एफिसि 4:1 - Dhimal NT

¹ प्रभुको सेवा पानाङ का एमि कैदि जेङका हिघा, कालाउ का नेलाइहेङ बिन्ति पाखा, परमेस्वर ताइको सान्तान जेङलि काइका को योग्यता आन्सार ताइको जिबन जियाइसु।

एफिसि 4:1 Iomraidhean Croise

साल्न्हाका चात्या 9:31

एसापा द्‍यापाहाङ यहुदिया जिल्ला, गालिल जिल्ला कालाउ सामारिया जिल्लाको मन्डलिगेलाइता सान्ति लोहि कालाउ मन्डलि बल्लियाका जेङहि। प्रभुहेङ थितेङ कालाउ पबित्तरो आत्माहोइ हाउसाइतेङ हेन्जा द्‍याङगेलाइ येसु ख्रिस्टता खाङधुरि पाहि।

रोमि 11:29

हाइपालिपानु परमेस्वर ताइमिङ पिका बरदानगेलाइ आरोङ माह्रुखे कालाउ काइलि दोकालाइहेङ हेलाउ बुङ मालाखे।

रोमि 12:1

ओदोङ भाअ्सिङ खान्धुराइ ओनेगेलाइ, परमेस्वरको माहान दायाको कारन का नेलाइहेङ आनुरोध पाखा, कि ता-ताइको जिउहेङ पबित्तरो कालाउ परमेस्वरहेङ ग्रहन योग्य जेङलि ताइको जिबनहेङ सिन्हु पाङ भोगको रुपता आर्पन पाअ्सु। नेलाइ पालि गोइका सत्ये आराधाना इदोइ दोङ हि।

1 कोरिन्थि 4:16

ओदोङ भाअ्सिङ नेलाइ बुङ का भाइपाङ जेङसु दोअ्तेङ का बिन्ति पाखा।

2 कोरिन्थि 10:1

का पावल, नेलाइको आगाता हिलाउ मोनोइ जेङघा, कालाउ दुरे हिलाउ नेलाइ प्रति साहासि जेङखा! ख्रिस्टको मोनोइता कालाउ मायारु पाहासो का नेलाइहेङ सेउपाखा।

2 कोरिन्थि 5:20

ओदोङ भाअ्सिङ केलाइ ख्रिस्टको राजदुतगेलाइ हिनाहि, कालाउ परमेस्वर द्‍याङगेलाइहेङ केलाइ पाहासो आनुरोध पाकाताङ हि। ख्रिस्टकोङ पक्स्यता केलाइ नेलाइहेङ सेउपानाखे, कि नेलाइ परमेस्वर दोफा मिलिलि लोसु।

2 कोरिन्थि 6:1

परमेस्वरहेङ साघाइका द्‍याङ हिनाङ केलाइ नेलाइहेङ सेउपानाखे, कि वाको आनुग्रह व्‍यर्थ जेङलि मापि।

गलाति 4:12

खान्धुराइ ओनेगेलाइ, का बिन्ति पाखा, कि का भाइकाङ ताइमिहेङ बुङ व्यवस्थासो स्वतन्तरो बानाइसु, हाइपालिपानु का बुङ नाअ् गैर-यहुदि कोनिङ व्यवस्थासो स्वतन्तरो जेङका हिघा। नेलाइ लाम्फासोङ कासेहेङ रेम्का पाका हिसुना।

एफिसि 2:10

हाइपालिपानु केलाइ परमेस्वरको सिरजाइन्हाका हिनाहि, कालाउ केलाइ येसु ख्रिस्ट दोफाको सम्बन्ध हिकालाइ नावा द्‍याङको रुपता एल्का काम पालिको भाअ्सिङ सिरजाइन्हाका हि। केलाइ इङको आसल कामगेलाइ पाइने दोअ्तेङ वा लाम्फा दोङ तियार पाका हिघाहि।

एफिसि 3:1

ओदोङ भाअ्सिङ का पावल नाङको भाअ्सिङ प्रार्थाना पाङका, का येसु ख्रिस्टको कैदि जेङका हिघा हाइपालिपानु का नाअ् गैर-यहुदिगेलाइहेङ सुसमाचार प्राचार पाका काम पाघा।

एफिसि 4:17

ओदोङ भाअ्सिङ प्रभुको पिका खाबारासो का या दोअ्खा, कि परमेस्वरहेङ मानाल्का द्‍याङगेलाइ कोनिङ उदेस्य मान्थुका जिबन माजियाइने।

एफिसि 4:4

केलाइ झाराङ खान्धुराइगेलाइ एनोङ दोङ जिउको आङगगेलाइ भाइका हिनाहि, कालाउ केलाइ ओदोङ पबित्तरो आत्मा बुङ निङका हिनाहि, आस बुङ एनोङ दोङ हि, जाइको भाअ्सिङ परमेस्वर नेलाइहेङ ताइको द्‍याङगेलाइ जेङलि काइहि।

एफिसि 5:2

बोगेलाइको भाअ्सिङ प्रेममय जिबन बितिपासु, जेसाङ ख्रिस्ट बुङ केलाइहेङ प्रेम पाहि, कालाउ वा केलाइको पापको भाअ्सिङ ताइमिहेङ भोगको रुपता चढाइका हि। कालाउ परमेस्वर खुसि जेङहि, हाइपालिपानु बलिदान वाको भाअ्सिङ ताअ्का मालामालाका बासाना भाइका हिघाहि।

फिलिप्पि 1:27

कालाउ मुख्य काथा इदोङ हि कि नेलाइको जिबनको चाल-चलन ख्रिस्टको सुसमाचारको भाअ्सिङ योग्य जेनाको। का चाहे लोतेङ नेलाइहेङ तिनाको, चाहे लोलि मादाको, कालाउ बुङ का नेलाइको बारेता इदोइ दोङ काथा हिङलि भोखा, कि नेलाइ एनोङ दोङ उधेस्यता बल्लियाका जेङतेङ हिसुना, कालाउ ए दोफाङ मिलितेङ सुसमाचारको खाङधुरिको भाअ्सिङ परिस्रोम पासुखेना,

फिलिप्पि 3:14

का स्वर्गको इनाम निङलिको भाअ्सिङ ल्क्स्य भारि हानिदोङखा इङको पुरुस्कार चाहि परमेस्वर कासेहेङ स्वर्गता काइका हि, हाइपालिपानु येसु ख्रिस्ट काङको भाअ्सिङ सिपिहि।

कलस्सि 1:10

केलाइ प्रार्थाना पानाखे, कालाउकि नेलाइ प्रभुहेङ आदार पिका कालाउ हाउसाइपाका जिबन जियाइलि दोसु, कालाउ नेलाइ लागातार आसल कामगेलाइ पासु, आरुको भाअ्सिङ भलाइ पालि दोसु। कालाउकि नेलाइ परमेस्वरहेङ आझाइ रेम्फासो गिलि दोसु।

कलस्सि 2:6

जेसाङ नेलाइ ख्रिस्ट येसुहेङ प्रभु दोअ्तेङ खाङधुरि पासुना एन्साङ वासेहेङ लागातार पिताइसु।

कलस्सि 4:12

नेलाइको नगरसो लोका येसु ख्रिस्टको दास इपाफ्रास बुङ ताइको आभिबादन पिगिल्का हि। वा लगनसिल जेङतेङ प्रार्थानाता परिस्रोम दोफाङ जेलाउ बुङ नेलाइहेङ फोम पातेङ हिखे। कालाउकि नेलाइ परिपक्क जेङसु कालाउ परमेस्वरको गोताङ इच्साता गोताङ रुपहोइ आग्याकारि हिनाङ निर्धक्क हिलि दोसु।

1 थेस्लोनिकि 2:12

केलाइ नेलाइहेङ हाउसाइ कालाउ सान्तावाना पिन्हाहि कालाउ बिन्ति पानाहि कि परमेस्वरहेङ मन परिका जिबन जियाइसु, जाइ नेलाइहेङ ताइको सासन कालाउ महिमाता काइयावा।

2 थेस्लोनिकि 1:11

ओदोङ भाअ्सिङ एसाङ दोङ केलाइ नेलाइ झाराङको भाअ्सिङ जेलाउलाउ बुङ प्रार्थाना पातेङ ह्याङ, कालाउकि केलाइको परमेस्वर नेलाइहेङ काइतेङ ताइको योग्यको बानाइयाको, जाइको भाअ्सिङ नेलाइहेङ काइका हि, कालाउ वाको सरबुङसो गोताङ रेम्का काम पाका इच्छा कालाउ खाङधुरि योग्य कामगेलाइ पालि साघाइयाको।

2 तिमोथि 1:9

परमेस्वर केलाइहेङ बान्चिपाहि कालाउ पबित्तरो जिबन जियाइलि काइहि। केलाइ रेम्का काम पाकानाङ काइका माको, भरु ताइको योजाना कालाउ आनुग्रहहोइ परमेस्वर केलाइहेङ बान्चिपाहि। जेदोङ आनुग्रह वा येसु ख्रिस्ट पाहासो सुमिङहेङ सिरजाइका खान्तेङ लाम्फा पिका हिघाहि।

तितस 2:10

इम्बालाइ माखुवाको, भरु ताइमिहेङ खाङधुरि योग्य तिङपाको। कालाउकि द्‍याङगेलाइ इम्बालाइको रेम्का ब्यभार तिनाको, कालाउ इम्बालाइको पाका रेम्का कामसो द्‍याङगेलाइ केलाइको मुक्ति दाता परमेस्वरको सन्‍देस हिङलि मन परियाको।

हिब्रु 3:1

ओदोङ भाअ्सिङ परमेस्वर वाको दोफा स्वर्गता झ्वाइनालि काइका खान्धुराइ ओनेगेलाइ दोङ हिसुना, येसुता मन लागाइसु जाइ केलाइको भाअ्सिङ परमेस्वरको दुत कालाउ प्राधान पुजारि जेङका हि।

1पतरुस 2:11

आनाउ सानाइतिगेलाइ, नेलाइ इदोइ सुमिङता बिदेसिगेलाइ कालाउ प्रबासिगेलाइ भाइपाङ हिसुना। का नेलाइहेङ बिन्ति पाखा कि इङको गोताङ दुस्ट जिउको इच्छागेलाइसो दुरे हिसु, हाइपालिपानु इसिका लान्सागेलाइ जेलाउ बुङ नेलाइको आत्मा दोफा जुधेखे।

1पतरुस 3:9

खाराबिको बदला खाराबि मापालि माकुनु आपामानको बदला आपामान मापालि, भरु इङको को सातोता आसिस पिका जेङसु, नेलाइ इम्बालाइको भाअ्सिङ आसिस ह्रेलि गोइखे हाइपालिपानु नेलाइ परमेस्वर पाहासो आसिस पिलिको भाअ्सिङ काइन्हाका हिसुना, कालाउकि नेलाइ परमेस्वरसो आसिस निङलि दोसु।

1पतरुस 5:10

परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।

२ पत्‍रुस 1:3

केलाइ परमेस्वरहेङ नाल्कानाङ वा केलाइहेङ वाको दोफा हिका इङको सरबुङ पिका हि। ओदोङ भाअ्सिङ केलाइ वासेहेङ लेङचापाका जिबन जियाइलि गोइका गोताङ काथा हि। वाको ताइकोङ पुर्न कालाउ महिमा पुर्न चरित्तरोको कारन वा केलाइहेङ ताइकोङ द्‍याङ जेङलि छाल्का हि।

२ युहन्‍ना 1:5

एला ओइ बेबाल, का नासेहेङ आनुरोध पाखा कि केलाइ एमिसो-भेनेङहेङ प्रेम पालि गोइखे। इदोइ हिदोइ बुङ नावा आग्या माको कालाउ ओदोङ आग्या दोङ जेदोङ केलाइ ख्रिस्टहेङ पिताइका सोमोइसोङ गिनाखे।