एफिसि 4:13 - Dhimal NT

¹³ केलाइ ताइको खाङधुरि पाहासो कालाउ परमेस्वरको चानको बारेता केलाइको फोम पाका पाहासो ए माजेङपा थेकापा इदोइ हितेङ ह्याङ। कालाउ केलाइ परिपक्क जेनाङ, कालाउ केलाइ वाको भाइपाङ जेनाङ, जेसाङ ख्रिस्ट हि।

एफिसि 4:13 Iomraidhean Croise

मत्‍ति 11:27

काङको आबा कासेहेङ गोताङ काथाको जिम्मा पिका हि। आबा बाहेक चानहेङ हासु बुङ मानाल्खे कालाउ चान बाहेक आबाहेङ हासु बुङ मानाल्खे। कालाउ चान दोङ नाल्पालि खाङकालाइहेङ चाहि आबाहेङ नाल्खे।

युहन्‍ना 1:16

वाको आनुग्रहको पुर्नतासो केलाइ एनोङ आसिस ह्रुता भेनेङ आसिस निङका हिनाहि।

युहन्‍ना 16:3

कालाउ इम्बालाइ इदोइ गोताङ कामगेलाइ पावा, कारन नाअ् ते इम्बालाइ आबाहेङ नाल्का हि नाअ् ते कासेहेङ दोङ नाल्खे।

युहन्‍ना 17:21

इम्बालाइ झाराङ ए जेनाको, हे आबा, जेसाङ नाअ् काङकोता हिखेना, कालाउ का बुङ नाङको दोफा हिखा, एसापाङ इम्बालाइ बुङ केलाइता ह्याको, कालाउ नाअ् दोङ कासेहेङ दिङगिल्का दोअ्तेङ सुमिङको द्‍याङगेलाइ खाङधुरि पाको।

युहन्‍ना 17:3

कालाउ आनान्त जिबन इदोइ दोङ कि द्‍याङगेलाइ नासेहेङ एमि खिनिङ सत्ये परमेस्वर दोअ्तेङ नाल्लि द्वाको, कालाउ कासेहेङ येसु ख्रिस्ट जाइ नाअ् दोङ दिङगिल्का हि दोअ्तेङ इम्बालाइ नाल्लि द्वाको।

युहन्‍ना 6:69

कालाउ केलाइ खाङधुरि पाका हिनाहि कालाउ गिका हिनाहि, नाअ् दोङ परमेस्वरको जन हिना।

साल्न्हाका चात्या 4:32

खाङधुरि पाकालाइको समुह झाराङ एनोङ दोङ ह्रदय कालाउ एनोङ दोङ आत्माता हिका हिघाहि, कालाउ इम्बालाइ मध्येसो एमि बुङ ताइको धन-सम्पतिको हिदोइ बुङ आमेने इदोइ काङको केलाइको दोअ्तेङ माअ्दोघाखे। कालाउ इम्बालाइको गोताङ आमेने साझा हिघाहि।

1 कोरिन्थि 1:10

एला खान्धुराइ ओनेगेलाइ, केलाइको प्रभु येसु ख्रिस्टको खाबारासो का नेलाइहेङ बिन्ति पाखा, कि नेलाइ झाराङ एमिसो-भेनेङ दोफा सहमति जेङसु कालाउ ए-जेङसु कालाउ नेलाइ ता-ताइमिता मिलिसु। कालाउ नेलाइ एनोङ दोङ बिचार कालाउ एनोङ दोङ मनको जेङतेङ हिसु।

1 कोरिन्थि 14:20

खान्धुराइ ओनेगेलाइ, इदोइ काथागेलाइता नेलाइको सोचिका बिचारगेलाइता जामाललाइ भाइपा माजेङसु। मारेम्का काथागेलाइको भाअ्सिङ जामाललाइ भाइपा आन्जान जेङसु, कालाउ इसिका खाल्को काथा बुझिलिको भाअ्सिङ वाराङ द्‍याङ भाइपा जेङसु।

1 कोरिन्थि 2:6

कालाउ बुङ परिपक्का खान्धुराइगेलाइको माझाता केलाइ बुद्दिको काथा पानाखे, कालाउ सुमिङको द्‍याङगेलाइको बुद्दि माको, ना ते इदोइ सुमिङको सासकगेलाइको बुद्दि भाइपा, जेदोङ नासातेङ हानावा।

2 कोरिन्थि 4:6

हाइपालिपानु परमेस्वर दोअ्हि, “कितिकितिकासो फाइसालामका चिल्काताको।” कालाउ ओदोङ परमेस्वर केलाइको ह्रदयता फाइसालामकाता भाइका केलाइहेङ फोम पाहि, कालाउकि केलाइ परमेस्वरको महिमाहोइ येसु ख्रिस्टता देखाल जेङका तिङलि द्वाको।

गलाति 4:19

काङको आनाउ जामाललाइ, जेसाङ एमि बेबाल जामालहेङ जोलोम पिलाउ तु-निन्चाखे एन्साङ दोङ का आरोङ नेलाइको भाअ्सिङ दुख ल्होपातेङ हिघा। जेलाउ थेकापा नेलाइ ख्रिस्टता परिपक्का माजेङस्वाना एन्सालाउ थेकापा का इङको कस्टता ह्याङका।

एफिसि 1:17

का परमेस्वर दोफा प्रार्थाना पाखा, कि केलाइको प्रभु येसु ख्रिस्टको महिमाको आबा नेलाइहेङ आत्मिक बुद्दि कालाउ ग्यान प्याको कालाउ वासेहेङ बुङ परमेस्वर हासु दोअ्तेङ बुझिलि ग्यान प्याको।

एफिसि 1:23

मन्डलि चाहि ख्रिस्टको जिउ हि, जेसाङ वा सारा सुमिङता ताइको सरबुङको प्रयोग पाखे, एन्साङ पातेङ ख्रिस्ट ताइको सारा सरबुङको प्रयोग केलाइको माझाता पाखे।

एफिसि 2:15

वाको सिकासो, वा मोसाको व्यवस्थाता हिका गोताङ आग्यागेलाइ कालाउ नियमगेलाइ मोअ्पाहि। कालाउकि वा यहुदि कालाउ गैर-यहुदिगेलाइको माझाता सान्ति चुमालि द्वाको कालाउ एनोङ नावा समुह बानाइलि द्वाको।

एफिसि 4:12

ख्रिस्ट द्‍याङगेलाइहेङ इदोइ योग्यतागेलाइ पिहि, कालाउकि इम्बालाइ परमेस्वरको पबित्तरो जनगेलाइहेङ वाको सेवा पालि तियार बानाइलि द्वाको कालाउ ख्रिस्टता इम्बालाइको खाङधुरि बल्लियाका जेनाको।

एफिसि 4:3

इसिका पालि मेनाङ कोसिस पासु, कालाउकि नेलाइ जेलाउ बुङ मिलितेङ हिलि दोसु, हाइपालिपानु नेलाइ पबित्तरो आत्मा पाहासो ए-जेङका हिसुन्हा।

एफिसि 4:5

केलाइ झाराङको एनोङ दोङ प्रभु हि, जाइता केलाइ झाराङ खाङधुरि पानाखे, कालाउ केलाइ झाराङ एनोङ दोङ बप्तिस्ता ह्रुनाहि।

फिलिप्पि 3:10

का ख्रिस्टहेङ खिनिङ माको कालाउ परमेस्वर जाइ वासेहेङ सिकासो सिन्चाल पाहि वाको सरबुङहेङ गिलि भोखा। का येसुको कस्टको भागेदार जेङलि भोखा कालाउ वाको सिकाता वाको भाइपाङ भाइलि खाङखा।

फिलिप्पि 3:8

इङको झोको खिनिङ माको, का येसु ख्रिस्ट प्रभुहेङ नाल्लि भोखा, जेदोङ गोताङ काथा खान्तेङ माहान हि, का गोताङ काथागेलाइहेङ बेकार थानिखा। कालाउ ख्रिस्टको भाअ्सिङ गोताङ काथागेलाइ लाअ्का हिघा, कालाउ इङको गोताङहेङ फोहोरगेलाइ भाइपा सम्झिखा, कालाउकि का पुरा रुपहोइ ख्रिस्टको जेङलि द्वाको।

कलस्सि 1:28

केलाइ गोताङ द्‍याङगेलाइहेङ ख्रिस्टको बारेता हिङपान्हाखे, झाराङ द्‍याङहेङ चेताउनि कालाउ सारा बुद्दिहोइ धिरपाहान्खे जेदोङ परमेस्वर केलाइहेङ पिका हि। कालाउकि केलाइ निसित जेङलि द्वाको कि झाराङ द्‍याङ ख्रिस्टता परिपक्का जेनावा जेलाउ इम्बालाइ परमेस्वरको आगाता जाअ्तावा।

कलस्सि 2:2

का थाङका परिस्रोम पाखा हाइपालिपानु का इम्बालाइहेङ खाङधुरिता बल्लियाका बानाइलि भोखा, कालाउ इम्बालाइ ता-ताइमिको प्रेमहोइ इम्बालाइता एकता ता चुमावा। का चाहिखा कि इम्बालाइता पुर्न समझ ह्याको कालाउ परमेस्वरको रहस्यमय योजानाको पुरा जानकारि ह्याको, जाइ ख्रिस्ट ताइमिङ दोङ हि।

हिब्रु 5:14

कालाउ जाराउका चाका-आम्का चाहि खाङधुरिता बल्लियाका द्‍याङको भाअ्सिङ दोङ हि, वाते रेम्का-मारेम्का काथा लाअ्पालि दोका तालिम निङलि दोका हिखे।

२ पत्‍रुस 1:4

कालाउ वाको महिमा कालाउ भलाइको कारन वा केलाइहेङ हेन्जा बार्का कालाउ आनमोल प्रतिग्यागेलाइ पिका हि, इदोइ बरदानगेलाइ प्रयोग पातेङ केलाइ इदोइ सुमिङको खाराब इच्छागेलाइसो जोगिलि द्वाङ, जाइ केलाइहेङ हान्ति पाखे, कालाउ परमेस्वरको ताइकोङ स्वभाबता झ्वाइनालि द्वाङ।

२ पत्‍रुस 3:18

कालाउ नेलाइ लागातार केलाइको प्रभु कालाउ मुक्ति दाता येसु ख्रिस्टको आनुग्रह हेन्जा खान्तेङ हेन्जा आनुभब पातेङ हिलि गोइखे, कालाउ वाको बारेता नेलाइको बुझिकाता बाराकाताङ हानिलि गोइखे। वासेहेङ एला कालाउ जेलाउलाउ बुङ बाखिन ह्याको। आमेन।

१ युहन्‍ना 5:20

केलाइ गिनाखे, कि परमेस्वरको चान येसु ख्रिस्ट इदोइ सुमिङता लोका हि, जाइ सत्ये हि वासेहेङ नाल्लि द्वाको दोअ्तेङ परमेस्वर केलाइहेङ समझ पिका हि। जाइ सत्ये हि, केलाइ वा दोफा ए जेङतेङ हिनाहि, माकुनु वाको चान येसु ख्रिस्ट दोफा, वा दोङ सत्ये परमेस्वर कालाउ आनान्त जिबन हि।