एफिसि 4:18 - Dhimal NT

¹⁸ हाइपालिपानु इम्बालाइ बुझिलि मादोअ्खे, कालाउ इम्बालाइको जिद्दि कालाउ आग्यानताको कारन परमेस्वरको पिका नावा जिबन इम्बालाइता मान्थु।

एफिसि 4:18 Iomraidhean Croise

मत्‍ति 13:15

हाइपालिपानु इदोइ द्‍याङगेलाइको मन थुरका हि, कालाउ इम्बालाइ ताइको मिसियाँ थुम्तेङ ताअ्का हि, माकुनु इम्बालाइ मिसियाँहोइ तिङधावा, न्हातोङहेङ हिङधावा, मनसो बुझिधावा, कालाउ घुरिधावा, कालाउ का इम्बालाइहेङ एल्पा पिधाङका।

मर्कुस 3:5

येसु मेनाङ चेर ताम्पाहि जेलाउ वा द्‍यापाहाङ खाङहि, उङको द्‍याङगेलाइको राङका मनहेङ तिङतेङ वा मेनाङ दुखित जेङहि। कालाउ उङको द्‍याङहेङ दोअ्हि, “नाङको खुर फेनापा।” उङको द्‍याङ खुर फेनापाहि, कालाउ वाको खुर एल्हि।

युहन्‍ना 12:40

परमेस्वर ओबालाइको मिसियाँ कान्हाँ बानाइपापिका हि कि, कालाउकि ओबालाइ तिङलि माद्वाको, कालाउ ओबालाइको मन राङका पापिका हि, कालाउकि माबुझ्याको, माकुनुते ओबालाइ काङकोता घुरिधावा कालाउ का ओबालाइहेङ एल्पाधाङका।

साल्न्हाका चात्या 17:30

ओदोङ भाअ्सिङ लाम्फा द्‍याङगेलाइ मागिसिङ पाका कामहेङ परमेस्वर वास्ता मापापिहि। कालाउ एला परमेस्वर गोताङ थामेता हिका झाराङ द्‍याङगेलाइहेङ पाप पालि लाअ्लि आग्या पिका हि।

साल्न्हाका चात्या 3:17

ओइ एला काङको खान्धुराइ ओनेगेलाइ, कासेहेङ थाहा हि, कि नेलाइ कालाउ नेलाइको आगुवागेलाइ येसुहेङ सेअ्हि हाइपालिपानु वा ख्रिस्ट हि दोअ्का नेलाइहेङ थाहा मान्थुघाखे।

रोमि 1:28

कालाउ एसापा इम्बालाइ परमेस्वरको ग्यानहेङ आसुइकार पाहि, ओदोङ भाअ्सिङ परमेस्वर इम्बालाइहेङ मारेम्का पाको दोअ्तेङ इम्बालाइकोङ कुबिचारता लाअ्पिहि।

रोमि 11:25

खान्धुराइ ओनेगेलाइ, का नाअ् गैर-यहुदिगेलाइहेङ घमन्डि जेङका का माचाहिखा। ओदोङ भाअ्सिङ का इस्राएललिगेलाइहेङ हाइ जेङहि दोअ्का रहस्यको ब्याख्या पाङका, कालाउ इङको काथा नेलाइहेङ थाहा जेङहि पानु नेलाइ घमन्ड मापास्वाना। इदोइ रहस्य इसिका हि, गोताङ गैर-यहुदिगेलाइ ख्रिस्टता खाङधुरि मापाका धाउ इस्राएललिगेलाइको ह्रदय राङका जेनावा।

रोमि 11:7

ओदोङ भाअ्सिङ या एसापा जेङहि: इस्राएलको द्‍याङगेलाइ परमेस्वरको आगाता धर्मि जेङलि कोसिस पाहि कालाउ इम्बालाइ सफल जेङलि मादोहि, कालाउ परमेस्वर ताइमि साल्का द्‍याङगेलाइहेङ धर्मि बानाइहि। कालाउ बाकि हिका द्‍याङगेलाइको ह्रदय परमेस्वर थाङका बानाइ पिहि कालाउ इम्बालाइ परमेस्वरको काथा हिङलि माकिहि।

रोमि 2:19

कालाउ जेसापा नासेहेङ निसित हि, कि नाअ् कान्हाँ द्‍याङगेलाइहेङ परमेस्वरको दामा तिङपालि गोइखे, कालाउ नाअ् कितिकितिकाता हिका द्‍याङगेलाइको भाअ्सिङ फाइसालामका भाइका हिना,

1 कोरिन्थि 1:21

हाइपालिपानु परमेस्वर ताइको बुद्दि पाहासो थाहा गिहि, कि सुमिङको द्‍याङगेलाइ ताइको बुद्दिहोइ परमेस्वरहेङ नाल्लि मादोखे, ओदोङ भाअ्सिङ परमेस्वर केलाइको सुसमाचारको प्राचार खान्धुराइगेलाइहेङ बान्चिपालिको भाअ्सिङ प्रयोग पाहि, कालाउ आधिमिहेङ इदोइ आनाइ भाइका लागिखे।

1 कोरिन्थि 2:8

कालाउ इदोइ सुमिङको हिदोइ बुङ सासकगेलाइ इङको परमेस्वरको योजानाको काथा माबुझिहि। हाइपालिपानु जेसापा इम्बालाइ बुझिकानु महिमाको प्रभुहेङ क्रुस्टता तोइतेङ माअ्सेधावा।

2 कोरिन्थि 3:14

कालाउ ओबालाइको मन राङका जेङका हिघाहि, हाइपालिपानु नानिको दिना थेकापासोङ पुर्ना कारार पढेलाउ इङको नोसोइ हितेङ हिखे, जेदोङ नोसोइ ख्रिस्टता खाङधुरि पाकालाइको भाअ्सिङ खिनिङ लाअ्पाखे।

2 कोरिन्थि 4:4

कालाउ इदोइ सुमिङको दिर साइतान उङको खाङधुरि मापाकालाइको बिद्दिहेङ कान्हाँ बानाइ पिका हि, ओदोङ भाअ्सिङ इम्बालाइ ख्रिस्टको बारेता सुसमाचार कालाउ वाको महिमाको बारेता बुझिलि मादोखे, हाइपालिपानु ख्रिस्ट परमेस्वरको स्वरुप हि।

गलाति 4:8

लाम्फा जेलाउ नेलाइ परमेस्वरहेङ नाल्का मान्थु घासुखेना, कालाउ नेलाइ इङको इस्वरको बान्धाइति हिघासुखेना, जाइ बास्ताबता सत्ये परमेस्वर दोङ माको।

एफिसि 2:1

नेलाइ येसुता खाङधुरि पालि खान्तेङ लाम्फा आत्माता सिका हिघासुखेना, कालाउ नेलाइ दोफा परमेस्वरसो निङका जिबन मान्थुघाखे, हाइपालिपानु नेलाइ पाप पासुना कालाउ परमेस्वरको आग्या माकिसुन्हा।

एफिसि 2:12

नेलाइ परमेस्वर दोङ यहुदि द्‍याङगेलाइहेङ प्रतिग्या पाका काथाता बुङ सहभागि माजेङसुन्हा। फोम ताअ्सु, हानिका दिनागेलाइता नेलाइ ख्रिस्टहेङ नाल्का मान्थु घासुखेना, कालाउ नेलाइ परमेस्वरको चुनिका इस्राएलको द्‍याङगेलाइको रुपता मान्थु घासुखेना। कालाउ परमेस्वर प्रतिग्या पाका बाचाता नेलाइको हिदोइ बुङ थामे मान्थुघाखे। कालाउ नेलाइ इदोइ सुमिङता आस माकोसिङको कालाउ परमेस्वर बिनाको हिघासुखेना।

कलस्सि 1:21

हानिका सोमोइता दुस्ट काम पातेङ नेलाइ परमेस्वरसो दुरे जेङसुन्हा कालाउ ताइको मनता बिरोधि जेङका हिघासुखेना।

1 थेस्लोनिकि 4:5

कालाउ परमेस्वरहेङ मानाल्का द्‍याङगेलाइ भाइपा नेलाइ ताइको जिउको मारेम्का इच्छा आन्सार काम मापासु।

हिब्रु 5:2

हाइपालिपानु प्रधान पुजारिगेलाइ बुङ स्वयम ताइमिङ गोताङ कमजोर द्‍याङगेलाइ भाइकाङ दोङ। ओदोङ भाअ्सिङ इम्बालाइ मोनोइ जेङतेङ मागितेङ गलत काम पाकालाइ कालाउ दामा बिराइतेङ हानिकालाइहेङ सम्झाइलि दोखे।

हिब्रु 9:7

कालाउ बासारता एखे खिनिङ प्राधान पुजारि माहा पबित्तरो थामेता हानिघाखे, जेलाउ वा लिता हानिघाखे कालाउ वा ताइमि दोफा गुपुसको हिति चुम्पुतेङ हानिघाखे, कालाउ वा इङको हिति ताइको पाप स्यामाको भाअ्सिङ कालाउ द्‍याङगेलाइको मागिसिङ पाका पापको भाअ्सिङ परमेस्वर दोफा बिन्ति चाढाइका काम पाघाखे।

याकुब 4:4

ओइ परमेस्वरको खाङधुरि योग्य मान्थुका द्‍याङगेलाइ, इदोइ सुमिङको काथागेलाइको सानाइति परमेस्वर दोफाको सतुरु दोङ दोअ्का काथा हाइ नेलाइहेङ थाहा मान्थु? ओदोङ भाअ्सिङ जाइ सुमिङ दोफा सानाइति जेङलि भोखे वा दोङ ताइमिहेङ परमेस्वरको सतुरु बानाइखे।

1पतरुस 1:14

ताइको आबाको आग्या केम्का केलाइको जामाललाइ भाइपा परमेस्वरको आग्या केम्सु, नेलाइ परमेस्वरको सत्येताहेङ मागिका बेला कोनिङ इच्छा जेङका मारेम्का काम मापासु।

१ युहन्‍ना 2:11

कालाउ जाइ ताइको खान्धुराइ ओनेगेलाइहेङ मन्दा माताखे, उङको कितिकितिकाता भाइकाङ दुस्टताको जिबन जियाइखे, कालाउ कितिकितिका भाइकाङ दुस्टता ता तेगिल्खे, कालाउ उङको हिसो हानितेङ हि, इङको थाहा मानिङखे, हाइपालिपानु कितिकितिका भाइकाङ दुस्टताहोइ वासेहेङ कान्हाँ बानाइका हिखे।