइको जिबन बद्लिका हि। जेसाङ इदोइहोइ नेलाइको जिबन बदलिहि, जेलाउ नेलाइ लाङ पोल्ति नेलाइ सन्‍देस हिङका हिघासुन्हा। कालाउ इदोइ सत्ये बुझेका हिसुन्हा, कि परमेस्वर ताइको आनुग्रह पाहासो ख्रिस्टता खाङधुरि पाकालाइको पाप स्यामा पापिखे।

कलस्सि 2:7

धन्यबाद पिकाताङ ख्रिस्टता ताइको खाङधुरिता बल्लियाका जेङतेङ हिसु, जेसाङ सिङको जारि भोनोइहेङ जोतेङ ताअ्खे। कालाउ लागातार ख्रिस्ट ह्रुता ताइको खाङधुरिहेङ बाढेपातेङ हानेसु कालाउ जेलाउ बुङ परमेस्वरहेङ धन्यबाद पिसु।

१ युहन्‍ना 5:20

केलाइ गिनाखे, कि परमेस्वरको चान येसु ख्रिस्ट इदोइ सुमिङता लोका हि, जाइ सत्ये हि वासेहेङ नाल्लि द्वाको दोअ्तेङ परमेस्वर केलाइहेङ समझ पिका हि। जाइ सत्ये हि, केलाइ वा दोफा ए जेङतेङ हिनाहि, माकुनु वाको चान येसु ख्रिस्ट दोफा, वा दोङ सत्ये परमेस्वर कालाउ आनान्त जिबन हि।