एफिसि 4:16 - Dhimal NT

¹⁶ केलाइ झाराङ ख्रिस्टता खाङधुरि पाकालाइ वाकोङ जिउको आङगगेलाइ भाइका हिनाहि, जेसाङ एमि द्‍याङको जिउको गोताङ आङगगेलाइ जोर्नि पाहासो तेअ्का हिखे, कालाउ जेलाउ जिउको गोताङ आङग एनोङ दोङ बानाइका आङग ठिकसो काम पाखे। कालाउ जिउ बाराखे कालाउ बल्लियाका जेङखे। एन्सा पातेङ केलाइ झाराङ मिलितेङ ख्रिस्टको काम पानाखे, कालाउ केलाइ बल्लियाका कालाउ परिपक्क जेङन्हाखे कालाउ एमिसो भेनेङहेङ हेन्जा प्रेम पानाखे।

एफिसि 4:16 Iomraidhean Croise

युहन्‍ना 15:5

आङगुरको सिङ भाइका का दोङ हिघा कालाउ नेलाइ चाहि दालेङगेलाइ हिसुना। जेसापा हासु बुङ का दोफा हिखे पानु, कालाउ का वाकोता ह्याङका, वा हेन्जा आसाल काम पावा। हाइपालिपानु काङकोसो खेङतेङ हिनु नेलाइ हाइ दोङ पालि मादोस्वाना।

रोमि 12:4

जेसाङ केलाइ झाराङको एनोङ दोङ जिउता हेन्जा आङगगेलाइ हिखे, कालाउ गोताङ आङगगेलाइको एनोङ दोङ काम मान्थुखे।

1 कोरिन्थि 10:17

हाइपालिपानु एनोङ तोलेहोइ जानाइखे कि, केलाइ हेन्जाङ हिलाउ बुङ ख्रिस्टता एनोङ दोङ जिउ हिनाहि। हाइपालिपानु केलाइ झाराङ एनोङ दोङ तोलेसो चानाखे।

1 कोरिन्थि 13:13

ओदोङ भाअ्सिङ एला इदोइ सुम्लोङ काथागेलाइ चाहि केलाइ जेलाउ बुङ पालि गोइखे: परमेस्वरता खाङधुरि पाका, परमेस्वरको बाचागेलाइता आस ताअ्का कालाउ झाराङहेङ प्रेम पाका। कालाउ इङको सुम्लोङ मध्ये एनोङ झाराङ खान्तेङ बार्का काथा चाहि झाराङहेङ प्रेम पालि दोङ हि।

1 कोरिन्थि 8:1

नेलाइ कासेहेङ मुर्तिगेलाइहेङ चाढाइका चाका-आम्काको बिसोइता हिअ्का हिघासुन्हा, केलाइ इदोइ गोताङ काथागेलाइको बिसोइता गिनाखे, कालाउ ग्यानहोइ केलाइहेङ घमन्डि बानाइखे, कालाउ प्रेमहोइ चाहि आरुहेङ साघाइखे।

गलाति 5:22

कालाउ पबित्तरो आत्मा केलाइ लिता उब्जाइ पाका गुनगेलाइ इदोइ दोङ हि: प्रेम, आनान्द, सान्ति, धैर्य, दाया, भालाइ, खाङधुरि योग्य,

गलाति 5:6

जेसापा नेलाइ येसु ख्रिस्टको खान्धुराइगेलाइनु खाताना पालाउ बुङ मापालाउ बुङ हिदोइ बुङ फरक माजेङखे। कालाउ मुलि काथा या कि केलाइ ख्रिस्टता खाङधुरि पान्हाखे, कालाउ परमेस्वर कालाउ आरु द्‍याङहेङ बुङ प्रेम पान्हाखे।

एफिसि 1:4

परमेस्वर सुमिङ सिरजाइका खान्तेङ लाम्फा केलाइको ख्रिस्ट दोफाको सम्बन्धको कारन केलाइहेङ चुनिहि। कालाउकि केलाइ वाको आगाता पबित्तरो कालाउ निस्कलङ जेङलि द्वाको।

एफिसि 3:17

नेलाइ आत्माता बल्लियाका जेङलि गोइखे, कालाउकि नेलाइको खाङधुरिहोइ ख्रिस्ट नेलाइको ह्रदयता ह्याको। का प्रार्थाना पाखा, कि नेलाइको परमेस्वर दोफाको प्रेम कालाउ एमिसो भेनेङ दोफा प्रेमहोइ नेलाइहेङ बल्लियाका बानाइलि द्वाको कालाउ पाप पालिसो बान्चि पाको।

एफिसि 3:7

परमेस्वरको एन्साङ दोङ पिका बरदान आनुग्रह कालाउ वाको सरबुङ पाहासो, का सुसमाचार प्राचार पालिको भाअ्सिङ सेवक जेङका हिघा। वा ताइको सरबुङसो कासेहेङ इदोइ आनुग्रह पिका हि।

एफिसि 4:12

ख्रिस्ट द्‍याङगेलाइहेङ इदोइ योग्यतागेलाइ पिहि, कालाउकि इम्बालाइ परमेस्वरको पबित्तरो जनगेलाइहेङ वाको सेवा पालि तियार बानाइलि द्वाको कालाउ ख्रिस्टता इम्बालाइको खाङधुरि बल्लियाका जेनाको।

एफिसि 4:15

भरु प्रेमहोइ सत्ये नुइ धुइकाताङ, कालाउ केलाइ ख्रिस्ट भाइपा गोताङ काथाता परिपक्क जेनाइने, जाइ चाहि ताइको जिउ मन्डलिको पुरिङ हि।

फिलिप्पि 1:9

का प्रार्थाना पाङका, कि परमेस्वरको ग्यान कालाउ बिबेकता ता-ताइमिको भाअ्सिङ नेलाइको प्रेम झन बाढेकाताङ हानाको,

कलस्सि 2:2

का थाङका परिस्रोम पाखा हाइपालिपानु का इम्बालाइहेङ खाङधुरिता बल्लियाका बानाइलि भोखा, कालाउ इम्बालाइ ता-ताइमिको प्रेमहोइ इम्बालाइता एकता ता चुमावा। का चाहिखा कि इम्बालाइता पुर्न समझ ह्याको कालाउ परमेस्वरको रहस्यमय योजानाको पुरा जानकारि ह्याको, जाइ ख्रिस्ट ताइमिङ दोङ हि।

1 थेस्लोनिकि 1:3

जेलाउ केलाइ आबा परमेस्वर दोफा प्रार्थाना पानाखे, केलाइ प्रभु येसु ख्रिस्ट नेलाइको खाङधुरिसो पाका काम, नेलाइ खान्धुराइगेलाइहेङ पाका प्रेम कालाउ साघाइ कालाउ नेलाइको थाङका परिस्रोम, कालाउ नेलाइ प्रभु येसु ख्रिस्ट आरोङ ल्वाङ दोअ्का आसता धर्य पातेङ लागातार फोम पानाखे।

1 थेस्लोनिकि 2:13

ओदोङ भाअ्सिङ केलाइ बुङ परमेस्वरहेङ धन्यबाद पिनाखे, कि नेलाइ केलाइसो हिङका बचन जातिङकोङ परमेस्वरसो लोका बचन दोङ हि, इङको नेलाइ द्‍याङगेलाइसो लोका बचन भाइका माको, कालाउ परमेस्वरसो लोका बचन कोनिङ ग्रहन पासुन्हा, कालाउ इङको परमेस्वरको बचन एला नेलाइ ख्रिस्टता खाङधुरि पाकालाइता काम पातेङ हि।

1 थेस्लोनिकि 3:12

केलाइ प्रार्थाना पाङ कि जेसाङ केलाइ नेलाइहेङ प्रेम पानाखे, एन्साङ दोङ प्रभु नेलाइहेङ बुङ एमिसो-भेनेङ दोफा कालाउ गोताङ द्‍याङगेलाइ दोफा प्रेमता आझाइ बाढेपाको।

2 थेस्लोनिकि 1:3

खान्धुराइ ओनेगेलाइ, नेलाइको भाअ्सिङ परमेस्वरहेङ जेलाउ बुङ धन्यबाद पिनाखे। एन्सा पालि केलाइहेङ ठिक हि, हाइपालिपानु नेलाइको खाङधुरि येसु ख्रिस्टता बाढेतेङ हानिका हि। कालाउ नेलाइको प्रेम बुङ एमिसो-भेनेङ दोफा झन बाढेतेङ हि।

1तिमोथि 1:5

का नेलाइहेङ आदेस पिका उदेस्य इदोइ हि, कि नेलाइ एमिसो-भेनेङहेङ पुरा ह्रदयहोइ, प्रेम पासु, जेदोङ चाहि सुद्द मन, आसल बिबेक, कालाउ सत्ये खाङधुरिसो लोखे।

1पतरुस 1:22

हाइपालिपानु नेलाइ सत्ये पालन पातेङ सुद्द जेङका हिसुना, एला नेलाइ ताइको दोफाङको खान्धुराइगेलाइहेङ चोखो प्रेम पासु। कालाउ एमिसो भेनेङहेङ ताइको ह्रदयको लिता सोङ प्रेम पातेङ हिसु।

१ युहन्‍ना 4:16

एसापा केलाइ रेम्फा गिनाखे कालाउ केलाइ खाङधुरि पानाखे कि परमेस्वर केलाइहेङ प्रेम पाखे। परमेस्वर प्रेम हि, कालाउ जाइ प्रेमता हिखे उङको परमेस्वर दोफा हिखे, कालाउ परमेस्वर वाको दोफा हिखे।