एफिसि 4:11 - Dhimal NT

¹¹ कालाउ ख्रिस्ट दोङ मन्डलिहेङ इदोइ योग्यतागेलाइ पिहि: वा आधिमिहेङ छाल्न्हाका चात्यागेलाइ, आधिमिहेङ परमेस्वरको बक्तागेलाइ, आधिमिहेङ सुसमाचार प्राचार पालि, आधिमिहेङ मन्डलिको आगुवागेलाइ कालाउ आधिमिहेङ सिक्स्यकगेलाइ नियुक्ति पाहि।

एफिसि 4:11 Iomraidhean Croise

मत्‍ति 28:20

का नेलाइहेङ आग्या पिका गोताङ काथागेलाइ पालि इम्बालाइहेङ धिरपासु। खाङसु, का युगको दोका थेकापा नेलाइ दोफा का ह्याङका।”

साल्न्हाका चात्या 13:1

एन्तिओक सहरको मन्डलिता हेन्जा परमेस्वरको बक्तागेलाइ कालाउ सिक्स्यकगेलाइ हिघाहि, माकुनु बार्नाबास, सिमोन जाइको भनेङ मिङ निगर हिघाहि, कुरेनि सहरको लुकिएस, सारभिको द्‍यातेङ भागको राजा हेरोद दोफा हुर्किका मनेन कालाउ साउल हिघाहि।

साल्न्हाका चात्या 20:28

नेलाइ ताइको कालाउ ताइको गोताङ हुलको भाअ्सिङ चङख हिसु, पबित्तरो आत्मा नेलाइहेङ मन्डलिको आगुवा बानाइकानाङ हि। वा ताइकोङ हितिहोइ चोल्का परमेस्वरको मन्डलिहेङ नेलाइ सामाराइसु।

साल्न्हाका चात्या 21:8

न्हु दिना केलाइ बिदा जेङतेङ कैसरिया सहरता लोन्हाहि, कालाउ प्रचारक फिलिपको साअ्ता हानिन्हाहि कालाउ केलाइ इम्बालाइ दोफा हिनाहि। वा चाहि यरुसेलेम सहरता साल्का चात्यागेलाइ न्हिमि मध्ये एमि हिघाहि, जाइहेङ के सिका बेबालाइको सेवा पालिको भाअ्सिङ साल्का हिघाहि।

रोमि 12:7

सेवाको बरदान हि पानु, वा आरुको सेवा पाको, सिक्स्याको बरदान हि पानु सिक्स्या प्याको।

1 कोरिन्थि 12:4

आत्मिक बरदानगेलाइ परिपरिको हिखे, कालाउ पबित्तरो आत्मा दोङ इङको गोताङ पिखे।

एफिसि 2:20

नेलाइ बुङ छाल्न्हाका चात्यागेलाइ कालाउ परमेस्वरको बक्तागेलाइ योम्पाका जगता बानाइका साअ् भाइका हिसुन्हा। कालाउ जगको मुलि उन्ठुइ चाहि येसु ख्रिस्ट ताइमिङ हि।

एफिसि 3:5

बितिका सोमोइता, परमेस्वर द्‍याङगेलाइहेङ इङको म्होनाका सत्येता देखाल पापिका मान्थुघाखे, कालाउ एला पबित्तरो आत्माहोइ इङको म्होनाका रहस्य वाको पबित्तरो छाल्न्हाका चात्यागेलाइहेङ कालाउ परमेस्वरको बक्तागेलाइहेङ देखाल पापिका हि।

एफिसि 4:8

ओदोङ भाअ्सिङ धर्मसास्तरता इसिका दोअ्का हि, “वा ह्रुता स्वर्ग हानिलाउ, हेन्जा कैदिहेङ ताइमि दोफा चुम्पुहि, कालाउ द्‍याङगेलाइहेङ बरदानगेलाइ पिहि।”

2 तिमोथि 4:5

कालाउ नाअ् कस्ट भोगिलि गोइलाउ बुङ जेलाउ बुङ ताइमिहेङ नियन्तरन पालि गोइखे, कालाउ सुसमाचार प्राचार पालि थाङका मेहेनत पाअ्‌, कालाउ प्रभु नासेहेङ पिका गोताङ काम पुरा पाअ्‌।

हिब्रु 5:12

एला थेकापा ते नेलाइ आरुगेलाइहेङ धिरपालि दोका जेङलि गोइधास्वाना, कालाउ नेलाइ एला थेकापा बुङ परमेस्वरको बचनको बारेता आधारभुत काथा थाहा मान्थुनाङ आरु हासु बुङ धिरपालि गोइखे। जाराउका चाका-आम्का आमेने खान्तेङ आझाइ भरु नेलाइहेङ जामाल भाइपा दुधे गोइखे।

यहुदा 1:17

कालाउ आनाउ सानाइतिगेलाइ, नेलाइ चाहि केलाइको प्रभु येसु ख्रिस्टको छाल्का चात्यागेलाइ आन्चा दोङ दोअ्का काथागेलाइ फोम पासु।

प्रकास 18:20

नेलाइ झाराङ जाइ स्वर्गता हिसुखेना, परमेस्वरको गोताङ द्‍याङगेलाइ, छाल्न्हाका चात्यागेलाइ, कालाउ परमेस्वरको बक्तागेलाइ, नेलाइ बेबिलोन सहरता जेदोङ जेङहि इङको भाअ्सिङ झाराङ हेन्जा खुसि मानाइसु। हाइपालिपानु परमेस्वर बेबिलोन सहरहेङ साजाइ प्याङ जेदोङ दुस्ट काम नेलाइ दोफा पाहि।”

प्रकास 21:14

इम्बालाइ इङको सहरको बेरेम तेन्हे बारका उन्ठुइगेलाइ ह्रुता बानाइका हिघाहि। गोताङ उन्ठुइता थुमाको तेन्हे छाल्न्हाका चात्यागेलाइको मिङ हिघाहि।